hósdagur 9. november 2006síða 5

Nr. 217 - 9. november 2006 5 tíðindi Samkynd og revsulógin Í kvøld, hóskvøldið 9. novembur skipar Føroyahúsið fyri pallborðsfundi um tað málið, sum øll hava havt á máli í farnu viku og gjørt sær sína hugsan um. Leingi hevur verið ætlanin at fáa hetta í lag, men nú gjørdist tað meira aktuelt enn nakrantíð áður. Ætlanin er at fáa málið um samkynd og revsilógina lýst gjølla, eins væl og hvussu hetta verður tengt upp í mannarættindi, politisk og átrúnaðarlig sjónarmið. Fundurin verður kl. 19. Við pallborði sita m.a. Sonja Jógvansdóttir, ráðgevi, Bogi Davidsen lækni og Margretha Petersen, lesandi. Flovin Eidesgaard verður fundar­ stjóri. Ókeypis e-roknskapur Aesiras Busines & Internet er ein nýggj bókhaldsskipan, sum nú kann heintast ókeypis av netinum. Felagið handan skipanina sigur, at talan er um eina kompletta loysn til fíggjarskipan, sum hartil inniheldur innbygdar internet-loysnir. Skipanin inniheldur 25 ymiskt modul, og av hesum eru tey fyrstu 10 ókeypis. Meira kann lesast um skipanina á www.aesiras.dk, har forritið eisini kann takast niður. Óli Breckmann noktaði tinglimum at fáa orðið í Løgtingi­ num og hann kallaði framferðina hjá tjóð­ veldisflokkinum ein glantrileik og eitt sirkus Løgtingið Áki Bertholdsen aki@sosialurin.fo - Óli Breckmann saboterar arbeiðið í Løgtinginum. Tað heldur Høgni Hoydal í Tjóðveldisflokkurin. Og misnøgdin við Óla Breckmann er so stór, at tjóðveldisflokkurin nú fer at klaga hann fyri løg­tings­ formanninum, Edmundi Joen­sen. Óli Breckmann sat í for­ manssætinum í Løgtingi­ num í gjár og stýrdi orða­ skiftinum, tá ið spurnar­ umfar har, har løgtingslim­ ir høvdu høvi til at syrja Løgmann og lands­stýris­ menn um alskyns viður­ skifti. Men í gjár gjørdust meiri rokaligt í Løgtinginum enn vit eru von við á okkara leiðum. Rættiligur orðadráttur tók seg upp, tá ið Høgni Hoy­dal úr Tjóðveldis­ flokkinum spurdi Løg­ mann, hvørjar búskaparligar grundgevingar eru fyri skattalættanum hjá sam­ gonguni. Men Løgmaður vildi ikki svara, tí hann metti, at spurningurin átti at verðið stílaður til Bárð Nielsen, landsstýrismann í fíggj­ar­ málum. Tað førdi so til, at sitandi Løgtingsformaður gjørdi av at geva spyrjaranum, Høgna Hoydal orðið einaferð afturat “til eitt ordiligt útfoldilsi”, sum hann málbar seg, men so skuldi orðaskiftið enda og fleiri tinglimir fingu sostatt ikki orðið. Tá ið tinglimir mutaði ímóti, endaði tað við, at sitandi Løgtingsformaður kallaði spurningin fyri glantr og hann kallaði eisini tað, sum fór fram í Løg­ tinginum fyri eitt sirkus. Høgni Hoydal gjørdi alt fyri eitt greitt, at hann ætlaði at klaga sitandi formann og ta klaguna sat hann og skrivaði í morgun. Formaðurin í Tjóðveldis­ flokkinum sigur, at tað er Edmund Joensen, sum er valdur Løgtingsformaður og tí er klagan um Óla Breckmann stílað til hans­ ara. – Talan er um ein fyri­ spurning, sum er latin Løgtingsskrivstovuni dagin fyri og góðkendur har. Tí er tað ótrúliga langt úti, at Óli Breckmann skal gera seg til dómara yvir, hvat er borðbært ella ikki. Høgni Hoydal heldur, at tað er fullkomiliga óhoyrt í einum fólkaræðiligum samfelagi, at Óli Breck­ mann brúkar formanssess­ in í Løgtinginum til bein­ leiðis at sabotera arbeiðið hjá Løgtinginum og noktar tinglimum at taka orðið. Formaður Tjóðveldis­ floksins vísir á, at arbeiðið hjá formansskapinum í Løgtinginum er at tryggja, at Løgtingið fær gjørt sítt arbeiði og skal tryggja, at verja rættin hjá tinglimum at fáa svar. – Tí kæra vit eisini um, at Løgtingsformaðurin ikki ístaðin átalar Løgmann fyri ikki at svara einum spurn­ ingi frá einum tingmanni. Høgni Hoydal sigur, at hann vil nú hava for­ mansskapin í Løgtinginum at viðgera kæruna og koma til eina niðurstøðu um, hvat er rætt og, hvat er skeivt í hesum máli. Óli Breckmann hevur onga viðmerking til málið, men vísir til sjálvan løg­ tingsformannin, Edmund Joensen. Umbering til Hans Paula Strøm Í grein í Sosialinum í gjár kom eg illa frá tí, tá ið eg umrøddi ein skriv­ ligan fyrispurning í Løg­ tinginum frá Finni Helmsdal og Bill Just­in­ ussen til Hans Paula Strøm, Landsstýrismann um Serdagsstovnin á Argjum. Í yvirskriftini stendur, at Hans Pauli Strøm verður skuldsettur fyri at siga ósatt fyri Løg­ tinginum um peninga­ nýtsluna til Serdags­ stovnin á Argjum. Tað er eitt álvarsmál og tað er heldur ikki rætt. Tað, sum spyrjarnir siga í fyrispurninginum, er, at Hans Pauli Strøm hevur upplýst skeiv tøl í Sosialinum og tí vilja teir hava hann at greiða Løgtinginum frá, hvussu tað ber til. Nú, aftaná, gerst ikki annað enn at rættað mis­ takið og at biðja lands­ stýrismannin um um­ bering. Men fyri at tað skal vera heilt greitt, skal eisini upplýsast, at tað er ikki rætt, tá ið Finnur Helmsdal og Bill Justi­ nussen siga í fyrispurn­ inginum, at tað var Hans Pauli Strøm, sum kom við nevndum upp­lýs­ ingum um peninga­ nýtsluna hjá Serdags­ stovninum, tí upplýs­ ingarnar høvdu vit frá Almannastovuni. Áki Bertholdsen, blaðmaður Tjóðveldisflokkurin klagar Óla Breckmann Hetta var ikki nóg gott Edmund Joensen, løgtingsformaður, heldur, at tað, sum fór fram í Løgtinginum mikudagin, varð ikki nóg gott Løgtingið Áki Bertholdsen aki@sosialurin.fo – Tað, sum hendi í Løg­ tinginum mikudagin, var ikki nóg gott. Edmund Joensen, Løg­ tingsformaður heldur, at Óli Breckmann, sum sat í formansætinum í Løg­tingi­ num ein part av miku­deg­ num, hevði ikki eina nóg hepna hond, tá ið Høgni Hoydal spurdi løgmann um búskaparliga sjónarmiðið fyri skattalættanum. Sí greinina omanfyri. Men hann vit ikki út­ greina hetta nærri. Hann sigur, at tá ið klagan frá Tjóðveldis­ flokkinum kemur, verður hon viðgjørd og eitt svar skrivað. Annars føldi Edmund Joensen sjálvur, at tað var neyðugt at geva løgtingi­ num, landsstýrinum og Løgmanni eina áminning sum, hvussu farast skuldi fram í sambandi við munn­ ligar fyrispurningar. Hann staðfesti, at spurn­ ingar skulu verða stuttir og greiðir og at summir spurningar, ið settir vóru fram, vóru óegnaðir til ein munnligan spurning, tí teir vóru so umfatandi, men áttu heldir at verið settir skrivliga. Hinvegin vísti hann eisini á, at landsstýrismenn og Løgmaður eiga at biðja um at fáa spurningar skrivliga, tá ið teir meta, at teir eru ov umfatandi. Annars staðfestir Løg­ tings­formaðurin, at eftir ting­skipanini hava tinglim­ ir fullan rætt at seta spurn­ ingar. – Men Løgtingið er ein politiskur pallur og tí er mangan nógvur politikkur í spurningunum, men tað er ein fullur rættur hjá ting­ limum, tí soleiðis er tingskipanin.