týsdagur 21. november 2006síða 22

22 Nr. 225 - 21. november 2006 vinnusíðurnar Skipasmiðjan á Skála fer aftur í gamlar dagar, nú teir skulu byrja at byggja skip. Hetta handverkið vóru føroyingar kendir fyri fyrr, men nú mugu teir fáa fakkunnleika frá póllendingum. Sosialurin hevur verið á Skipasmiðjuni og loddað dýpið eina viku áðrenn póllendingarnir koma SKIPASMIÐJAN Heini S. Kristiansen heinik@sosialurin.fo Myndir: Jens Kr. Vang Á Skála eru teir í fult sving við at gera klárt til at byggja skip. Tað verður hósdagin, at teir alment fara at byrja uppá skipið. Sveisararnir úr Póllandi koma mánadagin í næstu viku. Menn hava ruddað og gjørt maskinurnar klárar til fyrstu skipabygging á Skála Skipasmiðju síðani 1988. Teistin hevur so eisini verið gjørdur á Skála, men tá bleiv skrokkurin gjørdur í Póllandi. Hesaferð verður alt gjørt í Føroyum, men póllendingar koma hendan­ vegin at hjálpa til. Skipasmiðjan byggir skip­ ið fyri P/F Thor í Hósvík, sum eigur og rekur skip um allan heimin. Talan verður um eitt veitingar skip. Tveir mans byggja einki skip Nógv hevur verið tosað um, at póllendingar koma hendanvegin og ar­beiða undir pólskum arbeiðs­sátt­ mála. Summi vilja vera við, at teir taka ar­beiði frá føroyingum. Á Skipa­ smiðjuni eru teir tó glaðir um, at póllendingarnir koma. - Tað dryppar niður á okk­ um, tá ið póllendingarnir koma hendanvegin. Uttan teir høvdu vit ikki fingið hetta arbeiðið, søgdu nakrir arbeiðsmenn við ein munn í gjár, tá ið Sosialurin fór ein túr inn á Skála. - Uttan teir høvdu vit ikki bygt nakað skip. Okk­ um manglar sveisarar og skipsbyggjarar. Vit eru ein­ans tveir lærdir skips­ byggjarar eftir á Skipasmiðj­ uni á Skála, sigur Johan Medardus, sum er formaður í byggihøllini. - Tveir mans byggja einki skip, sigur Fróði Guttesen, verkfrøðingur og heldur fram: - Vit hava tørv á teirra fakliga kunnleika. Tað kost­ ar sjálvandi nógv at hava pólendingarnar her og veita teimum hotellskip og skipa soleiðis fyri, at teir hava okkurt at gera í frítíðini. Eg skal ikki siga, at tað ikki er ein fíggjarligur vinningur í at fáa pólendska arbeiðsmegi, men í løtuni hava vit ongar føroyingar við teirra vitan, sigur Fróði. Nostalgi Johan Medardus er ein av teimum, sum hevur verið á Skipasmiðjuni sera leingi og arbeiddi eisini har, tá ið teir bygdu tað seinasta skipið í 1988. - Eg havi verið við til at bygt nøkur skip her. Hetta er ikki sørt nostalgiskt, nú vit venda aftur til gamla handverkið. Tað kennist tó sera undarligt at vera noyddur at fáa hjálp frá útlendingum til at byggja eitt skip. Vit mugu tó síggja veruleikan í eyguni. Eg vóni tó, at vit einaferð í framtíðini aftur sjálvir verða førir fyri at byggja skip, sigur Johan. Byggihøllin hevur mest sum staði í forfall síðani 1988. Nú sær hon tó snøgg út, eftir at menninir hava ruddað og riggað til. - Tað hevur tikið einar tveir mánaðar at gera alt klárt. Vit hava verið noyddir at keypa onkra nýggja út­gerð til byggingina. Nú eru vit klárir til at byrja bygg­ingina, sigur Johan. Nostalgi á Skipasmiðjuni Menninir í smiðjuni gera rør og annað klárt Teir í goymsluni eru eisini spentir til nýby Jóhan Medardus er formaður í byggihøllini 2,5 mia fyri kilo Busines-Line skrivar á netinum, at norskir granskarar nú hava funnið eitt serstakt evni í toskalivur. Evnið verður brúkt til kanningar í ílegugransking, og eydnasta at útvinna nakað av hesum, er heilt nógvur peningur at vinna. Cod Uracil-DANA N-glycosylase, sum evnið eitur, kann nevnliga seljast fyri 2,5 mió fyri hvørt grammið, so einki er at ivast í, at samanlagt ber til at forvinna stórar peninganøgdir við hesum. Amerikanar lækka rentuna Amerikanski tjóðarbankin fer helst at lækka rentuna í fyrsta ársfjórðingini komandi ár. Handilsbankin metir, at veiki amerikanski arbeiðsmarknaðurin fer at hava við sær, at rentan verður lækkað. Eisini hóast seinasta frágreiðingin um arbeiðsmarknaðin var óvæntað positiv. Enn er eingin almenn útmelding tó komin frá Tjóðarbankanum, og tí er óvist, hvørt hetta fer at ávirka europisku rentuna.