hósdagur 5. oktober 2006síða 14

14 Nr. 192 - 5. oktober 2006 Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. nøvn SAMBAND magnus gunnarsson maggi@sosialurin.fo tlf 341800 fax 341801 Kunngjørt verður fyri slekt og vinum, at okkara kæra systir Óluva Húsgarð Tórshavn ættað úr Syðrugøtu andadist á Landssjúkrahúsinum týsdagin 3. oktober, 81 ára gomul . Farið verður úr Landssjúkrahúskapellinum fríggjakvøldið kl. 18.00. Jarðarferðin verður úr Havnar kirkju leygardagin kl. 14.00. Familjunnar vegna Per, Tróndur og Bjarni Tøkk Hjartaliga takka vit øllum tykkum, sum sýndu samkenslu, tá kæri maður, pápi, verpápi og abbi okkara Dánjal Jacob Johannesen Nes vanliga nevndur Dánjal eysturi í Líð andaðist og var jarðaður. Tøkk til prest, sangarar, berarar og til øll tykkum, sum hjálptu til í samband við jarðarferðina og ervið. Tøkk fyri peningagávur til missiónshúsið. Jesus signi tykkum og okkum øll. Hertha Símin, Torleif, Jóhan og Elsebeth við familju Í dag, hósdagin 5. oktober, verður Niclas Davidsen á Toftum 50 ár. Kring landið er Niclas kendur sum formaður í Tofta Ítróttarfelag mongu tey seinastu árini. Niclas er toftamaður. For­eldrini eru Henny fødd Højgaard og ættað úr Rituvík, og Arnhold David­sen, sum var ættaður av Kvíggjarheyggi á Nesi. Arnhold doyði 17. september í 2004. Børnini hjá Henny og Arnhold eru Aloma, Hanus, Niclas, Annika, Harda og Fróði. Hanus og Harda búgva í Havn, Fróði býr í Salt­angará, og hini búgva á Toftum. Barnaheimið hjá Niclasi er í miðdeplinum í bygdini. Niclas spældi í fjøru og haga, og tað var tíðliga, at hann tók við ábyrgd. Hann lærdi í smiðjuni hjá Runa­víkar Mekaniska Verkstaði, har Arni Højgaard á Toft­um var meistari. So fór hann til Havnar at ganga í maskinmeistaraskúla. Okk­ urt stutt skifti var hann til skips, men arbeiðslívið hev­ur so at siga alt sum tað er verið á landi. Í fleiri ár arbeiddi Niclas hjá Landsverki á Lambareiði, og síðani uppboðssølan á Toftum sá dagsins ljós, hevur Niclas havt ábyrgdina av landingini, og tað hevur hann framvegis. Niclas róði kapp, hann var kringur fimleikari í Støkk, og hann var við frá tí fyrsta, tá ið toftamenn hildu seg til at spæla fótbólt í 1972. Síðani 1982 hevur Niclas verið formaður í Tofta Ítróttarfelag. Longu í 1973 tók hann sum 16 ára gamal við ábyrgd av fót­bóltinum, og síðani tá hevur hann kent ábyrgd fyri ítróttarfelagnum. Mest sum alla staðni kring landið er tað soleiðis, at komm­unurnar eiga og reka ítróttarøkini. Soleiðis er tað ikki á Toftum. Har eigur og rekur ítróttarfelagið – við stuðli frá kommununi – ítrótt­ar­ økið á Svangaskarði. Tá ið toftamenn fóru at spæla fótbólt, var eingin vøllur á Toftum. Niclas gekk á odda, tá ið teir fóru í holtur við vøllin. Virksemið hevur verið stórt á Svangaskarði. Felagið bygdi hús, legði graslíki á vøllin, gjørdi økið til frælsan ítrótt í sambandi við Oyggjaleikirnar í 1989, syrgdi fyri grasvølli við áskoðaraplássum og bygdi í tí sambandinum nýggj hús. Í øllum hesum hevur Niclas verið undangongumaðurin, sum hevur nýtt ófatuliga nógva tíð og orku upp á ítróttarfelagið. Niclas ger ikki nógv ella rættari einki burturúr sær sjálvum. Men hann er treiskur og miðvísur, sinni­liga javnvágin er góð, og hann hevur ógvuliga gott hegni at fáast við fólk. Í Nes kommunu hava tey stað­ið saman um stóru tøk­ini á Svangaskarði, sum ítróttarfelagið sjálvt ofta hevur tikið, og Niclas hevur átt nógvar hollar stuðl­ar. Men tað hevði ikki ver­ið so stórt virksemi og byggj­arí, um tað ikki var ein, sum dugdi at síggja og sam­skip­aði soleiðis, at nytta fekst burturúr evnunum og virkisfýsninum. Niclas er giftur Sally fødd Hammer og ættað av Toft­um. Børnini eru Pól Knút, Hansy, Arnhold og Nina. Konan hevur bakkað hann upp í virkseminum, sum Niclas hevur verið og er uppií, og hann hevur eis­ini fingið góðan stuðul úr barnaheiminum. Niclas er trúgvur kirkju­gangari. Hann hevur nógvu tey seinastu árini verið limur í kirkjuráðnum, og hann var eldhugaður fyri at fáa Fríðrikskirkjuna bygda, 50 ára føðingardagurin verður hildin á Svangaskarði leyg­ardagin klokkan 7, har øll eru hjartaliga væl komin. -J Niclas Davidsen 50 ár Dagurin í morgin 6. oktobur. Broderus. Ókent halgimenni Leiðarin fyri Færøernes Kommando, Christian Nør­gaard, er av kongs­hús­ in­um heiðraður við riddara­ krossinum af 1. grad av Dannabrogsordenen. Heið­ urin varð staðfestur í gjár, tá ríkisumboðsmaðurin, Søren Christensen, læt krossin til Christian Nørgaard. Tað var Christian tann 5., sum í 1671 stovnaði Danne­ brogsordanin, men ikki fyrr enn í 1693 varð heið­ urin alment viðtikin. Eftir franskari fyrimynd er hetta síðani broytt, soleiðis at heiðurin verður býttur í ymisk stig, og verður hetta fyrst og fremst nýtt at heiðra donskum statsborgarum. At byrja við kundu bara mannfólk verða heiðrað við hesum, men tann 10. oktober í 1951 varð viðtikið, at konufólk eisini kundu heiðrast. Ríkisumboðsmaðurin – Søren Christenense – hevur handað riddakrossin av 1. stigi til kommandør, Christian Nørgaard Riddarakrossur í Mjørkadali Kunngjørt verður fyri ætt og vinum, at kæri maður, pápi, verpápi og abbi okkara Vilhelm Olsen trúðboðari, (Villi gubbi) andadist á Ellis- og Avlamisheiminum í Vágum 4. oktober, 79 ára gamal . Jarðarferðin verður úr Sandavágs kirkju sunnudagin kl. 14.00. Fyri tey avvarðandi Herborg www.sosialurin.fo www.sosialurin.fo