týsdagur 10. oktober 2006síða 22

22 Nr. 195 - 10. oktober 2006 Kvikk er longdur og um­bygdur fyri 7 miljónir krónur Dýrari olja Seks av limalondunum í Nato komu um vikuskiftið ásamt um, at oljuframleiðslan í økinum verður skerd við 3,4%. Hetta fyri at steðga fallinum á oljuprísinum. Fyri einum mánaði síðani boðaði OPEC annars frá, at framleiðslan ikki skuldi skerjast, og tí høvdu tíðindini mánadagin alt fyri eitt ávirkan á oljuprísin. Amerikanska WTI vísitali boðaði mánamorgunin frá, at prísurin fyri tunnuna nú er $60,18. Brent, sum er uropiska vísitali, hevði ein prís á $60,40 fyri tunnuna. Fleiri rentuhækkingar ávegis Stjórin fyri europiska Miðbankan, Jean-Claude Trichet, sigur seg rokna við, at talan verður um fleiri rentuhækkingar enn hana, sum varð framd hósdagin. - Búskaparligu útlitini í Europa gera tað sera sannlíkt, at talan verður um enn ein hækking í desember, men eftir tað rokni eg við, at rentan verður støðug, segði Trichet. Tað hevur leingi verið roknað við, at rentan fór at hækka í tveimum umførum, og tí førdu útsagnirnar hjá Trichet ikki stórvegis broytingar á marknaðunum við sær. vinnusíðurnar Virkisætlan Vilmund Jacobsen vilmund@sosialurin.fo Hanus Hansen, stjóri í JFK-Troli, hevur søkt Klaks­víkar kommunu um loyvi til bygging av ein­ um saltfiskavirki norðan­ vert Kósina og Landingar­ miðstøð Føroya í Klaksvík. Sum Sosialurin hevur skilt, er umsóknin gingin á møti í býráðnum í Klaks­ vík. Tað er stutt síðan, at Hanus Hansen seldi Kósa­ virkið burtur úr JFK- samtakinum. Kósavirkið hevði eitt vána­ ligt ár í 2005 við umleið einari miljón í undirskoti um mánaðin. Teir, sum stóðu aftanfyri Kósavirkið, søgdu, at tað serliga var saltfiskurin, sum hevði gingið illa í hond. Men nú er so líkt til, at Hanus Hansen aftur trýr upp á saltfiskaframleiðslu. Hanus Hansen trýr aftur upp á saltfiskaframleiðslu og ætlar nú at byggja eitt nýtt saltfiskavirki norðanvert Kósina Mynd: Vilmund Jacobsen - Manningarum­ støðurnar eru nú nógv betri og meira tíðarhóskandi, sigur reiðarin, Tórleif Sigurðsson, sum væntar, at skipið fer fyrsta túrin eftir umbyggingina longu í morgin Nútímansgerð Vilmund Jacobsen vilmund@sosialurin.fo Línuskipið Kvikk hjá Sp/f Kvikk í Klaksvík kom leygardagin aftur úr Hirtshals, har skipið er longt við 6,60 metrum. Kvikk er nú 35 metrar langur og er á stødd við hini línuskipini, sum frammanundan leingjanini vóru nakað størri. Men Kvikk er ikki bara longdur. Skipið, sum nú liggur við bryggju í Klaks­ vík og sær út sum nýtt, er eisini umbygt. Tað er serliga apeteringin og ar­beiðs­umstøðurnar annars, sum eru betraðar munandi. Trivnaður umborð - Vit fóru ikki undir hesa leingjan og umbygging, tí lastin var ov lítil. Kvikk lastaði 85 tons, sum undir vanligum umstøðum var nóg mikið. Reiðarin, Tórleif Sigurðs­ son, sigur, at tað í fyrsta lagi eru manningarviðurskiftini, sum dentur hevur verið lagdur á at bøta um. - Kvikk hevur bara havt 14 koyggjur, og nú eru tvey eitt-manskømur bygd aftrat. Manningin hevur fingið uppihaldsrúm, eins og umstøðurnar til goymslu og umklæðing eru nógv betri. Tórleif sigur, at skipið eisini hevur fingið bakka, sum Kvikk ikki hevði áður. - Dragilúkan er flutt long­ ur aftur og er nú meira miðskips. Har frammi í bakborðssíðu er rúm bygt til proviant, og í stýriborðsíðu er rúm til reiðskap og annað. Manningin hevur fingið eitt deiligt uppihaldsrúm, sum skipið ikki hevði áður. Reiðarin sigur, at átta mans búgva har frammi í skipinum, har gallan og messan eisini eru. Innanfyri uppihaldsrúmið er eitt rúm bygt til arbeiðsklæðini hjá manningini. - Manningarrúmini har frammi eru sett í stand, og ein gongd er bygd í bakborðssíðu frá apeter­ ingini har frammi og aftur í stýrhúsið. Reiðarin sigur, at øll dúrk­ ini, bæði í erva og í neðra í apeteringini, eru skift, og nýggjur belegningur er lagdur á. Broytt arbeiðsdekk - Alt arbeiðsdekkið er broytt. Skipið hevur fingið nýtt frystirúm til agnið, og kokkurin hevur fingið nýtt og egið frystirúm í erva til proviantin. Allir stokkar og splittarar til egningarmaskinuna eru skiftir, og tað eru báðir ljósmotorarnir umborð á Kvikki eisini. Tórleif Sigurðsson sig­ ur, at gamli stabili­serings­ tangin, sum stóð aftari í skipinum, var ikki góður. Hesin er tikin burtur, og ein nýggjur tangi er bygdur frammanfyri lastalúkuna, sum vísir seg at rigga væl. 7 mió krónur - Samanlagt hevur leingjan­ in og umbyggingin av Kvikki kostað einar 7 mió krónur, og vit halda okkum hava fingið nógv fyri peningin, sigur reiðarin. Kvikk er fyrrverandi Saturn III. Skipið er bygt í Strandby í Danmark í 1987. Sp/f Kvikk í Klaksvík yvirtók skipið 1. januar 2004. Fakta um Kvikk Fyrrverandi navn: Saturn III Smíðistaður/ ár: Strandby, DK (1987) Longd: 35 metrar Breidd: 7,50 metrar BRT: 163,73 Maskina: Calesen Diesel (1987) Maskina/ stødd: 575 HK Eigari: Sp/f Kvikk Hanus Hansen byggja saltfiskavirki í Klaksvík Kvikk er sum nýggjur á at líta, nú hann er komin aftur úr Hirtshals, longdur og umbygdur. – Vit halda, at vit hava fingið nógv fyri peningin, sigur reiðarin, Tórleif Sigurðsson Mynd: Høgni Thomsen