týsdagur 14. november 2006síða 13

Nr. 220 - 14. november 2006 13 Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. nøvn SAMBAND magnus gunnarsson maggi@sosialurin.fo tlf 341800 fax 341801 Dagurin 15. november. Leopold, deyður í 1136. Greivi í Eystur­ ríki, sum varð skírdur halgimenni fyri mongu góðgerðir sínar og fyri tær kirkjur og kleystur hann læt byggja. Hann umkomst á eini veiðuferð. Navnið kemur av týska orðinum fyri fólk og djarvur. Hósdagin 16. november fyllir Daniel Peter Næs í Nesi í Hvalba 90 ár. Dánial er elstur av børnunum hjá Poul og Atu (f. Simonsen úr Sandavági), sum búðu undir Lítahamri í Nesi, Hvalba. Foreldrini bæði náddu høgan aldur, Poul bleiv 100 ára gamal og Ata bleiv 91 ára gomul. Dánial giftist í 1949 við Kirsten, sum er ættað úr Ribe. Tey búsettust í Nesi og fingu tey fýra børn, Poul Laust (doyði av sjúku í 1970, bert 19 ára gamal), Margrethe sum býr á Argjum, Mona sum býr í Hvalba, og Linda sum býr í Keypmannahavn. Abbabørnini eru 6 og langabbabørnini eru 5. Dánial var við sluppini “Ørvingurin” í 1932 og 1933 í Grønlandi. Ørvingurin hevði onki stýrihús, hevði tó ein 40 hesta motor. Var eisini til fiskiskap við sluppunum “Falkurin”, “Vestmanna” og “Frida”. Dánial tók stýrimansprógv á Torshavn Navigationsskole í 1941. Tá ið Lincoln City bleiv bumbað og sakk á Havnarvág, var Dánial ein teirra, sum í skundi drógu bát, fyri at fara út at bjarga manningini. Hann sigldi nakað undir krígnum við sluppini “Borglýn” úr Trongisvági. Restina av krígnum arbeiddi hann í kolinum. Var við trolaranum Drátti og Vágs sluppini City fram til 1950. Var so í nøkur ár við kolabátinum Skarvasteini. Síðani við línubátinum Ranafossi og trolaranum Leivur Øssursson. Í 1975 fór Dánial út at sigla við Copen­hagen Reefer. Hann gavst at sigla í 1986, næstan 70 ára gamal. Dániel sat í bygdaráðnum í Hvalba í 8 ár. Daniel Peter Næs 90 ár 16. november Fríggjadagin 10. november var móttøka á Føroya Barna­ heimi í sambandi við at Laura Poulsen hevði arbeitt á stovninun í 30 ár. Laura, sum er ættað úr Klaksvík, byrjaði at ar­beiða á Barnaheiminum í 70-unum, áðrenn hon fór til Danmarkar at lesa til pedagog. Eftir lokna útbúgv­ ing kom hon aftur á Barna­ heimið at arbeiða. Barnaheimið er býtt upp í Familju - og Ungdómsdeild, og Laura hevur seinastu árini arbeitt á Ungdómsdeildini. Av núverandi starvsfólkunum er Laura tann sum hevur verið longst á stovninum. Laura Poulsen, Hoyvík: 30 ára starvsdag á Føroya Barnaheimi Laura Poulsen Á myndini er Laura saman við starvsfólkunum á Føroya Barnaheimi. Aftara rað f.v.: Rannvá Jacob­sen, Sólvá Jacobsen, Tine Lyager, Ingunn Ejdes­gaard, Karina V. Jensen, Ingi Hansen, Egil Rasmussen, Kristvør Hentze (reingerðarfólk), Durita Petersen, Torgerð Dam, Gitte Samuelsen, og Brynhild M. Joensen (deildarleiðari á Familjudeildini). Fremst f.v.: Marita G. Hansen, Djóni N. Joensen (deildarleiðari á Ungdómsdeildini), Laura Poulsen, Beinta Johannesen (leiðari á Føroya Barnaheimi), og Frida J. Dam. Elith Hammer (húsavørður), Annika R. Olsen (skrivstovufólk) og Elsa Vest vanta á myndini Mynd: Jens Kristian Vang