týsdagur 14. november 2006síða 12

12 Nr. 220 - 14. november 2006 Í døgunum 11.-15. september 2006 skipaði Tilhaldið í Tórsgøtu fyri fyri skeiði í horn og træhondverki. Tað var kendi grønlenski listamaðurin og politikarin Thue Christiansen, sum undirvísti á skeiðnum Skeið Myndir: Tilhaldið Kendi grønlenski lista­mað­ urin og politikarin Thue Christiansen undirvísti í døgunum 11.-15. sep­tem­ ber á skeiði í horn og træ­ hondverki í Tilhaldinum í Havn. Thue Christiansen er 66 ár gamal. Hann er útbúgvin lærari og hevur arbeitt sum lærari bæði í Danmark og mong ár í Grønlandi. Hann er eisini kendur pol­itikari, og var hann t.d. landsstýrismaður í fyrsta grøn­landska landsstýrinum, eftir at Grønland fekk heima­ stýri í 1979. Sum listamaður hevur hann teknað grønlenska flagg­ið og gjørt búmerkir til fleiri fyritøkur og stovnar. Hann er giftur við Katrin Jensen, sum er donsk men av føroyskari ætt. Fyrsta dagin varð far­ ið niðan í Brekkutún á Forn­ minnisavnið, at fáa íblástur og hugskot til eitthvørt at evna til. Á myndunum sæst at rættiliga væl kom burtutúr, hesar fimm dagarnar. Skeiðið endaði við at skeiðlutakarnir tóku sam­a n­ um. Ein av niður­støð­unum var, at eitt tílíkt skeið var vert at endurtaka. Møguliga við øðrum tilfari. Ein fram­ sýning var eisini, har fólk høvdu høvi at síggja hvat skeiðluttakarnir høvdu evn­að til úr horni og træi. Myndirnar tala fyri seg. Her skortar ikki hugflog. Thue Christiansen í Tilhaldinum Í september hevði grønlenski listamaðurin og politikarin Thue Christiansen undirvísing í horn og træhondverki í Tilhaldinum. Her leggur hann Hendriki Rubeksen lag á Jákup Lindenskov, formaður í stýrinum fyri Tilhaldið, og Wanja Petersen, dagligur leiðari á Tilhaldinum Thue Christiansen er 66 ár gamal og útbúgvin lærari Pauli Vang ger prýðislutir Skeiðluttakarar práta saman