týsdagur 17. oktober 2006síða 8

8 Nr. 200 - 17. oktober 2006 tíðindi Eivør í Flens­burg Leygardagin 4. november verður ráðstevna í norðu­rtýska býnum Flensburg um "Norðurlond og Ev­ropa". Har fara umboð úr Norðurlandaráðnum, Dan­mark, Noregi, Álandi, Ís­landi og norðurtýska land­s­lut­in­um Slesvík at siga sína hugsan um evnið. Fyri­reik­ar­ar­nir hava gjørt av, at ráð­stevnan skal enda við ein­ari konsert um kvøldið, og hon verður við Eivør Páls­dóttir. Konsertin verður í Flensborghus í Flensburg klokk­an 20. Smyril siglir hóast bunkring Fá komandi fríggjadegi fer Smyril at sigla av Tvøroyri kl. 06 fríggjadagar. Hetta er í sambandi við, at bunk­ring­in, sum hevur verið týsdag, er flutt til fríggjadag. Við broyttu ferðaætlanini verður ikki neyðugt at taka túrar burturímillum. Higar­til hevur verið bunkrað týs­dag fjórðu hvørja viku. Bunk­ring­in tekur somikið drúg­va tíð, at annar túrurin á Suðuroyarleiðini varð tik­in burtur hesar týsdagar. Fyri at sleppa undan at taka túr­ar burturímillum, fer Smyr­il frameftir at bunkra aðru ella triðju hvørja viku. Bunk­r­­að verður sostatt nakað oftari enn áður, og tung­olju­nøgd­ir­ nar verða til­svar­andi minni hvørja ferð. Hetta er møguligt, nú mannagongdirnar verða broytt­ar, og betri útgerð er tøk. Ferða­æt­lan­in hjá Bygda­leið­um í Suðuroy er eisini broytt, so­leið­is at samband er til Smyr­il fríggjamorgun. Føroya Skúlabókagrunnur er vorðin partnari hjá Google Book Search. Tað merkir, at Grunnurin kann gera føroyskar bøkur atkomuligar hjá øllum, ið hava teldu og netsamband FØROYSKT Á GOOGLE - Eins og tá vit prenta, verður tó einki givið út og lagt fyri almenningin, innan rætt­indini eru í lagi og full semja er um ætlanina. Men nú er møguleikin her og rest­in er upp til okkum, sig­ ur Helena Dam á Neys­t­a­bø, leiðari á Føroya Skúla­bóka­ grun­ni. Leingi hevur verið fílst á, at føroyskir næmingar finna ikki heimligt tilfar tá teir leita á Google og net­in­um yvirhøvur. - Mítt meginstavnhald er, at allur før­oy­sk­ur skúlaungdómur skal kunna finna sín egna heim og høvuðsheimildir við­vík­jan­di umheiminum á góð­um føroyskum máli á alnetinum, segði Árni Dahl, tá Jógvan á Lakjuni land­stýris­mað­ur hevði valt hann at stjórna nýskipaðu Skúlabókanevndina. Bert tær nýggjastu av teim 800 skúlabókum, Skúla­ bóka­grunn­ur­in hevur givið út, eru talgildur. Nú bjóðar Google sær, í samstarvi við Skúla­bókagrunnin, at lætta um hetta arbeiði. Nýggjast talgilding hjá Google er gjørd á lærda há­skúla­num í Madrid, Com­ plu­t­en­se, har størsta lærda bóka­savnið er til skjals, hig­ar­til bara á staðnum. – Tað er okkum ein heiður at hava fingið samstarv við lærda háskúlan Comlutense í Madrid. Vit hava hjálpt fólki at skipa og finna upp­ lýs­ing­ar í átta ár, men í Span­ia hava tey við góðum roynd­um útbúgvið fólk úr øll­um heiminum í fleiri øld­ ir. Nú gleða vit okkum at læra úr teirra bókum, sigur Jens Redmer, ið er stjóri fyri Google Book Search. Sigmund Poulsen ad­vo­ kat­ur og formaður í Fjølriti upp­lýsir, at ongin munur er á upphavsrætti til verk á digi­tal­um media og øðrum med­ia. Føroyinga søga var fyrst Fyrstu teldutøku bókina legði Skúlabókagrunnurin á netið í januar 1996. Tað var Føroyinga Søga, sum Bjarni Niclasen týddi og Sven Havsteen-Mikkelsen tek­na­ði. Seinasta árið hevur Skúla­ bóka­grunn­ur­in lagt fleiri bøk­ur út á henda hátt, eitt nú í samstarvi við grunninum Før­oy­skt Kirkjumál, ið var­ ar av Sálmabókini. Eisini eru gjørdar teldutøkar út­gáv­ur úr egnum bókum við tekstum hjá Williami Heine­sen, Heðini Brú og Mart­ini Joensen. Stórfingna bókin hjá norðurlendska prís­vinn­ar­an­ um Boga Hansen um ”Hav­ ið”, sum Grunnurin gav út í 2000, er eisini teldutøk á heima­síðu grunsins. Einki mannaverk stendur longur enn bókin Orðatakið sigur, at einki mannaverk stendur longur enn bókin. Seinastu árini hava røddir verið frammi, ið vilja verða við, at nýggja tøknin ger hetta orðatakið til skammar og beinir fyri prentaðu bókini. - Hetta er ikki so, sigur Jens Redmer. Tey, ið finnast at okkara virksemi, ræðast at Google Book Search fer at koma í staðin fyri prentaða orðið, soleiðis sum vit hava kent tað í seks øldir. Eg havi arbeitt við bókaútgavu meginpartin av mín lívi. Mín ætlan er greið. Hon er at stuðla upp undir, at fleiri fólk varnast fleiri bøkur, sigur Jens Redmer. - Eingin miðil hevur nakrantíð tikið lívið av einum øðrum miðli, leggur Gay Kewney afturat. Hann skipaði fyri kjaki um e- Books í Frankfurt, har heimsins stórsta bókamessa varð hildin í farnu viku. Niels Petersen og Birgir Kruse luttóku á fundinum, sum týska Springer fyritøkan, ið eigur heimsins stórst savn av vísindaligum greinum, skipaði fyri. Sostatt liggur bólturin nú hjá Skúlabókagrunninum, hvørt allar tær 800 føroysku skúlabøkurnar nú verða talgildar og atkomuligar í heilum líki, ella í brotum, ájavnt við lærdar spanskar bøkur hjá Google Book Search. Føroyskar bøkur á Google Teir seta Føroyar á kortið: Árni Dahl formaður og Niels Petersen ritsjóri við inngongdina til høll 6 á heimsins stórstu bókamessu, Frankfurter Buch Messe, ið fevnir um 170.000 fermetrar av bókum Mynd: Birgir Kruse Birgir Kruse ritsjóri saman við Kristoffer Evensen, ið samskipar partner tiltøk hjá Google. Hann er úr Oslo og hevur síðani desember starvst á skrivstovuni hjá Google í Dublin Mynd: Google/Føroya Skúlabókagrunnur Jens Redmer, stjóri í Google Book Search: - Eg vil hava fleiri fólk at varnast fleiri bøkur Mynd: Birgir Kruse