týsdagur 31. oktober 2006síða 38

38 Nr. 210 - 31. oktober 2006 vinnusíðurnar 4.000 sambadansarar skulu marknaðarføra norskan klippfisk í Rio de Janeiro í februar. Marknaðarføring Árni Joensen arni@sosialurin.fo Í februar verður aftur karne­ val í Rio, men hesaferð verð­ur dansiveitslan eitt sind­ur øðrvísi, tí norðmenn hava sett sær fyri at brúka tiltakið gera at gera eitt átak fyri norskum klippfiski. Nevndin, sum stendur fyri átakinum, hevur havt samband við tveir samba­ skúlunum í Rio de Janeiro, og teir hava játtað at lata millum 4.000 og 5.000 dansarar marknaðarføra norskan klippfisk. Knut Haagensen, sum er formaður í fyrireik­ing­ ar­nevndini, sigur við Nord­ lys, at átakið hevur eitt marknaðarvirði upp á fleiri hundrað milliónir krónur. Tað fer kortini ikki bara at ganga klippfiskinum, men eisini norsku ferðavinnuni og norskum handils- og vinnulívi sum heild, sigur hann. Higartil hava fyrireik­ ararnir savnað góðar fýra milliónir krónur til átakið í Brasil, men enn resta einar fimm milliónir krónur í, áðrenn alt er fíggjað. Í fiskimálaráðnum í Oslo taka tey undir við átakinum í Rio. Har verður sagt, at tað er sera umráðandi fyri Noreg at varðveita tann brasilska marknaðin og at menna hann. Tey halda tað eisini vera sera áhugavert at brúka dansiveitsluna í Rio sum høvi til at markn­ aðarføra klippfiskin. Basil er næststørsti klipp­ fiskamarknaðurin hjá norð­ monnum, og árliga keypa brasilar norskan fisk fyri hálva aðru milliard krónur. – Men tað eru ikki bara fólk í Brasil, sum fylgja við tí, sum hendir í Rio í februar. Fólk um allan heim og serliga í teimum katólsku londunum síggja sjónvarpssendingar frá dansi­veitsluni, so tey eru mong, sum verða kunnað um klippfiskin úr Noregi, sigur Knut Haagensen. Hetta er helst eisini sein­ asta høvi at brúka dansi­ genturnar í Rio til at markn­ aðarføra norskan fisk. Frá 2008 skulu øll dansiliðini dansa fyri tí sama, og tá verður prísurin væntandi so høgur, at norski fiska­ ídnaðurin verður ikki førur fyri at rinda kostnaðin. Dansa samba fyri norskum fiski Tað er ikki nóg mikið, at fiskurin smakkar væl og sær væl út. Nú vilja normenn eisini nýta stóra karnivalið í Rio til marknaðarføring av klippfiski Marknaðarrák Í farnu viku nevndu vit, at útlit vóru fyri, at partabrøv fóru at lækka eitt sindur innan alt ov leingi. Tað tykist nú sum ein minni lækking byrjaði í farnu viku. Hetta var galdandi á flest øllum marknaðum, bæði í USA, Evropa og Fjareystri. Kunngjørt var, at amerikanski búskapurin fyri 3. ársfjórðing var hækkaður 2,9% í mun til fyri ári síðani. Hetta var væl minni enn væntað, og var við til at fáa partabrøv at lækka. Eisini hevur tað týdning, at partabrøv eru hækkað 10%-15% upp á 4 mánaðir, og at íleggjarar nú taka nakað av hesum vinningi heim við at selja partabrøv. Roknskaparkunngerðirnar eru fram­ vegis góðar, og virkini halda á at vinna meir enn íleggjarar væntaðu. Langtíðarútlitini eru tí framvegis góð. Lánsbrævarentur lækkaðar BTÚ-tølini úr USA fingu láns­ brævarenturnar at lækka í farnu viku. 10-ára rentan er í løtuni 3,87%, hetta er 0,12% lægri enn 1-árs rentan. Hetta bendir á, at láns­ brævaíleggjarar ikki vænta nakran prísvøkstur. Danske Bank kunnger roknskap Danske Bank kunnger roknskap beint eftir evstamark ídag. Útlit eru fyri, at roknskapurin verður uppmettur so samlaða úrslitið kann gerast eins gott og 2005. Væntaða framgongdin skyldast m.a. eini væntaðari hækking í nettointøkunum uppá 10% í mun til 3. ársfj. 2005. Mest sannlíkt verður sølan av RD høvuðssætinum og afturføringar frá áðurframdum niðurskrivingum bókaðar hendan ársfjórðingin. Hóast ein góður roknskapur er væntaður av marknaðinum, meta vit at kursurin á partabrævinum kann fara at hækka meira enn marknaðurin annars. Hesa vikuna Hendan vikan verður hendingarík á marknaðunum. Eftir laka ameri­ kanska búskaparvøksturin í farnu viku, verða eyguni havd við ameri­ kanska arbeiðsmarknaðinum. Og hesa vikuna kemur m.a. arbeiðs­ marknaðarfrágreiðingin fyri oktob­ ur. Harumframt hevur ECB rentu­ fund, og har verður sitið undir hvørjum orði. Partabrøv lækkaðu                                  SEK      Broytingar eru útroknaðar í mun til fyri viku síðan. Myndirnar vísa gongdina seinastu 3 mánaðirnar.              Vika 44