týsdagur 24. oktober 2006síða 20

20 Nr. 205 - 24. oktober 2006 vinnusíðurnar Millum nógvu nýggju handlarnar í SMS er ein espressobarr, sum hevur serbúgvið seg til at borðreiða alskyns sløg av kaffi, te, iceblend og sjokulátu. Talan er um Baresso, ið hevur danskan uppruna við íblásturi úr Suðurevropu og Fjareystri Ein skuldi valla trúð, at tað ber til at gera stórvegis hóvasták burtur úr nøkrum so vanligum sum kaffi. Tað verður sett út á, og kaffimaskinan bryggjar eftir fáum minuttum, síðani skonkt og drukkið, meðan skoytað verður ígjøgnum nýggjastu tíðindini í dag­ sins tíðindabløðum. Fáur man halda stórvegis ser­ kunn­leika liggja í kaffi – tað smakkar væl og kvikar eitt sindur upp í tí snimmu morgunstundini, men í ringasta føri verður tað mett sum ein óvani at sutla hetta svarta og beiska grumsið niður í seg. Anja Sólstein, leiðari fyri nýggju espresso-barrin, Baresso, í SMS ætlar tað øðrvísi. - Hetta er nógv meiri enn bara ein vanlig kaffi­ stova,Vit leggja dent á at tey vitjandi fáa eina uppliving, sigur Anja Sólstein og skoytir upp í: - Hvør kaffikoppur er eitt hondverk, ikki bara ein koppur av kaffi. Umframt kaffi fæst eisini te, iceblend, drekkisjokuláta og ymiskir munnbitar aftur­ við. Espressobarr eitt óskrivað blað Baresso er ein av 14 nýggju handlum, sum letur upp í SMS á fyrsta sinni í morgin. Og hetta konseptið hevur ikki sæð dagsins ljós í Føroyum áður. Tó hevur Baresso- ketan bert eini 6 ár á baki, hon varð sett á stovn í Danmark í 2000. Hetta hendi tá danska parið Inger og Kenneth Luciani vendi aftur til Danmarkar eftir at hava búð í millum annað Fjareystri í eini 20 ár. Hugtakið espressobarr er kent í flestu londum, men um okkara leiðir og í Norðanlondum í heila tikið er hugtakið framvegis nærum eitt óskrivað blað. - Ein espressobarr er hvørki ein café ella ein mat­ stova, men eitt stað har tú gert ein stuttan steðg, tekur time-out fyri at tosa við vinir ella starvsfelagar – ella bert fyri at løða battaríini upp aftur. Tað kann til dømis vera á veg til ella frá arbeiði, í morgunmatarsteðginum ella í frítíðini, ljóðar boð­ skapurin frá Baresso. Víðari verður sagt á heima­síðuni hjá www.baresso.com: - Tað er umráðandi at skapa eina atmosferu, ið er merkt av vinarligari tæn­ astu og góðum kørmum fyri tí lítla time-out’inum hjá tí einstaka. Vit bjóða kundanum ein gróðrarblett saman við kaffi og løttum rættum við óvanliga høgari dygd. Vit skapa grundarlag fyri einum uppibornum andarúmi í gerandisdeg­ num, antin fólk eru til ar­beiðis, strúka avstað við fullari ferð ella hava valt at njóta Baresso-vørurnar heima við hús. Vørurnar kunnu takast heim við Anja Sólstein sigur, at vørurnar sum fáast til keyps í Baresso eru eisini vørur, ið kunnu takast heim við og njótast heima. - Flestu vørurnar fáast bæði at njóta á staðnum og til at taka heim við. Sjálvandi eru nakrar avmarkingar við at gera tað heima, tí vit brúka serligar maskinur og útgerð her á staðnum, og fólkini sum borðreiða hava serliga útbúgving. Men at taka heim við er so ein møguleiki afturat, sigur Anja. Prísirnir hjá Baresso í Føroyum fylgja prísunum í Danmark, og til dømis kostar ein koppur av Kaffé- Latte 34 krónur. Umframt kaffi, sum Anja kallar sálina hjá Baresso, fáast eisini djús og cola,vistfrøðiligir sólberja­ drykkir, og um morgunin fæst morgunbreyð. - Vit leggja dent á at hava eitt hugnaligt umhvørvi, og tað skal bæði vera pláss fyri hugdýping hjá einstøkum kundum, sum hava tørv á einum time-out, og fyri til dømis smærri fundum hjá starvsfólkum, sigur Anja Sólstein at enda. Hvør kaffikoppur er eitt hondverk Baresso Nýggjur Kafé við útsýni yvir Torgið. Bianco Nýggjur Fótbúnaður. Skógvar til gentur og dreingir. Bindibúðin Tógvhandil. Føroyskt og útlendskt tógv og bindiuppskriftir. Bixin Nýggjur Barnaklædnahandil. Til børn í aldrinum 0- 14 ár. Burger King Matstova. Cosmeto Nýggjur Hárfríðkan og vakurleikarøkt. Demmus Skósøla við meiri enn 50 árum á baki. Eitems Nýggjur Klædnahandil fyri kvinnur. Events Nýggjur Klædnahandil til femininar kvinnur. Exit Barnaklæðir. Børn og ung 0-16 ár. Expert Nýggjur Elektronikk-handilsketa. Gellan Nýggjur Klædnahandil. Fyri ungar gentur. Heilsa Heilsukostur, kropsrøkt, parfumarí og make-up. Hornið Kiosk Imerco Nýggjur Búnýti og gávulutir. Imerco-ketan telur 140 handlar. Jack&Jones Nýggjur Mótaklæðir. Fyri ungar menn. Júniik Nýggjur Klædnahandil fyri kvinnur. Kall Samskiftistænastur. Klivin Mótahandil. Klokkan Prýðislutir, ur, og gávulutir. Margerita Nýggjur Klædnahandil fyri kræsnar tilkomnar kvinnur. Miklagarður Matvøruhandil. Perlan Matstova. Rit&Rák Bókahandil. Bøkur og skrivstovulutir. Skálkur Harraklæðir. Sportmaster Ítróttarklæðir. Skilling Optikhandil. Sunset Matstova. The Body Shop Kropsrøkt og make-up. Vero Moda/Only Nýggjur Mótahandil. Fyri tilkomnar og ungar kvinnur. Vila Nýggjur Klædnahandil. Fyri femininar kvinnur. Teir 31 handlarnir í SMS Anja Sólstein verður leiðari í nýggju espresso-barrini Baresso í SMS