mikudagur 18. oktober 2006síða 12

12 Nr. 201 - 18. oktober 2006 Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. nøvn SAMBAND magnus gunnarsson maggi@sosialurin.fo tlf 341800 fax 341801 Dagurin í morgin 19. oktober. Baltasar. Ein av teimum trimum vís­monn­ un­um. Eftir halgisøguni bar hann skegg og var blámaður. Bábelskt navn, ið merkir Baal skal vejra hann. Jonhild Hentze og Astrid Tummasarson hava nú í 40 ár havt sína dagligu gongd á sjúkrahúsinum í Suðuroy. Starvsfelagarnir vilja við hesum ynskja teimum hjarta­liga tillukku og takka fyri gott samstarv. Ynskja starvs­felag­ arnir á skurðdeildini Suðuroyar Sjúkrahús: 40 ára starvsdagar Tøkk Tað er okkum ógjørligt um dagarnar og á leiðini at minnast tykkum øll einsæris, sum gjørdu okkum krúndiamantsbrúdleypsdagin so kærkomnan. Men av og á kaga vit í gestabókina, fjarritini, gávukortini, brøvini, myndirnar og annað, og tá eru tit í huga okkara. Vit minnast tykkum og fegnast um, at tit komu ella á annan hátt gleddu okkum. Hjartaliga tøkk øll somul. Harrin signi tykkum. Heilsan Astrid og Jógvan Gerðalíð Fríggjadagin 20. oktober kunnu hjúnini Marjun og Símun Jóhan Wolles á Eiði halda gullbrúdleyp. Tey eru bæði ættað av Trølla­nesi, Marjun, fødd Østerø, er úr Útistovu, og Símun Jóhan úr Uppistovu. Símun Jóhan kom sum smá­ drongur til Eiðis til fastur sína at ferðast, og har varð hann verandi og vaks sostatt upp hjá Oluffu og Johannesi í Miklagarði á Eiði. Jóhannes var bátasmiður, og har lærdi Símun Jóhan bátasmíð, sum gjørdist lívss tarv hansara. Símun Jóhan gjørdist kendur bátasmiður – ikki minst gjøgnum sjón­varps­ sendingarnar, ið Finnbogi Ísak­son, sáli, gjørdi. Á anda­liga økinum hevur Sím­un Jóhan verið virkin í samkomuni í Mizpa, og hann var kendur talari í brøðrasamkomuni. Aftanfyri allar góðar menn er ein góð kona, verður ofta sagt, og tað er ikki minst satt í hesum føri. Marjun hevur við sínum stillføra lyndi fyri­ myndarliga røkt heimið, og mong eru tey, ið hava notið blíðskap í Miklagarði. Eftir at børnini vóru farin í skúla, arbeiddi hon eitt skifti sum heimahjálp á Eiði. Marjun og Símun Jóhan eiga 4 børn: Jóhonnu Oluffu, Astu, Óla og Absalon, og tey eiga 9 barnabørn. Gullbrúdleypið verður hildið leygardagin 21. okto­ ber, í Mizpa á Eiði, har høv­ið verður at heilsa uppá gullbrúðarparið millum kl. 13 og 19. Gullbrúdleyp Í morgin tann 19. oktober hevur Páll Ismarss on Joen­sen starvast sum lærari á Mask­ inmeistaraskúlanum í 25 ár. Páll er úr Fuglfirði, sonur Elsu Leo sunnan úr Vági og Ismar Joensen, sála, úr Fuglafirði. Páll eigur ein eldri bróður, Jóannes, sum býr saman við móðurini í Fuglafirði. Páll tók realprógv í 1970 og fór síðani í smiðju­læru í Meka, sum P/F Brøður Petersen áttu. Hann tók sveinaprógv sum maskinsmiður á sumri 1974 og byrjaði sama summarið á Føroya Maskin­skúla, hað­ani hann tók prógv sum maskinmeistari í juni 1976.  Hann sigldi sum maskin­meistari við portu­gals­trol­ar­anum Leivi Øss urss on, áðr­enn hann fór til Dan­markar at lesa til víðkað mask­ inmeistaraprógv. Prógv­ ið tók hann í juni 1978 á Københavns Maskin­mesterskole. Næstu stívliga 3 ár­ini arbeiddi Páll sum el-inn­leggjari á silda­verk­smiðj­ uni Havsbrún í Fuglafirði. Hetta vóru sera lærurík ár saman við Jóannesi Thomsen, góð­kendum el-innleggjara.  Páll byrjaði sum lærari í føstum starvi á Føroya Maskinskúla 19. okto­ber 1981. Hann undirvísti fyrstu tíðina í motorlæru og el­tøkni. Seinnu árini hevur hann undirvíst í eltøkni, automatión, støddfrøði og teld. Hann hevur eisini virka sum telduvørður á skúlanum, líka síðani skúlin fekk teldur á fyrsta sinni.  Páll hevur verið á nógv­um skeiðum, serliga í automation, el- og teldu­tøkni. Á heysti 1997 var hann saman við fýra lær­ar­um á øðrum føroyskum vinnu­ skúlum á boriskeiði í Noregi og tók prógv í olju­boritøkni.  Páll hevur í mong ár havt stóran áhuga fyri føroysku náttúruni, og hon­ um dámar væl at ganga í haganum. Páll er góður við føroyska málið, ein sannur móðurmálsvinur. Faðirin, Ismar, var skald og yrkti nógv. Í 1994 savnaði Páll og gav út bókina Úr hugans heimi eftir faðirin.  Sum starvsfelagi hev­ur Páll roynst sannur álitismaður, trúfastur og góður at samstarva við og altíð hjálpsamur. Hann hevur altíð verið fremsti íbirtarin, tá ið nakað skuldi setast í verk, m.a. tá ið skúlin í 1987 fór undir víðkaða maskinmeistaraprógvið, tá ið el-inn­ leggjaraskúlin skuldi byrja, og tá ið arbeitt var fyri at fáa skúlanum egin hølir at vera í. Tá stóð Páll altíð í fremstu røð, hansara partur lá ongantíð eftir. Við sínum hegni og stillu framferð skapti hann bæði álit og virðing uttan um seg. Eisini millum næmingarnar hevur Páll verið høgt í metum. Tann, ið fekk Páll sum lærara, helt seg av røttum at vera væl fyri. Hann hevur heldur ikki eina einastu ferð í øll 25 árini fingið so mikið sum eina klagu frá næmingunum. Góði Páll: Vit starvsfelagar takka tær fyri eitt gott samstarv og vilja ynskja tær hjartaliga til lukku á 25 ára starvs­ degnum. Samstundis harmast vit um at tú, hóast allar nevndu persónligu eginleikar, skalt koyrast úr starvinum vegna ein pástand um beint tað øvugta av tí, tú stendur fyri. Starvsfelagar 25 ára starvsdagur Jonhild Hentze Astrid Tummasarson www.sosialurin.fo