hósdagur 26. oktober 2006síða 4

4 Nr. 207 - 26. oktober 2006 tíðindi Arbeiðsmarknaður Vilmund Jacobsen vilmund@sosialurin.fo - Kvalifiserað arbeiðsmegi er altíð eitt aktiv í einum samfelag. Tí mugu vit eisini gera smidligari karmar fyri útlendska arbeiðsmegi í Føroyum, soleiðis at fólk kunnu koma og fara, sum brúk er fyri teimum, sigur Bjarni Djurholm, lands­ stýrismaður í vinnumálum - Vit mugu tryggja vinn­ uni kappingarførar karm­ ar við eitt nú hóski­ligari vinnulóggávu, skatta­lóg­ gávu og avgjaldslóggávu, soleiðis at vit eru kapp­ ingarførir mótvegis teimum, vit kappast ímóti. Soleiðis segði Bjarni Djurholm, landsstýrismaður í vinnumálum, við Sosialin í gjár. Landsstýrið arbeiðir í løtuni við at gera tað lættari hjá føroyskum vinnulívi at fáa útlendska arbeiðsmegi til Føroya, har tørvur eru á fólki. - Eg haldi, at vit eiga at gera karmarnar smidligari, soleiðis vit kunnu fáa út­lendska arbeiðsmegi hig­ ar, tá ið brúk er fyri tí – og ikki minst; at hesi so í eini neyvari skipan fara avstað aftur, tá ið tíðar­skeiðið er lokið. Landsstýrismaðurin held­ ur, at føroyskt vinnulív eigur at fáa møguleikan at gera avtalur við útlendska arbeiðsmegi undir somu korum og treytum, sum føroyskir løntakarar hava. - Kvalifiserað arbeiðs­ megi er altíð eitt aktiv í einum samfelag. Tí mugu vit eisini gera smidligari karmar fyri útlendska ar­­ beiðs­megi í Føroyum, so­leið­is at fólk kunnu koma og fara, sum brúk er fyri teimum, sigur Bjarni Djur­ holm. Hann sigur, at vit eiga at halda generella útlend­ ingapolitikkin uttanfyri hesi viðurskifti, tí tað er eitt heilt annað mál, sum hann tekur til. - Tá ið ræður um arbeiðs­ marknaðin, eiga karmarnir at gerast smidligari, og hetta kann eisini vera við til at uppihalda nógvum arbeiðsplássum í Føroyum. Bjarni Djurholm vísir á, at útlendingar, sum kanska av ymiskum orsøk­ um kundu ynskt sær at verið longri í Føroyum, enn brúk er fyri teimum á arbeiðsmarknaðinum, koma tá undir tær treytir, sum annars eru galdandi á økinum. Og tá tosa vit um heilt onnur viðurskifti, leggur hann aftrat. - Tað, sum landsstýrið ætlar við at gera viðurskiftini smidligari, er at geva vinnuni bestu fyritreytirnar fyri arbeiðsorku og menning, sigur landsstýrismaðurin. Altjóða vinnustevnan Faroexpo, sum hevur verið hildin í Runavík við fundarvirksemi og í Kelduni í Skála­ firði við fyrilestrum, er nú av á hesum sinni Faroexpo 06 Vilmund Jacobsen - Eg haldi, at alt hevur gingið væl á Faroexpo. Flestu fyritøkurnar hava havt fleiri fundir við aðrar fyritøkur, og tær flestu munnu hava havt einar 10- 15 fundir tilsamans. Tað sigur Símun Hammer, leiðari á Virkisráðgevingini, sum nú á øðrum sinni hev­ ur samskipað Faroexpo-til­ takið. 42 fyritøkur Í dag er vinnustevnan liðug í Ítróttarhøllini í Runavík, og onkur av fyritøkunum, sum hava verið við, eru farnar á virkisvitjan. - Talið av fyritøkum, sum vóru við, var 42, har­ av 18 vóru útlendskar, ser­ liga danskar, úr baltisku londunum og Grønlandi. Símun sigur, at tríggjar fyritøkur, sum partvís eru ís­lendskar, vóru úr Balti­kum, og somuleiðis var Roy­al Green­land við úr Grøn­landi. - Onkur av fyritøkunum hava eisini umboðað fleiri aðrar, eitt nú eitt danskt konsortium, sum hevur 18 fyritøkur undir sínum hatti. Á reiðarabásinum og ali­ básinum vóru sjey fyritøkur tilsamans, fimm reiðaríir og tvær alifyritøkur. Reiðaríini vóru Vinna, Snaraløkur, Framherji, Thor og Supply-Service, sum er felagið í Leirvík, ið byggir supply-skip. Á alibásinum vóru Havs­ brún og Bakkafrost. Uppaftur størri - Hetta er annað árið á rað, at Faroexpo verður hildin, og vit ætla okkum eisini at skipa fyri vinnustevnuni komandi ár. Síðan verður støða tikin til, um Faroexpo frameftir verður hvørt ár – ella annaðhvørt ár. Símun Hammer vísir á, at fyrireikararnir hava lært nakað av hesum báðum stevn­unum. - Vit hava fingið at vitað, hvat ymisku fyritøkurnar, sum eru við, ynskja sær og eitt, sum vit ætla okkum at gera meira við til komandi ár, er at fáa uppaftur fleiri fyritøkur við. Hann heldur ikki, at talið av fyritøkum neyðturviliga er so avgerandi, men sigur kortini, at tað hevði tænt vinnustevnuni, um útboðið var uppaftur størri. - Tað er eisini stuttligari og uppaftur meira áhugavert at vera í stevnuumhvørvinum í Ítróttarhøllini, tá ið talið av fyritøkum er stórt. Símun vísir eisini á, at eru fleiri fyritøkur við, sum hava eitt uppaftur størri útboð, kann tað geva ringvirkningar soleiðis, at enn fleiri hava hug at verða við. Fundir avtalaðir - Skipanin hevur verið hon, at flestu fundirnir, sum fyritøkurnar hava við hvørja aðra, vóru avtalaðir longu, áðrenn vinnustevnan byrjaði. Hann sigur, at Virkisráð­ gevingin hevur tikið sær av at samskipa fundar­virk­ semið. - Fyritøkurnar hava latið okkum vitað, hvønn tey ynskja at hava fundir við, og síðan hava vit syrgt fyri, at alt passar saman. Í øðrum førum eru fundir avtalaðir á sjálvari stevnuni, og tá skulu hesir so fáast at passa inn í fundarskránna, sigur Símun Hammer, leiðari á Virkisráðgevingini í Sal­ tangará. Smidligari karmar á arbeiðsmarknaðinum Faroexpo verður upp- aftur størri komandi ár Um morgnarnar var góður morgunmatur at fáa í Ítróttarhøllini, og um middagsleitið var døgurði. Brøðurnir, Búgvi og Pól Esber úr Skálafirði, undirhildu við guitara og góðum sangi undir døgurðaborðinum mikudagin Mynd: Vilmund Jacobsen – Vit hava fingið at vitað, hvat ymisku fyritøkurnar, sum eru við, ynskja sær og eitt, sum vit ætla okkum at gera meira við til komandi ár, er at fáa uppaftur fleiri fyritøkur við, so útboðið verður enn størri, sigur Símun Hammer, samskipari Mynd: Vilmund Jacobsen Sangur á Sandi Leygarkvøldið 4. november klokkan 19.30 verður eitt hugnakvøld við sangi í Virkinum á Sandi. Tá er ætlanin at syngja gamlar og nýggjar sangir, sum eru yrktir til Sands bygd ella Sandoynna, ella sum hana samband við oynna. Fyrireikararnir vilja fegnir hava fatur á honum ella henni, sum hevur onkran sang, sum teir ikki hava fingið fatur á enn til tiltakið. Aftan á hugnakvøldið verður dansur við nýggja dansibólkinum Sand Dansband. Letur upp 1. juli Arbeiðið at gera tunnilin millum Øravík og Hov gongur so nógv betur enn væntað, at hann væntandi verður liðugur væl fyrr enn upprunaliga mett. Ætlandi verður skotið ígjøgnum um hálvan annan mánað, og so verður roknað við, at tunnilin letur upp fyri almennari ferðslu tann 1. juli næsta ár. Tað er fimm mánaðir fyrr enn ætlað. Tað hava bert verið einstakir smáir trupulleikar inni í fjallinum. Tað er Ístak, sum ger tunnilin.