mánadagur 23. oktober 2006síða 24

24 [ Nr. 204 - 23. oktober 2006 ] Jan Dam venjari í Vágum Í eina tíð hevur verið greitt, at Bobby Bolton ikki heldur fram sum venjari hjá FS Vágum 2004. Men nú er so greitt, at tað verða tveir veteranar í føroyskum fótbólti, ið koma at standa á odda fyri liðnum komandi kappingarár. Jan Dam verður venjari, og Jákup Eli Olsen verður hjálpari hjá honum. Jan Dam er ikki ókendur í starvinum. Í ár var hann venjari hjá næstbesta liðnum í HB, og eisini hevði hann ábyrgdina av unglingunum í eldra havnarfelagnum, ið vann greipuna. Toftamaðurin Jákup Eli Olsen leikti í ár við LÍF, og umframt at vera venjari, skal hann eisini hjálpa til á vøllinum. Villa ynskir sær Henke Núverandi venjarin hjá Aston Villa, Martin O´Neil, var í nógv ár venjari hjá Celtic, og millum stóru profilarnar á Celtic-liðnum var svenski málslúkurin Henrik Larsson. Nú vónar Martin O´Neil, at hann kann sannføra fyrrverandi Barcelona leikaran um at skifta til Aston Villa í januar mánað. - Fyri nøkrum mánaðum síðan vendi hann Champions League finaluni, so eg dugi ikki at síggja, at hann hevur mist evnini og eldhugan upp á 3-4 mánaðir, sigur Martin O´Neil. Henrik Larsson skifti úr Barcelona til Helsingborg í summar. Við einum drønskoti seint í dystinum, gjørdi Paul Clapson av við gulldreymin hjá EB/Streymi. Heimaliðið hevði áðrenn tað havt sínar møguleikar, og teir skutu tríggjar ferðir á tvørstongina ella stongina EB/Streymur-KÍ Rólant Waag Dam rolant@sosialurin.fo Gullið gjørdist til grát á Mølini leygardagin. EB/ Streymur, sum bert skuldi hava eitt stig í dystinum ímóti KÍ, endaði við ong­ um, og so misti liðið gull­ merkini á stokkinum. EB/Streymur hevði sínar møguleikar í dystinum ímóti KÍ, sum veruliga strídd­ist fyri sínum møgu­ leika í dystinum. Tey, sum hildu, at KÍ ikki fór at spenna seg út fyri at leggja fót fyri EB/Streym í gullstríðnum við HB, fóru skeiv. KÍ’arnir stríddust sera væl allan dystin, og hóast teir í stórum løtum vóru í verjustøðu, so bitu teir eisini frá sær fram eftir vøllinum. Trýstu frá byrjan Tað var fitt av vini á Eiði leygardagin, og í fyrra hálvleiki hevði EB/Streym­ ur vindin meira undan. Teir á heimaliðnum løgdu bragdliga fyri. Teir royndu at trýsta KÍ aftur á vøllin, teir høvdu fleiri royndir á málið, og tað var eisini um reppið, at teir skoraðu. Eftir eitt korter hevði EB/Streymur tvey drønskot ímóti KÍ málinum. Fyrst var tað Rafal Kwiecinski, sum smekkaði til, og síðani var tað John Heri Dam, sum fekk skot á, men báðu ferðirnar bjargaði Mein­ hardt Joensen sera væl. Beint fyri hálvleik kom Hans Pauli Samuelsen at standa sera væl til í KÍ brotsteignum, men hann sendi skotið á stongina og út. KÍ hótti bara av og á málið hjá EB/Streymi, men í eina førinum tíðliga í dystinum rak Paul Clapson seg væl fyri í brotsteiginum, og tá mátti René Tórgarð bjarga sera væl. Raktu tvørstongina Í seinna hálvleiki var dyst­ urin javnari, og KÍ royndi eisini støðugt at koma í álop. EB/Streymur fekk eitt sindur meira pláss at spæla og renna á, men teir komu sjáldan veruliga til opnar kjansir. Sjey minuttir eftir steðg­ in sendi Oddmar á Lakjuni á tvørstongina hjá EB/ Streymi, og eina løtu seinni var tað Gert Hansen, sum eftir gott gjøgnumbrot og úr góðari støðu sendi á tvør­ stongina. EB/Streymur var eitt sind­ ur meira varið, sum dystur­ in leið, tí teir vistu, at tað var nóg mikið við javnleiki. Í Havn fekk HB ikki hol á, og tí var tað óhugsandi, at teir alt í einum skuldu skora 11 mál. Eftir ein slakan hálvan tíma var tað Arnbjørn Han­ sen, sum stóð fyri tørni at senda á tvørstongina hjá KÍ. Clapson sendi gullið av Mølini Átta minuttir fyri tíð hendi tað, sum ikki skuldi henda fyri heimaliðið. KÍ fór í álop í høgru, bólturin var spæld­ur til Paul Clap­son, sum beint innfyri brots­ teigarmarkið í høgru drøn­ aði bóltin í handara mál­ horn. Eitt perlumál, sum gjørdist avgerandi fyri dyst­ in. EB/Streymur hevði ill­ gruna um, hvat fór at henda í Havn, og teir løgdu nógv fyri frammi á vøllinum, tað sum eftir var. Egil á Bø var fluttur fram, og EB/Streymur gjørdi eina desperata roynd at javna. Men samstundis sum HB skoraði í Havn gekk tað upp fyri teir á heimaliðnum, at teir ikki fóru at røkka gullinum. Eftir fimm minutt­ ir við yvirtíð, bríkslaði væl dømandi Dagfinn Olsen dystin av, og so var dreym­ urin knústur. Tá vóru FSF- formaðurin og hansara fylgi longu farnir av Mølini við kós ímóti Havnini við FM- steypinum og gullinum. EB/Streymur-KÍ 0-1 (0-0): Clapson knústi gulldreymin KÍ EB/Streymur EB/Streymur hevði trý skot á tvørstongina ella stongina, men teir fingu ikki mál, og so endaði tað, sum skuldi verða stóri gulldagurin, sum ein marrukendur leygardagur Mynd: Álvur Haraldsen