hósdagur 5. oktober 2006síða 9

Nr. 192 - 5. oktober 2006 9 tíðindi Fyrireikararnir greiða í tíðindaskrivi frá nýggja tiltakinum, sum skal avloysa Prix Føroyar kappingina ATLANTIC MUSIC EVENT Heini S. Kristiansen heinik@sosialurin.fo – Sum kunnugt verður einki Prix Føroyar í 2007. Norðurlandahúsið, sum er norðurlendskur stovnur, hev­ ur tí valt at hugsa nýtt, og ætla vit at gera eitt norðurlenskt tiltak ístaðin. Vit hava ætlanir um at eitt nýtt ”koncept” und­ir heitinum ”A.M.E. Før­oyar” (Atlantic Music Event). Hetta verður eitt slag av einari norðurlendskari “showcase” sum einki hevur við kapping at gera. Vit hava eisini ætlanir um at skipa fyri líknandi A.M.E. átøkum í Íslandi, Danmark, London, New York o.s.fr. A.M.E. Føroyar 2007 – Vit vilja skapa umstøður hjá tónleikarum og fyriskiparum at vísa, hvat føroyingar og aðrir norðurlendingar hava at bjóða á tónlistaøkinum. Endamálið er sostatt at skapa enn størri áhuga fyri føroyskum- og norður­ lendskum tónleiki í Føroyum og uttanlanda. Hetta skuldi so ført við sær meira fokus á norðurlendskum tónleik og vónandi størri sølu. Í hesum sambandi fara vit at bjóða teimum, sum skipa fyri music.expo í Danmark, Finnlandi, Svøríki og øðrum Norðurlondum at halda fyri­ lestrar um úrslit og royndir frá slíkum arbeiði. Vit ynskja eisini at sam­ starva við føroyskar festi­ valfyrireikarar, kon­sert­ fyriskiparar og fløgu­út­gevarar og onnur, ið eru áhugað í at verða við í hesum átaki. Møguleiki verð­­ur fyri at at seta upp fram­­sýningarbásar o.a. í Norð­­urlandahúsinum. Eisini ynskja vit at menna samstarvið, vit hava við út­lendskar festivalar, út­gevarar, umboðsfólk og onnur eisini uttanfyri Norður­ lond. Hervið gerst A.M.E. Før­oyar ein konsert- og framsýningarpallur bæði fyri føroyingar og útlendingar og kann verða við til at savna føroyskar og norðurlendskar kreftir. Sum nakað nýtt verður eisini skipað fyri einari sangskrivarakapping. Hetta merkir at føroyskir bólkar og einstaklingar kunnu senda inn eina demo til AME-Før­ oyar. Besta upptøkan vinnur studiotíð fyri 50.000. kr. Meira verður at frætta um reglur og tíðarfreistir seinni, skriva fyrireikararnir í tíð­ indaskrivi. Atlantic Music Event skal vera avloysarin hjá prixnum. Fyrireikararnir vóna, at áhugin fyri tiltakinum verður stórur, hóast tað ikki verður ein kapping eins og Prix Føroyar ATLANTIC MUSIC EVENT Heini S. Kristiansen heinik@sosialurin.fo Í dag klokkan 10 var tíð­­indafundur, har ið fyri­­reikararnir av AME greiddu frá tiltakinum. Fróði Vestergaard greiðir frá, at tiltakið kann vera ein sýnisgluggi hjá føroysku tónleikarum. Hann vónar, at nógv vilja taka hond um rundanum tiltakið. Tað er brúk fyri fólki, sum vilja hýsa gestunum, og um teir útlendsku gestirnir verða væl móttiknir í Føroyum, kunnu vit eisini vænta okk­ um eina góða móttøku, tá ið føroyskir tónleikarar fara uttanlanda. Feløgini sum standa aft­an­ fyri tiltakið eru m.a. TUTL, 3-arin, Grót, FUT og fleiri. Flestu av føroysku tón­ leikafestivalunum í Føroyum hava longu boðað frá, at teir stuðla tiltakinum. Hetta verður sostatt eitt slag av avloysara fyri Prix Føroyar finaluna, ið plagdi at verða í Norðurlandahúsinum í apríl mánað. Fyriskipararnir fara eisini at royna at fáa útlendskar gestir til Før­ oy­ar hetta vikuskiftið, mill­um annað umboð fyri festi­valar, útgevarar og onnur. Ætlanin er at hava kon­sertir, fyrilestrar og tílíkt vikuskiftið 13. og 14 apríl 2007 í Norðurlandahúsinum. GBOB vinnarin 2006 verður bjóðaður at luttaka og fleiri onnur, millum ann­að tey, sum eru vald at hava útgivið bestu fløguna í 2006. Eisini verða nýggir spennandi norðurlendskir bólkar við á AME-Føroyar. Ætlanin er at tilsamans 12 bólkar fara at framføra hetta vikuskiftið, bæði føroyskir og norðurlendskir. Sum nak­ að nýtt fáa allir føroyskir bólkar møguleika at senda inn eina demoupptøku og latin verður ein virðisløn, sum er ein fløguupptøku við besta bólkinum Útlendingar koma at lurta AME hevur ikki fingið nakr­an høvuðsstuðul, men fyrireikararnir vænta ikki, at tað verður nakar trupul­ leiki. Fróði Vestergaard vónar, at tað koma fleiri útlendingar hendanvegin at lurta eftir tónleikinum. – Nakrir av monnunum frá festivalunum og plátu­ feløgunum, sum hava verið her fyrr til Prix kappingarnar, koma aftur hendan vegin. Eisini skulu vit til ein festi­ val í London, har ið vit ætla at vera úti um okkum. Vónandi fáa vit onkran at koma hendanvegin, sigur Fróði. Fróði er spentur upp á til­takið, og hann heldur, at tað kann vera við til at marknaðarføra føroyskan tónleik úti í heimi. – Hetta er jú eitt norð­ur­ lendskt tiltak, so tað røkkur út um landoddarnar, sigur Fróði at enda. AME ein norðurlendskur sýnisgluggi AME - eitt konsept Dánial Hoydal greiddi frá operuni, sum verður framførd í Norðurlandahúsinum, á tíðindafundi í Norðurlandahúsinum í morgun. Har varð greitt frá AME, nýggju heimasíðuni hjá Norðurlandahúsinum og operuni. Talan er um fyrstu føroysku operuna. Tað er stórur áhugi frá útlendskum tíðindafólkum og operuserfrøðingum, sum koma hendanvegin at ummæla. Leikhús kring heimin hava longu spurt seg fyri um nýggju operuna. Dánial hevur skrivað tekstin til operuna Mynd: Jens Kr. Vang Norðurlanda­húsið nýggja heimasíðu Starvsfólkini í Norð­ur­landahúsinum vilja fegin røkka út um landoddarnar við húsinum. Tey vilja fegin gera teirra vøru altjóða seljandi. Gunvør Nolsøe hevur gjørt nýggju heimasíðuna, og fólk eru væl nøgd við hana. Hon varð løgd út í staðin fyri tí gomlu í morgun. - Nýggja síðan er vera væl skipað og hevur róligt design. Hon er pen og kunnandi, segði Gunvør. - heinik Gunvør Nolsøe vísir nýggju heimasíðuna hjá Norðurlandahúsinum fram. Gunvør hevur ment nýggju heimasíðuna. - Hon skal hjálpa Norðurlandahúsinum at røkka út í heim, segði hon