týsdagur 14. november 2006síða 6

6 Nr. 221 - 15. november 2006 tíðindi – Tað er næstan ikki dagur, at ikki onkur steinur ligg­ ur á hesum vega­ strekkinum, sigur Petur Eikholm, økis­ formaður hjá Lands­ verki í Streymoynni Ferðsla Orð & myndir: Snorri Brend snorri@sosialurin.fo Tjørnuvík: Tað er ein van­ligur seinnapartur, ein sunnu­dag seinast í oktober mánaði í ár. Við ferð er ein stórur klett­ ur á veg oman Líðina og útá landsvegin, sum tjørnu­ víkingar hava sum einastu farleið sína við umheimin. Klokkan er 16:30 henda sunnudagin 29. oktober 2006, tá løgreglan ringir til økisformannin, Petur Eik­ holm í Hvalvík. Í telefonini greiða teir honum frá, at fólk í Tjørnu­ vík hava boðað frá einum ógvuliga stórum kletti. Hes­ in var farin niður á vegin, hevur síðani brotið bil­ verjuna og lá nú niðanfyri vegin. - Tað er sjáldan at soo stórir steinar koma oman á vegin. Men hesin, - hes­ in var rættiliga stórur, helst eini 15 tons tungur, sigur Petur Eikholm við Sosialin. Royndirnar vísa, at serliga nógv grót kemur á vegin, tá frost verður avloyst av nógvum regni. – Slíkar dagar er altíð grót á vegnum, sigur hann. Altíð steinar Eitt av arbeiðsøkjunum hjá monnunum, sum til dagliga arbeiða hjá Landsverki, er at tryggja at fólk kunnu sleppa til og frá heimbygdum sín­ um. Fyri íbúgvararnar í Tjørnu­vík er hetta eisini av av­ger­andi týdningi. Uttan hetta vegasambandið var eingin annar møguleiki fyri at kunna fara til arbeiðis, skúla ella annað á øðrum staði. Skipanin hjá Landsverki hevur tí verið, at teir koyra til bygdirnar í økinum fyri at vita, hvussu koyrilíkindini eru. – Vit hava ta skipan, at hava vit minsta ánilsi av at kuldi ella hálka eru í luftini, so leggja vit til brots, ofta longu kl. 5 um morgunin. – Her hyggja vit eftir, hvussu líkindini eru. Og er neyðugt at salta vegirnar, so kunnu vit byrja tað arbeiðið beinanvegin, tí bilurin hevur eina saltbússu við sær, greiðir Petur Eikholm frá. Annars verður farið hvønn einasta morgun til Tjørnu­víkar fyri at vita, um nakað grót er dottið niður á vegin. – Satt at siga, so er altíð onkur steinur at síggja á Tjørnuvíkarvegnum, sigur hann. Onnur støð Hóast hesar umstøðurnar hjá tjørnuvíkingum so metir Petur Eikholm ikki at henda farleiðin er vandamiklari enn aðrar líknandi farleiðir. Hann hugsar her um um­støðurnar sum m.a. við­ ing­ar, skælingsfólk, dal­ bing­ar og onnur fólk á eyst­ ur­síðuni á Sandoynni liva undir dagliga. Sjálvur fekk Petur ein rættiliga stóran stein á sín egna bil fyri nøkrum árum síðani. Hetta var ikki á sjálvum Tjørnuvíkarvegnum, men longur suðuri millum Hal­ dórs­vík og Langasand, nær­ hendis Fossá. Steinur tók í kúfangaran, men gjørdi annars ikki ov stóran skaða. Tað er eingin orsøk at vera bangin fyri at koyra her. Men ein skal sjálvandi hava størstu respektina fyri hesum vegastrekkjum, verður víst á. Hegna fyri gróti Nógvar loysnir hava verið frammi um, hvat gerast skal við Tjørnuvíkarvegin. Nógv ynskja sær helst ein tunnil. Eins og víst varð á í Sosialinum mánadagin hevur uppskot um tvær ym­iskar tunnilsloysnir ver­ ið frammi. Ein heilt onnur loysn, sum menn hava góðar royndir við í grannalandi okkara, Noregi, er eitt serstakt hegn at festa á støð, har nógv grót kemur oman. Hetta er sjálvandi ein kostnaðarmikil loysn, men áhugi er kortini fyri at royna hetta hegnið á Tjørnu­ víkar­vegnum. Mett hevur verið, at hetta vegastrekkið er mest hósk­ andi til eina slíka loysn, og tí koma menn úr Noregi at seta eitt slíkt hegn upp longu í vetur ella komandi vár. Teir hjá Landsverki fara sjálvandi at luttaka í hesum arbeiðinum. So kunnu teir so líðandi sjálvir læra seg, hvussu ein kann seta slík hegn upp á øðrum støðum, har tað er neyðugt. Hesa seinastu tíðina hava vit varpað ljós á umstøðurnar hjá tjørnu­víkingum at sleppa av bygdini. Vit hava tosað við bygd­arfólkið og hava hugt eftir onkrum fyrispurningi, sum hevur verið um hetta vegastrekkið fyri nøkrum árum síðani. Í dag tosa vit við økis­formannin hjá Lands­verki. Í einum komandi blaði tosa vit við Heðin Zachariassen, sum bæði er borgarstjóri fyri Tjørnu­vík og løg­tings­ limur í økinum. Hansara partur ligg­ur ikki eftir, tá talan er um at bøta um ferða­viðurskiftini hjá tjørnu­víkingum. Ein skal hava virðing fyri Tjørnu­­­víkar­ vegnum Ein slíkur steinur kann gera stóran skaða. Tað hendi tíbetur ikki hjá Peturi Eikholm, økisformanni hjá Landsverki. Hann fekk henda steinin í kúfangaran ein dagin, hann koyrdi við Fossá 15 tons tungi steinurin hevði brotið fyri seg, tá hann fór út av vegnum. Teir hjá Landsverki vóru skjótir at umvæla skaðan á bilverjuna Hvat sigur politikarin? Bjóða seg fram Tey samkyndu halda, at rættarnevndin hjá Løgtinginum eigur at hava tey við, tá nevndin fer at viðgera uppskotið um at veita teimum samkyndu vernd í revsilógini. Umboðini fyri tey samkyndu skulu vera føroyingar, og eru eingi samkynd í Føroyum til reiðar at vera við í viðgerðini, eru Bogi Dánjalsson Davidsen og Sonja Jógvansdóttir, sum búgva í Danmark, sinnað at koma til Føroya á fund við rættarnevndina. Styðja uppskotið Arbeiðskvinnufeløgini í Havn og í Klaksvík vilja hava Løgtingið at samtykjja uppskotið hjá Tjóðveldisflokkinum um at broyta lógina um barsilsskipanina. Í einari áheitan á Løgtingið siga feløgini, at tey tóku undir við barsilsskipanini, tá hon kom, tí hon bøtti munandi um umstøðurnar hjá nýføddum børnum og foreldrum teirra. Uppskotið hjá Tjóðveldisflokkinum fer at gera skipanina uppaftur betri, og tí taka feløgini undir við tí.