mánadagur 6. november 2006síða 18

18 Nr. 214 - 6. november 2006 tíðindi SAMBAND Jákup Mørk jakup@sosialurin.fo ítróttur »Samanlagt hevur eingin gjørt tað betri enn Ferguson« Arsene Wenger, Arsenal-venjari, um starvsfelagan í Manchester United Teir 98 fimleikararnir hjá Støkk skiftu búna hópatals ferðir lítla korterið, sum teirra framsýning vardi. Íalt vórðu 40 ymiskir búnar nýttir, og gevur hetta eina góða mynd av tí arbeiði, sum liggur handan framførslurnar á Fimleikafagnaðinum Fimleikur Jákup Mørk jakup@sosialurin.fo Úti við 40 ymisk snið av búnum skuldu seymast, áðrenn tey í Støkk vóru til reiðar at hava sína fram­ førslu á Fimleika­fagn­aði­ num. Flestu av búnunum skuldu eisini gerast í nógv­ um eintøkum, so alt í alt hevur talan verið um hundraðtals búnar, sum skuldu seymast. – Búnarnir eru jú ein stórur partur av fram­sýn­ ingini, so tað er heilt víst nakað, sum vit leggja stóran dent á. Og tað er eitt veldugt arbeiði, sum er gjørt fyri hetta. Nevnd, mammur og onnur, sum onkursvegna eru knýtt at felagnum hava framt eitt ótrúliga stórt arbeiði, sum vit øll eru serstakliga fegin um, sigur Dagbjørt Sól­ heim, sum er ein av teim­ um, sum var við til at samskipa framførsluna hjá Støkk á Fimleikafagn­aði­ num. Ein fagnaður, sum Støkk vann fyri fimtu ferð, soleiðis at tær nú hava vunnið ferðasteypið, sum kappast verður um, til ognar. Drúgv fyrireiking Hóast fimleikafagnaðurin ikki er kappingarfimleikur á sama hátt sum eitt nú FM-kappingin er tað, so dylur Dagbjørt ikki fyri, at sera nógv verður lagt fyri. – Hetta er ein sera týð­an­ di partur av tí, sum Støkk arbeiðir við. Ikki minst tí Fimleikafagnaðurin er eitt tiltak, har øll breiddin í felagnum kemur til sín rætt. Sjálvt evnið, sum arbeitt verður við, fáa vit at vita okkurt um hálvt ár fyri framsýningina, og so verður arbeitt miðvíst við at leggja alt so væl til rættis, sum tað yvir høvur ber til, sigur hon. Betri sammeting Sum tað framgongur aðra­ staðni her á síðunum, so bar valið av evni hesa ferð við sær, at fleiri av fram­ førslunum gjørdust sera líkar. Men hóast hetta minkaði um variatiónina í framførsluni, so heldur Dagbjørt ikki, at hetta bara var keðiligt. – Á ein hátt haldi eg, at hetta ger kappingina meira spennandi, tí tað gevur eitt nógv betri sammetingar­ grundarlag, tá metast skal um avrikini. – Men hinvegin skilji eg eisini væl, at tað ger alla framførsluna meira eins­ táttaða. Tá evnið er somikið ítøkiligt, so snúgva nógvar framførslur seg um somu evni og somu eyðkenni, og tað er kanska eitt sindur spell. Steypið í føðingardagsgávu Orðið fagnaður og tað at nýta breiddina hava kanska hug at minka eitt sindur um kappingarelementið í fagnaðinum, um sammett verður við aðrar kappingar. Men tá eitt steyp er at vinna, so vilja øll sjálvandi gera sítt ítarsta, og Dagbjørt dylur ikki fyri, at tað er stuttligt hjá felagnum at tey nú eiga steypið til ognar. – Sjálvt steypið hevur ikki alt at siga. Men tað er klárt, hetta økir um spenn­ ingin fyri luttøkuni. Og nú felagið fyllir 40 ár um tríggjar vikur, so er hetta kanska eyka stuttligt í so máta. Ikki minst, tí fim­ leikafagnaðurin sum tiltak er við til at styrkja saman­ haldið og felagsandan í felagnum. Øll í felagnum hjálpa til Bodil Tausen Joan Simonsen Dagbjørt Sólheim Rannvá Troest Drita Knudsen Anita Knudsen Jenny Troest Davidsen Jóhanna Petersen Jóhanna Troest Rósa Heinesen Henny Joensen Elna Johannesen Marjun Thomassen Hansa Hansen Kirstin Hansen Katrin Fredriksberg Ann Mari R. Johannesen Jónvá Joensen Støkk- venjararnir