fríggjadagur 3. november 2006síða 18

18 Nr. 213 - 3. november 2006 tíðindi Kontórmenn til New York Marathon Tað var fyri 25 árum síðani, at nakrar kvinnur í Svensk Røde Kors byrjaðu at binda og seyma til børn. Húgvur, troyggjur, kjólar og annað, sum varð latið børnum í fátæka partinum av okkara alheim samfelag. 5 ár seinni byrjaðu tey í Dans Røde Kors hetta sama og kallaðu hetta slag av virksemi fyri “Nørklere”. Í dag eru umleið 5.000 nørklarar í Danmark. Í Reyða Krossi Føroya byrjaðu vit fyri nøkrum mán­ aðum síðani undir heitinum “PUTLARAR”. Vit binda, hekla og seyma barnaklæði: undirtroyggjur, undirbuksur, troyggjur kjólar, buksur, teppi, hosur, húgv­ ur o.a. Uppskriftirnar hava vit fingiðfrá donsku deildini, sum eisini savnar lutirnar saman, pakkar teir, og sendir teir víðari. Tíverri, kunnu vit siga, er tað alt ov nógva staðni brúk fyri hesum virkaðu barnaklæðunum, skulu tey yvirliva nátturuvanlukkur, kríggj, fátækradømi og aðrar ræðu­ leikar, sum er gerandisdagur hjá alt ov nógvum børnum. Hevur tú tógv liggjandi og hug til at verða við, so ger tað. Uppskriftirnar fært tú frá okkum. Vit hava eisini eitt sindur av tógvi. Stikkan í Havn stuðlar Reya Krossi við at lata uppskrift og tógv til eitt plagg fyri einans 15 kr. Vilt tú vita meira, kanst tú ringja til Annu Margretu Clementsen tlf. 319095, Marit Holm Petersen tlf. 220885 ella Annu Mariu Persson tlf. 317070 ella 227605. Putlarar Jógvan Páll Lassen og Henry Olsen eru í løtuni í New York, har ið teir skulu renna maraton sunnudagin. Talan er um hitt heimskenda "New York Marathon". Teir báðir halda, at rørsla er týdningarmikil, tá ið tú hevur eitt kontórarbeiði RENNING Orð & mynd: Heini S. Kristiansen heinik@sosialurin.fo Jógvan Páll Lassen er ad­ vokatur. Hann er úr Klaks­ vík, men er fluttur til Havn­ ar. Henry Olsen arbeiðir sum deildarstjóri á Trygg­ ingarfelagnum Føroyar. Hann er somuleiðis klaks­ víkingur, sum býr í Havn. Teir renna sjálvir rætti­ liga fitt. Henry byrjaði veruliga at renna fyri hálv­ um fjórða ári síðani. Tá var hann við til flagdags­renn­ ingina. Hetta gav honum veruliga blóð uppá tonnina, og hann hevur luttikið í nógvum kappingum síð­ ani. – Áðrenn hugsaði eg, at tað var als ikki áhugavert at renna. Men eg bleiv bitin av tí. Eg hevði eisini fingið eitt sindur ov nógv kilo uppá, áðrenn eg fór at renna. Tað er so alt farið av nú, sigur Henry. Kappingarmenniskja Henry luttekur í nógvum rennikappingum, og hann kennir tað sum eina gularót at renna saman við øðrum. – Kappingin ger tað spennandi. Tú setir tær eitt mál, sum tú vilt náa, og so seta eitt hægri seinni. Tú fært motión og spenning í einum, sigur Henry. Jógvan Páll Lassen er granni hjá Henry Olsen. Honum dámar eisini sera væl at renna. Hann rennur ikki til kappingar, men hann rennur nógv einsa­ mallur. – Eg renni einar 2-5 ferð­ ir um vikuna. Tað góða við renning er, at tú kanst íðka tað, nær tað skal vera. Mítt starv er sera krevjandi, og tí kann eg ikki vera bundin at føstum tíðum. Tá er tað deiligt at kunna leypa avstað áðrenn arbeiðstíð ella tíðliga um morgunin, sigur Jógvan Páll. 37.000 luttakarar Teir hava roynt at komið við til New York Marathon í trý ár. Hesa ferð eydnaðist tað. – Tað verða umleið 37.000 luttakarar í renn­ ingini. Eini 200.000 - 300.000 senda umsókn um at sleppa við, so vit vóru hepnir at sleppa við. Teir eru báðir samdir um, at eitt maraton er tað hægsta innan renning, og New York Marathon er tað kendasta í heiminum. Henry hevur gjøgnumført tvey maraton áðrenn, meðan Jógvan Páll ikki hevur runnið maraton enn. – New York Marathon er tað ultimativa. Fólk úr øllum heiminum renna við, og býurin er fantastiskur! Vit koma at renna ígjøgnum allar fimm býarpartarnar í New York, siga teir báðir. Uppliva New York Teir báðir eru ótrúliga spentir uppá hesa ferðina. Teir ætla at samantvinna ítrivið við eina feriu, har ið teir fara at uppliva New York. Prátið fer at snúgva seg um renning og motión hjá fólkum, sum hava kon­tór­ arbeiði. Teir eru báðir samd­ ir um, at tað er sera sunt hjá fólki at hava ein akti­ vitet. – Eg kenni meg nógv betri fyri, tá ið eg fari til arbeiðis, um eg havi runnið. Eg fái meira yvirskot og fái betri konsentrerað meg. Tú fært ein betri svøvn og verður minni pirriligur, sigur Henry og flennir. Stuðla rørslu Teir halda báðir, at tað hevði verið eitt gott hugskot hjá fyritøkum at stuðla starvsfólkunum í at halda seg í form. Tað nýtist ikki at vera renning. Men til lívsstílin hja Henry og Jógvani Páll riggar renning best. – Vit fáa samantvinna renning og náttúru­upp­liv­ ilsi. Eg elski at renna nýggj støð, har ið eg kann síggja flottu náttúruna, sigur Jógvan Páll. – Renning er gott fyri sálina. Tú fært eisini tíð til at lurta eftir kjakinum í útvarpinum, meðan tú rennir. Umboða kontórfólkini Teir báðir fara við gott mót til maraton í New York. Jógvan Páll ætlar sær at gjøgnumføra, meðan Henry ætlar at betra sítt egna met, sum er 3 tímar og tveir minuttir. – Vit kenna tað, sum at vit umboða kontórfólkini. Vit vóna veruliga, at fleiri fara at hugsa um heilsuna og fara at motiónera, sigur teir báðir at enda. Teir skulu renna sunnu­ dagin, og teir hava lovað at venda aftur til Sosialin við góðum tíðindum. Spurn­ ingurin er bara, um teir fara at renna við slips ella uttan? Aftur í ár verður støra sølustevnan í ítróttar­ høllini á Skála. Tað er eins og undanfarin ár fýra feløg, sum skipað fyri sølustevnuni, sum verður nevnd Sølurásin 2006. Talan er um STÍF, Skála Ítróttarfelag, Skála Róðrarfelag og Strálan. Aftur í ár verða nógvir framsýnarar, og fyri­reik­ ararnir vænta nógvar gestir. Sosialurin støkk inn á gólvið í ítróttarhøllini á Skála, har ið teir gjørdu klárt til Sølurásina. Tað er ein rúgva av sjálv­ bodnum arbeiði, sum verður gjørt at leggja gólv á og at seta básarnar upp millum annað. Alt vanligt virksemi í høllini, so sum hondbólt­ ur og innandura fótbóltur, varð avbrotið hósdagin, tá ið teir byrjaðu at gera klárt til Sølurásina. Sølurásin 2006 Henry Olsen og Jógvan Páll Lassen eru í New York. Teir skulu luttaka í New York Marathon sunnudagin Sjálvboðin gera klárt til Sølurásina á Skála, sum verður í vikuskiftinum Mynd: Heini S. Kristiansen