týsdagur 21. november 2006síða 18

18 Nr. 225 - 21. november 2006 vinnusíðurnar – Vit hava søkt Leir­ víkar kommunu um byggiøki til eitt nýtt fiskavirki, men treytin fyri at byggja, er, at vit sleppa av við gamla virkið, sigur Jóan Magnus Rasmussen, stjóri í Tavuni Fiskavirking Vilmund Jacobsen vilmund@sosialurin.fo Fiskavirkið Tavan í Leirvík eigur bygningarnar á leig­ aðari grund, sum virkið hús­ast í á havnalagnum í Leirvík. Hetta er gamla fiskavirkið Frost, sum enda­ liga læt aftur í september mánaða 1993. Frost var eitt av teimum gomlu fiskavirkjunum, men syðsti og nýggjasti parturin av bygninginum er bygdur seinast í áttatiárunum og er soleiðis nógv nýggjari enn virkið annars. Umhugsa bygging – Jú, vit umhugsa at byggja okkum eitt nýtt fiskavirki, men hetta letur seg neyvan gera, fyrr enn gamla virkið hjá felagnum er selt. Tað sigur Jóan Magnus Rasmussen, stjóri í Tavuni, sum í summarhálvuni virkar gulllaks og í vetrarhálvuni upsa. Hann váttar, at Tavan seint í summar søkti Leir­ víkar kommunu um byggi­ øki til nýtt fiskavirki, men umsóknin er treytað av, at gamla virkið verður selt. Stjórin sigur, at møgu­ leikarnir á gamla virkinum eru avmarkaðir, og nú lands­ vegur skal byggjast beint omanfyri virkið, metir hann, at møguleikarnir ger­ ast uppaftur verri. Leiðslan á Tavuni vendi sær í góðari tíð bæði til kommunalu mynd­ug­ leikarnar og lands­mynd­ug­ leikarnar, tá ið róð varð uppundir at leggja nýggja landsvegin frá Norð­ oyartunlinum beint oman fyri Tavuna. Felagið metti, at við ong­ari lokarennu fór ein landsvegagerð so tætt upp at virkinum at avmarka møguleikarnar at útbyggja og soleiðis nútímansgera virkið. Norðanfyri Kjartan – Vit kundu hugsað okkum eitt meira nútímans virki – í fyrsta lagi við betri møguleikum til meirvirking, bæði av upsavørum og gull­ laksavørum. Men hesir møguleikar verða munandi skerdir, nú landsvegurin kem­ur at liggja so tætt uppat okkum, sigur Jóan Magnus. Leirvíkar kommuna hev­ur fylt eitt meira enn 6000 fermetra stórt øki upp norðanfyri fiskavirkið hjá Kartani Joensen, og tað er her, at stjórin í Tavuni kundi hugsað sær, at nýggja virkið hjá felagnum kemur at standa. Tavan hevur í fyrsta lagi bjóðað kommununi at keypa gamla virkið, og kommunan hevur í fyrstu atløgu vent sær til Landsverk við fyrispurningi um, hvørt stovnurin hevur áhuga í at keypa virkið, eitt nú fyri at geva nýggja landsvegnum eina betri linjuføring. Jóan Magnus Rasmussen sigur seg hava skilt, at Landsverk ikki er serliga positivt í spurninginum um keyp, soleiðis at felag­ ið kann fáa betri um­støður longur norðuri á havna­ lagnum. Hann heldur, at sleppur Tavan ikki burtur úr verandi virki á líkinda hátt, tykjast ætlaninar um nýbygging ikki so nærliggjandi. - Landsverk skal loysa uppgávuna við nýggja lands­vegnum fyri 40 mió krónur, og við hesi upphædd trúgvi eg neyvan, at vit í Leirvík kunnu vænta at fáa meira enn eina vánaliga vegaloysn, heldur stjórin. Í einum plani Jóan Magnus Rasmussen sigur, at fyri Tavuna hevði tað heilt avgjørt verið tann besta loysnin at bygt eitt nýtt og nútímans fiskavirki. - Bygningarnir, sum vit eiga á havnalagnum, eru meira og minni ótíðar­ hóskandi, og tað er serliga í endanum av virkinum til lidnu vørurnar, har virkið er smalt, og umstøðurnar eru trongar. Hann sigur, at leiðslan á Tavuni serliga kundi hugsað sær betri umstøður til meir­ virking av fiskavørum, bæði upsa og gulllaksi. - Vit kundu hugsað okk­ um at gjørt meira við lidnar vørur og lidnar rættir av ymiskum slagi, sigur stjór­ in. Hann heldur ikki, at neyð­ ugt er við einum nógv størri virki enn verandi virki, men hann kundi hugsað sær, at fermetrarnir vóru í einum plani. - Vit hava teknað skitsur av einum nýggjum virki, og møguleikarnir at byggja virksemi upp eftir okkara Leirvíkingar ætla at byggja nýggja Tavu Tavan umhugsar at byggja nýtt fiskavirki á økinum norðanfyri virkið hjá Kjartani Joensen, sum Leirvíkar kommuna nú hevur fylt upp Mynd: Vilmund Jacobsen Góðar vikur Hóast nótaskipini ikki fingu tann sama góða prísin fyri makrel í heyst sum í fjør, vignaðist makreltíðin hjá skipunum væl. Sambært Norðlýsinum landaðu Christian í Grótinum og Norðborg fyri 35 milliónir krónur tær tríggjar vikurnar, makreltíðin vardi í heyst. Skipini fiskaðu makrelin í norskum øki, og fiskiskapurin var góður. Tey føroysku skipini landaðu nógv tann størsta partin í Noregi, men onkur last fór til Skotlands. Lýðka tálmar oljuprísinum Stórar goymslur og lýðka í USA gera, at oljuprísurin hevur hug at fella. Í gjár fall hann eitt vet, soleiðis at norðsjóvarolja, sum skal latast í januar, fór fyri 58,6 dollarar fyri tunnuna. Í USA eru tað yvirhøvur tey fram við landnyrðingsstrondini, sum brúka nógva olju til hita um veturin, men higartil hevur tað verið lýggjari har enn um hesa tíðina í fjør. Samstundis hevur tað víst seg, at nógv olja er á goymslu í USA, og tað ávirkar eisini prísin.