týsdagur 14. november 2006síða 4

4 Nr. 220 - 14. november 2006 tíðindi Fyritøkan Farex hevur selt fisk kring allan heimin síðani 1997. Men teir hava eisini havt eitt stórt ynski um at skapa nakað á føroyskari jørð, í hjartanum í høvuðsstaðnum. Ein av hesum ætlanum er ein bygningur við 30 íbúðum, sum bert eru ætlaðar eldri fólki. Og sum skilst er áhugin fyri hesi byggingini ovurhonds stórur, hóast ætlanin ikki verður alment kunngjørd fyrrenn í Sosialinum ídag! Eldraíbúðir Snorri Brend snorri@sosialurin.fo Havn: – Hetta skal verða eitt stað og eitt hugnaheim, har fólkini fara at trívast og sum tey siga um: - Her vil eg verða!, sigur Rói Egholm, stjóri í Farex. Hann og aðrir hava í eina tíð arbeitt við eini serstakari og forvitnisligari ætlan: At byggja ein íbúðarbygning við 30 íbúðum og í fimm hæddum mitt í Havnini til teir eldru borgararnar. Bygningurin kemur at liggja við R. C. Effersøesgøtu, har stuttur teinur er til handlar, skrivstovur og fríøki í høvuðsstaðnum. – Nógv kjak hevur verið um tørvandi íbúðartilboð til teir tilkomnu borgararnar. Tað er tí í hesum kjalarvørri, at vit ynskja at geva hes­um ættarliðinum ein valmøgu­ leika. – Hesin møguleikin skal vera, at tey kunnu fara úr sínum trygga heimi, sum nú er vorðið bæði ov stórt og ov trupult at halda viðlíka. Ístaðin fáa tey eina rúmliga íbúð, sum verður gjørd úr dygdargóðum tilfari og sum liggur mitt í hjartanum í Havn, sigur Rói Egholm við Sosialin. Tað er felagið KRK-Holding sum stendur fyri byggingini. Ætlanin er væl fyrireikað, og verður í løtuni bíðað eftir endaliga byggiloyvinum. Frá tí degi hetta fyriliggur, fara at ganga gott hálvtannað ár til bygningurin er liðugur. Byggingin fer at kosta um 70 mió. kr., men einki verður kortini sagt um, hvat tann einstaka íbúðin fer at kosta. Nýskapandi umhvørvi Menninir aftanfyri KRK- Holding hava arbeitt leingi við hesi ætlanini. Ynskið teirra var – og er – at alt skuldi vera greitt úr hondum, tá ætlanin varð løgd fram. Teir heittu á danska arki­ tekta­felagið ONV um at loysa hesa uppgávuna út frá nøkrum fortreytum, sum teir sjálvir settu. Í hesum treytum varð m.a. sagt, at bygningurin skuldi hava eitt snið sum hóskaði inn í verandi umhvørvið. Hann skuldi haraftrat vera nýskapandi, samstundis sum henda kenda havnarmyndin við tí stóra urtagarðinum skuldi varðveitast. Hesa uppgávuna loysti fyri­tøkan somikið væl, at føroyska felagið fór und­ir at fyrireika eina um­sókn til byggi- og býarskip­anar­ nevndina í Havn. Umsóknin um ætlaðu bygg­ ingina varð send býráðnum í august mánaði. Hagani er einki endaligt svar komið enn, hóast Rói hevur skilt at teir eru positivt sinnaðir fyri ætlanini. Vakrasti bygningur Tað er tó ikki bert innan komm­unalu umsitingina í Havn at stórur áhugi er fyri ætlanini: Hóast einki alment hevur verið sagt um hesa fyrrenn innihaldið í hesi greinini nú er vorðið kunn­ ugt, er líkt til at stórur tørvur er á eini slíkari loysn. – Tað er í heilum at fólk ringja til okkara og spyrja seg fyri. Og hetta hendir hó­ast vit higartil ikki hava sagt nakað alment um bygg­ ingina. – Ja, tað er næstan ikki dagur at ikki onkur er í telefonini og spyr um hetta, sigur Rói Egholm. Teir eru farnir undir hesa ætlanina við tí í huga at geva teimum eldru borgarunum í høvuðsstaðnum ein val­ møgu­leika og eitt tilboð um hóskandi íbúðir sum liggja miðskeiðis í býnum. Hetta skal gerast eitt virði fyri býin, tí, sum teir siga: – Hví kunnu vit ikki eisini veita Tórshavnar kommunu eina hjálpandi hond?! Hjálpandi hondin er hon, at teir við ætlanini fara und­ ir at útvega teim­um eldru borgarunum í Havn møgu­ leikan fyri eini vala íbúð – ikki eini marg­lætisíbúð! - í einum umhvørvi, sum tey kunnu trívast í. – Okkara mál er at gera ein bygning, sum skal teljast millum vakrastu bygningar í Havn, sigur Rói, og vísir til modellmyndirnar av bygn­ ingi og íbúðum. 70 mió. kr. Eitt er at bygningurin sjálvur skal vera vakur. Tær 90 fermetrar stóru íbúðirnar verða eisini væl og praktiskt innrættaðar við køki og stovu í einum, eins og rúmligum baðirúmi og kømrum. Enn er eingin kostnaður ásettur fyri ta einstøku íbúð­ina. Byggingin kemur helst at tátta í tær 70 mió. kr., men sum skilst eru før­ oyskir fíggingarstovnar sera áhugaðir í at vera við í fíggingini av byggingini. Nýtt hugnaheim í Ein havnar- m­ynd og onnur Nógvastaðni kring land­ið verður í dag tosað um tørvin á ellis­ heimum, sambýlum og eldraíbúðum. Henda ætlanin mitt í høvuðsstaðnum er eitt eindømi í so máta, og ein ætlan sum somu­ leiðis kann verða brúkt aðrastaðni kring land­ið – og helst eisini í granna­ londum okkara eisini. Ætlanin er hinvegin serstøk, tí hon verður uttan iva ein havnarmynd, sum fólk fara at tosa nógv um í framtíðini. Henda kemur ístaðin fyri ta gomlu havnar­myndina, sum tey bæði stóru húsini við R.C. Effersøesgøtu hava verið fyri fólk í mong ár. Í arbeiðinum hava teir í KRK-Holding tí havt sum aðalmál, at hes­in bygningurin við sín­um fimm hæddum ikki skuldi ørkymla aðra bygging ella umhvørvið í miðbýnum. Til tess at røkka hesum máli kemur hugnaheimið at fylgja landslagnum upp móti tí vakra blettinum, har Kongaminnið stendur. Vakri urtagarðurin framm­anfyri verandi bygningar skal varðveitast og bilarnir koma inn av Gripsvegi og skulu standa aftanfyri bygningin. Óhugsandi er ikki, at ein í framtíðini fer at kunna skapa eitt vakurt umhvørvi niðan móti Kongaminninum, soleiðis at ein her fær skapið av einum grasagarði ella eini lund. Her verður hugsað um umhvørvið, og ynskið um at skapa eitt veruligt bústaðarumhvørvi fyri eldri havnarborgarar.