hósdagur 26. oktober 2006síða 8

8 Nr. 207 - 26. oktober 2006 tíðindi Málið um samkynd: Savna inn undirskriftir Útlendski áhugin fyri málinum um viður­ skiftini hjá teim sam­ kyndu í Føroyum økist alsamt, og nú er ein donsk heimasíða farin at savna undir­ skriftir inn, har fólk, sum eru í móti diskri­ mi­natión av samkynd­ um skriva seg á ein lista, sum seinni verður handaður løgtinginum SAMKYND Rólant Waag Dam rolant@sosialurin.fo Fyrr í vikuni vísti Sosi­al­ urin á, at útlendski áhugin fyri málinum, um viður­ skiftini hjá teim samkyndu í Føroyum, er ovurhonds stórur. Danskir, íslendskir, norskir og týskir fjølmiðlar hava viðgjørt málið, og tað hevur skapt øsing fleiri staðni. Stóra danska blaðið, Poli­ tiken, hevði í sunnudags­ útgávu síni eina umrøðu av málinum, sum hevur fylgt føroyskar fjølmiðlar sein­ astu tíðina. Greinin sunnu­ dagin var í stuttum ein samandráttur av øllum tí, sum er hent her, og sam­ stundis byrjanin til eina greinarøð. Í týsdags­blað­ num hevur Politiken eina samrøðu við pápa Rasmus Rasmussen, Mortan Ras­ mussen, og henda samrøða verður so fylgd upp seinni í vikuni. Umheimurin má handla Men tað er verri enn so bara Politiken, sum hevur málið um tey samkyndu í Føroyum til viðgerðar. Fyri ein tíð síðani tók Nynne Nørup, universitetslesandi, stig til heimasíðuna www. act-against-homophobia. underskrifter.dk, har hon savnar inn undirskriftir frá fólki, sum eru í móti dis­ kriminatión av samkynd­um. Tá blaðið fór til prenting­ ar høvdu ikki færri enn 2600 fólk skrivað seg á listan, sum seinni verður handaður Føroya Løgtingi. Á heimasíðuni stendur, at málið við innsavningini er at vísa, at umheimurin ikki góðtekur tað slagið av mismuni sum samkynd í Føroym líða undir. “Tað er líkamikið, um tað er í navni kristindómsins ella ikki. Tað eru nakrir borg­ arar í Føroyum, sum mót­ mæla, men tað er eisini brúk fyri, at umheimurin ger okkurt”, stendur mill­ um annað á lesa á heima­ síðuni. Anders Fogh harmast Men tað er ikki bara van­ ligi danin, sum ógvast og øtast um støðuna í Før­oy­ um. Týsdagin gav danski forsætisráðharrin, Anders Fogh Rasmussen, sína per­ sónligu meining um málið til kennar á einum tíðinda­ fundi. – Hatta er eitt mál fyri tað føroyska heimastýri. Formelt skal Danmark als ikki blanda seg, og tað fer Danmark heldur ikki at gera. – Men eg vil gjarna siga mína politisku viðmerking um tað og tað er, at ógvuliga harmur um tað, eg hoyri og síggi í Føroyum. Eitthvørt samfelag hevur til ábyrgd at tryggja, at tað ikki verður gjørdur mismunur á fólki, sigur Anders Fogh Rasmussen. Jólagávu til øll húski frá Føroya Banka Í samband við at Føroya Banki fyllir 100 ár í ár, hava Jørn Astrup Hansen og Jóan Pauli Joensen skrivað eina bók um søgu bankans, og sum øll húski í Føroyum borðið í postkassan í desember FØROYA BANKI Rólant Waag Dam rolant@sosialurin.fo Føroya Banki fyllir 100 ár og heldur rimmar føð­ing­ar­ dagshald við gallakvøldum um alt landið í hesum døgum. Nógv verður gjørt burtur úr og talan hevur verið um nøkur serstakliga væleydnaði kvøld við skemti, tónleiki, filmi og góðum mati. Á hesum gallakvøldum hevur bankin eisini boðað frá, at Føroya Banki hevur latið eina bók skrivað um søgu bankans. Tað eru teir báðir Jóan Pauli Joensen, professari og rektari á Fróð­ skaparsetri Føroya, og Jørn Astrup Hansen, fyrr­ver­an­ di stjóri í Sjóvinnu­banka­ num og Føroya Banka, sum hava skrivað bókina. Bókin er í tveimum bind­ um. Fyrra bindið er um søgu bankans, og henda partin hevur Jørn Astrup Hansen skrivað. Seinna bind­ið er um samfelags­ menningina í Føroyum hesi árini føroyingar hava havt bankar, og henda part­ in hevur Jóan Pauli Joensen skrivað. Um bókina kann sigast, at hon er áhugaverd á so nógvar ymsar mátar. Mill­ um annað verður farið ná­ greiniliga ígjøgnum banka­ kreppurnar í bæði fimmti- og nítiárunum. Har verður onki pakka inn og veruleikin verður lýstur so bersøgin, sum hann nú einaferð kann, tá tað er Jørn Astrup Hansen, ið skrivar. Til hvørt húski Føroya Banki ætlar, at bók­ in skal sendast øllum húskj­ um í Føroyum, og einaferð í fyrru helvt av desem­ bermánaði kunnu føroy­ ingar rokna við, at bókin um Føroya Banka liggur í teirra postkassa. Í so máta ber til at siga, at allir før­ oyingar fáa eina føðing­ ardagsgávu og jólagávu frá bankanum í desember. Annars er tað ikki fyrstu ferð, at føroyingar fáa eina ókeypis bók frá bankunum. Í 1982, tá Sjóvinnubankin fylti fimmti, lat bankin eisini øllum húskjum í Føroyum eina bók um bankan, men nú kunnu føroyingar so aftur gleðast um, at fáa eina bók um bankasøgu ókeypis. Jørgen Saabye hevur tekna hesa tekning, sum skal lýsa støðuna hjá samkyndum í Føroyum, og er hon at síggja í dagsins útgávu av Politiken. Jørn Astrup Hansen og Jóan Pauli Joensen hava saman skrivað bókina, sum øll húski fáa í desember. Jyllands-Posten fríkendur Í dag varð blaðið Jyllands-Posten fríkent fyri ærumeiðing og útspilling í samband við Muhammed-tekningarnar. Hetta staðfesti býrætturin í Århus á einum rættarfundi. Teir, sum stevndu Jyllands-Posten vóru Islamisk Trosamfund og seks aðrir felagsskapir, hava nú stevnt dómin inn fyri landsrættin. Framsøgumaðurin hjá Islamisk Trosamfund, Kasen Said Ahmad sigur, at rætturin hevur givið Jyllands-Posten rætt til vanhalga muslimarog kenslurnar hjá muslimum, og givið Jyllands-Posten binda muslimar saman við terror. Tjóðskaparliga semjan á breddan Tjóðskaparliga semjan er høvuðsevnið, tá ið umboð fyri Stjórnarskipanarnevnd­ ina í kvøld fara at kunna í Klaksvík Stjórnarskipanarnevndin fer í kvøld klokkan 19.30 at kunna um arbeiðið við at fyrireika uppskot til nýggja stjórnarskipan. Fundurin verður í skúlanum við Ósánna í Klaksvík. Høvuðsevnið verður uppskoti til semja, sum nevndin arbeiðir við at fáa um tjóðskaparliga spurningin. Eftir framløgurnar verður høvi at seta spurningar.