týsdagur 26. september 2006síða 9

Nr. 185 - 26. september 2006 9 tíðindi Gongur sum Neyð­ hjálp Fólkakirkjunnar ætlar verður ein endurnýtsluhandil settur á stovn í Havn um stutta tíð. – Vit hava funnið hølir til handilin. Nú vantar okkum bert fólk at skipa fyri handlinum, varð upplýst á kunnandi fundi í Havn í farnu viku. Ætlandi letur handilin upp um ein góðan mánað Neyðhjálp Orð & myndir: Snorri Brend snorri@sosialurin.fo Havn: Hesin virkni felags­ skapurin hevur longu oman fyri 100 slíkar handlar í Danmark. Men hetta verður altso fyrsti handil teirra á føro­ yskari jørð. Endamálið við hesum handlum er at útvega pening til víttfevnda arbeiðið sum felagsskapurin ger heima og úti. Avlopið frá søluni í handl­ unum kemur veruliga til sín rætt: - Hjá okkum er tað so­leiðis, at 66 % av hesum fara til arbeiði okkara úti í heimi, sigur Kamilla Bals­ lev-Olesen, hvørs ábyrgd­ arøki eru handlar av hesum slagi. Hon var her saman við aðalskrivaranum í Neyð­ hjálp fólkakirkjunnar, Hen­ rik Stubkjær og øðrum frá felagsskapinum. Endamálið var at kunna um arbeiðið og bjóða fram møguleikan at stuðla einum slíkum endurnýtsluhandli. Á fundinum varð upp­ lýst, at í Danmark eru eini 125.000 fólk sum reglu­liga stuðla Neyðhjálp Fólkakirkjunnar. Í Føroyum er talið eisini rættiliga stórt, tí her hevur felagsskapurin einar 600 stuðlar. – Tað vóru nakrar av hes­ um, sum vit eisini fegin ynsktu at hitta, sigur Henrik Stubkjær. Yptu øksl Í Føroyum finnast longu slíkir endurnýtsluhandlar í Klaksvík og í Havn. Hes­ir geva eitt gott íkast til raksturin av felags­ skap­unum, sum varða av handlunum. Neyðhjálp Fólkakirkj­unn­ ar var fyrsti felagsskapurin sum byrjaði við at selja brúkt klæðir í Danmark. Hetta hendi í 1972, og vóru tað tá mong sum yptu øksl til eina slíka ætlan. Tað var tá hildið at vera óhugsandi at kunna selja brúkt klæðir til onnur. Tað vísti seg kortini, at hetta bar til, og í dag eru íalt 115 slíkar handlar, har eini 4000 sjálvboðin fólk íðin arbeiða fyri at stuðla felagsskapinum á henda hátt. Fólk frá fe­lagsskapinum hava eis­ ini verið dúglig savna fløskur, m.a. á Roskilde- festivalinum. Bara við hetta høvið fingu tey einar 900.000 kr. til felagsskapin í ár. Út frá hesum ber til hjá teimum at kunna verða til hjálp hjá neyðstøddum fólkum kring allan heimin – annaðhvørt tey so eru stødd í neyð av tsunami, jarðskjálvta, kríggi, land­ minum ella á annan hátt. Vónað verður nú, at føroy­ ingar eisini vilja stuðla ein­ um slíkum handli – bæði í praktiskum arbeiði og sum keyparar av vørunum í handlinum. Tá hann verður veruleiki verður hann tann 116. í røðini hjá felagsskapinum. Hølini liggja væl fyri í mið­ býnum í Havn, har Køku­ búðin helt til í síni tíð. Johan Nielsen var millum luttakararnar á kunnandi fundinum í farnu viku. - Eg vildi vita meiri um tað arbeiðið sum Neyðhjálp Fólkakirkjunnar ger, sigur hann Endurnýtslu­ handil Snorri Brend Havn: Á fundinum í farnu viku varð nógv greitt frá tí víttfevnda virkseminum sum Neyðhjálp Fólka­ kirkj­unnar ger kring allan heimin. Arbeiðið byrjaði millum flóttarfólk í Europa eftir fyrra veraldarbardaga, men verður í dag fyri tað mesta gjørt í Afrika, Mið-Amerika og í Eystur-Europa. Uttan góðan stuðul frá fólki og fyritøkum hevði hetta arbeiðið ikki borið til. Og tí varð á fundinum eisini lagdur dentur á tað, sum danir nevna “folkelig forankring”. Víst varð m.a. á, at bert tveir tímar eftir at tíðindini bórust um tsunami-van­lukk­ una í Fjareystri, vóru fyrstu bússurnar til innsavningina úti í donskum handlum. - Hetta var sera áhugavert og inspirerandi at hoyra, sigur Johan Nielsen, sum dagliga arbeiðir sum gartn­ ari. Hjálpa til Johan Nielsen hevur góðan kunnleika til skótaarbeiðið gjøgnum KFUM-skótarnar. Og hann vildi nú hoyra enn meiri um tað arbeiðið sum Neyðhjálp Fólkakirkjunnar ger úti í heimi. Á fundinum var tað m.a. arbeiðið við minu-rudd­ ingini sum hevði hansara áhuga. Her er Neyðhjálp Fólkakirkjunnar við í hes­ um arbeiðinum á fleiri front­um. Hugskotið um ein endur­ nýtsluhandil í Havn heldur hann somuleiðis vera gott. – Eg haldi at tað hevði verið fínt við einum slíkum handli, sum minnir eitt sindur um Rokkjallaran á sinni. – Hesin handilin var væl dámdur tá. Og tað vænti eg tí eisini, at hesin nýggi handilin verður, sigur Johan Nielsen. Hann hevur sjálvur áhuga at hjálpa til í einum handli. – Ein kann jú altíð um­væla okkurt og hjálpa til við innrættingini – og kanska selja eisini, sigur hann. Endurnýtsluhandil nr. 116 í Havn – Eitt gott arbeiði Johan Nielsen (høgrumegin) vildi fegin vita meiri um arbeiðið hjá Neyðhjálp Fólkakirkjunnar. Og tað fekk hann. – Ein kann altíð hjálpa eitt sindur til, sigur hann Nógv praktisk viðurskifti skulu fáast í rættlag, áðrenn ein endurnýtsluhandil kann lata upp. Men tað visti Kamilla Balslev-Olesen ráð fyri