mánadagur 16. oktober 2006síða 9

Nr. 199 - 16. oktober 2006 9 tíðindi Løgreglan hevur ikki kett seg hetta vikuskiftið. Fýra bilførarar eru tiknir fyri rús­drekka­ koyring, og annars hava ferðsluóhapp, herverk, bardagar og annað upptikið løgregluna meðan onnur hava havt frí LØGREGLUTÍÐINDI Rólant Waag Dam rolant@sosialurin.fo Júst farna vikuskiftið hevur ikki verið stórt øðrvísi enn onn­ ur hjá løgregluni. Á støðini hava teir havt sítt at dragast við, men hóast steypafinalan var leygar­dagin, so var tó ikki talan um eitt lívligari vikuskifti enn vanligt. Einastu beinleiðis av­­leið­ ingarnar av steypa­fin­al­uni var, at tveir mans vórðu tiknir úr Gundadali oman á støðina eftir dystin, tí teir høvdu fingið í so nógv at drekka og vóru dotnir av. Kvinna við tvey í promillu Fýra fólk eru tikin fyri rús­drekkakoyring og tvey teirra vórðu tikin innan fyri eitt korter leygarnáttina á Skálatrøð. Ein kvinna var í millum hesi fýra, og hon var eisini toppskorarin hetta vikuskifti í promillukoyring, tá hon varð máld at hava eina promillu oman fyri tvey. Av løgreglustøðini verður sagt, at tað meiri enn so kemur fyri, at kvinnur verða tiknar fyri at koyra ávirkaðar, men at menninir tó eru so ruddiliga við yvirlutan. Tíbetur hendi onki óhapp í hesum fýra førunum, men kunnu teir tiknu bilfør­ar­ar­ nir rokna við at missa koyra­ kortið. Skaðar á bilar Rúsdrekkakoyring er ein aftur­vendandi trupulleiki, men eitt annað, sum altíð tekur eitt sindur av plássi í politirapportini, er skaðar á bilar. Hetta vikuskiftið hevur herverk verið gjørt á onkran bil. Men tað sum næstan dagliga kemur fyri er, at skaðar verða gjørdir á parkeraðar bilar, har tann, sum hevur gjørt skaðan stingur av. Ein bilur bakkar á ein annan, og so rýmir førarin bara avstað uttan at boða frá, og tað er sera keðiligt hjá tí, sum hevur fingið skaða á sín bil. Herverk og bardagar Sum vanligt er, so er eisini smávegis herverk gjørt í Havn um vikuskiftið. Onkur hevur stytt sær stundir við at bróta rútin í DER-bygn­ inginum, har sum Baby og barnaútgerð er, men her veit løgreglan hvør hevur gjørt herverkið. Onkrir minni bardagar hava eisini verið, og her endaði eitt rokilsi uttan fyri FK í miðbýnum við, at ein maður bleiv skuldsettur fyri brot á politiviðtøkurnar. – Seks ungir mans vóru farnir til hendurs, og løg­ reglan kemur so á staðið fyri at tosa menninar til sættis. Men so er tað, at ein teirra brýtur ein fløsku niður í vegin framman fyri politibilin, og hann er nú skuldsettur fyri brot á politiviðtøkurnar. Bygdamaðurin og bussurin Sunnunáttina skuldu nakrir ungdómar av bygd so heim aftur, eftir at hava verið ein túr í býnum. Hesi ungu høvdu leigað sær buss bæði suð­ur og norður, men buss­ sjaførurin kom ongantíð eftir teimum, tá tey skuldu heim og so vóru góð ráð dýr. Hetta gjørdist ein ungur maður so argur um, at hann fór beint á løgreglustøðina at kæra sína neyð og vildi hava løgregluna at koyra hann norð, tá busssjaførurin ikki møtti upp sum avtalað. Løgreglan hevði annað at gera, og bað mannin um at fara avstað aftur, men tað vildi hann ikki. Hann ringdi til alarmsentralin fleiri ferðir upp í saman, og dugdi annars ikki at uppføra seg sum fólk og tí varð hann settur í brummuna. Spentu tape tvørtur um vegin Leygarnáttina fekk løgreglan boð um, at nakrir ungdómar høvdu spent tape tvørtur um vegin úti á Landavegnum. – Hetta er ein rættiliga vanda­mikil sportur, men tí­betur hendi stóðst ongin skaði av hesum, sigur vakt­ havandi á løgreglustøðini í morgun. Um sjeytíðina sunnu­ morgunin ringdi ein kona á støðina. Maðurin, sum hon er skild frá, og sum hevur tilhald móti at koma henni nær, var kortini komin á dyr hennara um morgunin. Hetta boðaði konan løgregluni frá, og teir komu á staðið og fóru avstað við manninum, sum nú verður skuldsettur fyri at bróta tilhaldið og fyri at nokta at vilja upplýsa navn og bústað fyri løgregluni. Og at enda var eisini ein tilburður, har løgreglan var noydd at steingja ein telefon. Viðkomandi, ið átti telefonina, ringdi áhald­ andi til alarmsentralin og órógvaði, og tí ringdi løg­ reglan til Føroya Tele og fekk teir at steingja telefonina hjá viðkomandi. – Alarmsentralurin skal bara nýtast í átrokandi førum, og hava fólk annað upp á hjarta, so eiga tey at ringja til vanligu telefonina (35 14 48, blðm.), sigur vakthavandi á løgreglustøðini í morgun. Løgreglan hevur ikki kett seg Rúturin hjá Baby og barnaútgerð varð brotin um vikuskiftið, men løgreglan veit hvør hevur gjørt hetta Mynd: Jens Kr. Vang Serfrøðingar arbeiða alt teir eru mentir fyri at fáa upplýsingar úr ferðmátaranum og talu-skrásetaranum, sum skrásetur hvat varð sagt í cockpittinum , og roknað verður við, at møgulig úrslit fyriliggja fríggjadagin FLOGVANLUKKA Rólant Waag Dam rolant@sosialurin.fo Talu-skrásetarin, sum skrá­ setur alt ið verður sagt inni í cockpittinum, er saman við ferðmátaranum sendur til Florida til nærri kanningar. Áðrenn hava serfrøðingar á eini kanningarstovu í London hugt at skrásetarunum, men hava teir givið skarvin yvir, og tí eru skrásetararnir nú sendir til Florida. Tað vísir seg at vera ógvuliga trupult at fáa upp­ lýs­ingar úr skráset­ar­unum, tí partar av teimum hava fingið skaða, hóast teir eru gjørdir til at klára 1100 hitastig í ein hálvan tíma. – Taluskrásetarin er nú ávegis til Florida, har tey hava fólk, sum eru serfrøðingar í at fáa fatur í upplýsingum, sum annars eru truplir at fáa hendur á, segði virkandi stjórin í skaðanevndini, Grete Myhre, við Avisens Nyhedsbyrå fríggjadagin. – Upplýsingarnir úr skrá­ set­arunum eru ógvuliga týdn­ingarmiklir fyri at vit kunnu staðfesta tað, sum er sagt í teimum ymsu sam­ røðunum í miðlunum. Eisini er møguleiki fyri, at aðrir ókendir upplýsingar koma fram. Okkurt sum flog­ skipararnir og tey ferðandi hava gloymt at greitt frá, ella okkurt vit hava gloymt at spurt tey um, sigur Grete Myhre. Tað verður neyvan fyrr enn fríggjadagin at vit vita, um nakað brúkbart fæst úr skrásetarunum, men Grete Myhre er bjartskygd og segði við Avisens Ny­hedsbyrå fríggjadagin, at tey vóna at fáa upplýsingar úr skrásetarunum. Ikki punktering Nógvar gitingar hava verið frammi um orsøkina til van­ lukkuna. Onkrar teoriir hava verið um, at flogfarið punkt­ eraði, tá tað setti seg, men hetta er helst ikki tilfeldið. Gummirestir eru funn­ ar á breytini, men kann­ ingarleiðarin í skaða­nevnd­ ini, Birgir Andreas Bull, sigur við VG, at gummiið ikki stavar frá nøkrum punkt­ eraðum hjóli. – Vit halda áfram við arbeið­inum við at savna fakta saman, og vit gera fleiri sam­røður við flogfelagið. Skaðanevndin hevur funnið fram ávís ting, sum gera at onkrar orsøkir tykjast meiri upplagdar enn aðrar, men eg kann ikki siga meiri um hetta beint nú, segði Birgir Andreas Bull sigur við VG fríggjdagin. Talu-skrásetarin sendur til Florida – Tað er einki at ivast í, at allir føroyingar eru skelk­aðir av tí, sum hendi týsdagin í seinastu viku, tá eitt flogfar hjá Atlantsflogi fór út av breytini í Stord í Noregi og fýra fólk doyðu. – Og sjálvandi eri eisini eg skelkaður, men vit vita, at vit fara at fáa eina ná­ greiniliga frágreiðing um orsøkina til tað, sum hendi. Hesa frágreiðing og tess niðurstøðu koma bæði At­ lantsflog og eftirlitið hjá felagnum Statens Luft­farts­ væsen at fyrihalda seg til. – Hendingin hevur iva­ leyst ført tað við sær, at Atlantsflog má sannføra brúk­aran, og tað vil so siga fyrst og fremst okkum før­ oyingar um, at trygdin og mannagongdir annars eru í hásæti, soleiðis at vit eisini í framtíðini kunnu kenna okkum trygg við at flúgva við Atlantsflog. – Spyrst tú um mítt álit á Atlantsflog, so eri eg, sum stórur brúkari av Atlantsflog sjálv­andi ávirkaður av van­lukkuni í farnu viku. Men týsdagin fari eg aftur á flog við Atlantsflog í ar­beiðsørindum til Noregs, sig­ur løgmaður, Jóannes Eides­gaard. Løgmaður um flog­ van­lukkuna á Stord