týsdagur 10. oktober 2006síða 8

8 Nr. 195 - 10. oktober 2006 tíðindi - Eg hoyrdi bara ein øg­iligan brest. Og tá sá eg at eldur var í flog­farinum, greiðir eitt eygnavitni frá. Enn er ikki greitt, hví eitt flogfarið hjá At­lants­flogi við 16 fólk­um umborð fór út av breytini við flog­ vøllin í Stord FLOGVanlukka Snorri Brend snorri@sosialurin.fo Stord: Flogfarið fekk av ein­ i­hvørjari orsøk ikki steðgað, og endaði uttanfyri vøllin, har eldur kom í tað. Umborð á flogfarinum vóru 16 ferðafólk, og sum skilst hava trý teirra latið lív í vanlukkuni. Talan er um eitt flogfar hjá Atlantsflog, sum flýgur fólk sum arbeiða fyri Aker Stord, og sum er í rutu til Ormen Lange uttan fyri Molde. Roykur Fyrstu boðini um flog­van­ lukkuna komu longu kl. 6:35 í morgun. Tá varð sagt, at eitt flogfar var farið út av breyt­ini á flogvøllinum. Seinni vórðu tíðindini vátt­að, - at eitt flogfar hjá Atlantsflogi var farið útav breytini og at roykur sást hagani. - Flogfarið er farið beint í jørðina, segði eitt starvsfólk á flogvøllinum beint eftir hendingina. Viðkomandi legði aftrat, at alt var kaos beint tá, og at roynt var at fáa eitt yvirlit yvir hvat var farið fram. Flogfarið var á veg frá Sola til Stord, tá vanlukkan hendi. Sum skilst kom eldur í flogfarið beinanvegin. Sløkk­ ilið og onnur komu skjótt til flogfarið og byrjaðu at sløkkja og fáa fólk út úr tí brennandi flogfarinum. Tað sá øgiligt út ta fyrstu tíðina, og hálvan annan tíma seinni logaði framvegis í flogfarinum. - Ta einu løtuna sá eg bara velið. Restin var bara roykur og eldslogar, greiddi eitt eygnavitni frá. Øgiligur brestur Ein teirra sum var eygnavitni til hendingina var 21 ára gamli Lars Morten Nesse. Hann býr í Foldrøyhamn sum liggur beint hinumegin sundið har flogvøllurin í Stord liggur. Hann sá allan tilburðin: - Fyrst hoyrdu vit ein øg­i­ ligan brest. Tað var umleið kl. 7:15 ella 7:20. Nú er nógvur eldur at síggja. - Fyri lítlari løtu síðani hoyrdi eg tveir ógvusligar brestir, segði hann við VG Nett, fáar minuttur eftir van­ lukk­una. Hann kundi beint tá síggja ein sløkkiliðsbil og tveir sjúkrabilar standa á flogvøllinum. Eldur Eitt annað eygna­vitni – Anne Bærøy – sum býr í Siggjarvåg hinu­meg­in fjørð­in við flog­ vøllin hoyrdi eitt løgið ljóð og leyp beinanvegin yvir móti vindeyganum. - Tá sá eg at eldur var í, sigur hon við bt.no. Og norska tíðindastovan NTB hevði fatur á ein­um manni, sum við stjørn­u­kik­ ara fylgdi drama’inum á flog­vøll­i­num. Hann greiddi frá einum eksplosjónseldi við ógv­us­ lig­um eldslogum. - Tað var ein øgiligur brest­ur, og so sóust logarnir bein­anvegin. Tað vóru sera stórir eldslogar, sum fóru einar 50 metrar upp í loft. - Logarnir eru teir størstu, sum eg nakrantíð havi sæð, segði Frode Pletten við NTB. Ógreitt hví flogfarið ikki steðgaði Stjórin í Atlantsflog, Magni Arge, váttar, at trý fólk lótu lív í vanlukkuni. Talan er um tvey av ferð­a­ fólk­u­num og ein av mann­ ingini FLOGVanlukka Snorri Brend snorri@sosialurin.fo - Tað er við stórari sorg, at vit kunn­gera at flogfar okkara av slag­num hevur verið fyri tí van­ lukku at koyra út av breytini á flog­vøll­i­num í Stord, sigur stjórin í At­lantsflogi í tíðindaskrivi. Vanlukkan hendi kl. 7.35 lok­ ala tíð. Tíggju ferðafólk og trý sum mannaðu flogfarið, sluppu frá vanlukkuni við lívinum og eru á sjúkrahúsi. Tey trý fólkini, sum vóru sakn- að eru nú funnin og hava latið lív. Talan er um tvey ferðafólk og eitt av manningini. Norska løgreglan segði á tíðindafundi beint áðrenn dead­ line okkara, at nøvnini á teim­um deyðu ikki fóru at verða kunn­ gjørd, fyrrenn øll avvarðandi vóru kunnað um støðuna. Við flogfarinum vóru 12 ferð­ a­fólk, og manningin taldi 4. Av teim 12 ferðafólkunum vóru: 11 norðmenn og ein útlendingur. Manningin taldi tríggjar før­oy­ ing­ar og ein dana. Umboð fyri Atlantic Airways, Havaríkommisiónina og Statens Luftfartsvæsen eru á veg til van­ lukk­ustaðið. Norska kriminalløgreglan kann­ar í løtuni flogfarið, og tí er ikki gjørligt hjá tíðindatænastuni at nærkast vanlukkuøkinum. Trý fólk lótu lív Bara velið á flogfarinum sást undan roykinum og eldinum, tá flogfarið fór út av breytini á Stord flogvøllinum í Noreg