mikudagur 22. november 2006síða 11

Nr. 226 - 22. november 2006 11 Við 2. viðgerð mælir meiri­ lutin í fíggjar­nevnd­ini til at hækka ársfíggjarætlanina fyri 2007 til 590 mió. kr. Hetta er ein hækking uppá 57 mió. kr., sum kann lutast í tveir partar. Fyrri partur er hækk­ ing av rakstrinum við 7 mió. kr., hetta vísir seg at bera til út frá seinastu upplýsingunum um m.a. skattainntøkur og búskapar­ útlit. Talan er um hesar konti: Viðmerkingar til nakrar av hækkingunum: Bussleiðin Í eini roynd at tálma støðugt vaksandi ferðslu­trýstinum í kommununi og at fáa økt um nýtsluna av Bussleiðini, mælir samgongan býráðnum til, at verandi busskoyring verður ókeypis fyribils í eitt ár sum royndartíð, galdandi frá 1. januar 2007. Gluggahyljar, akvariið Í 2006 varð skjøtil settur á verkætlan at fáa kommununi eitt akvarium. Talan var um eitt privat initiativ, sum kommunan valdi at stuðla íverksetanina av. Til Ólavsvøku var akvariið so mikið liðugt, at opið kundi vera fyri almenninginum Ólavsvøkudagarnar, og und­ irtøkan var sera góð. Mett varð, at okkurt um 2.000- 3.000 fólk vitjaðu. Síðan hevur verið arbeitt við at gera akvariið liðugt. Miðað verður nú eftir at kunna taka úrvaldar skúlaflokkar inn í desember, og at hava opið fyri almenninginum í jóladøgunum og frameftir. Ætlanin er at brúka 2007 til at finna fram til eitt fastari støði fyri bæði út­reiðslum og inntøkum, so raksturin kann hvíla í sær sjálvum. Mælt verður tí til at lata Gluggahyljum eina eingangsjáttan á 400.000 kr. í stuðli í 2007. Ferðavinnan Tórshavnar kommuna hev­ ur sett sær sum mál at orða eina ferðavinnustrategi fyri Tórshavnar kommunu. Arbeiðið er komið væl áleiðis og verður vænt­andi liðugt til várs. Enda­ málið er at fáa fleiri ferð­andi til Tórshavnar komm­unu, og harvið økja um skatta­ inntøkuna hjá kommununi. Partur av hesum arbeiði er at menna ferðavinnuni í útøkjunum í Tk. Við hes­ um kann Tk bæði bjóða ferðafólki stórbýartilboð og tilboð, sum eru knýtt at nátturuni og bygda­ ment­ anini. Arbeitt verður við verkætlanum, sum bæði skulu føra til ein økt­an kapacitet innan ferða­vinn­ una, samskipa og menna tilboð, samstundis sum dent­ur verður lagdur á at góðskutryggja tilboðini. Eitt av endamálunum við arbeiðinum er harafturat at styrkja og fjøltátta tilboðini til ferðafólk í útøkjunum, samstundis sum hetta er ein roynd at gera ferðavinnuna í útøkjunum fíggjarliga burð­ardygga. KT-verkætlan Fyri at Tórshavnar kommuna kann fylgja við í tøkniligu menningini er neyðugt at nýútvega kunningartøkni. Nýútveganin snýr seg grund­leggjandi um at betra kunningartøknina í komm­ uni, so starvsfólk hava tey neyðugu amboðini til at veita borgaranum eina munadygga tænastu. Henda nýútvegan er neyð­ ug sæð í mun til data­vøkst­ urin og talið av brúkarum, sum í løtuni eru umleið 400 í tali. Við nýútveganini fær TK ein munandi effektivari rakstur av tøknini, so sum teldum og prentarum, sam­ stundis sum tænastan hjá kt-deildini gerst munandi betri, og brúkarin skjótari fær svar uppá trupulleikar og fyrispurningar. Nýút­ veganin skal eisini geva KT- deildini rúm til at kunna og undirvísa starvsfólkunum í teldum, programmum v.m. Annar partur er hækking av íløgunum við 50 mió. kr. til íalt 150 mió. kr. Ætlaði íløgukarmurin fyri 2007 er hesin: Kommunan tekur sínar skyld­ur at stimbra og menna virkis-, búsetingar- og trivnaðarmøguleikarnar í kommununi í størsta álv­ara og metir tað tí um­ráðandi at gera íløgur í skúlar, eldrarøkt, vegir, kloakkir, vatnveitingar, tyrvingar­ pláss og ítróttar- og frítíðar­ virksemi. Talan er m.a. um at upp­ raðfesta tær stóru skúla­ byggingarnar, sum hava ligið á láni í alt ov langa tíð. Hetta eru stórar íløgur, sum verða gjørdar yvir eitt lutfallsliga stutt tíðarskeið. Vit hava valt at taka eitt munagott tak, so vit fáa hesar neyðugu útbyggingar framdar, meðan ráð eru til tess. Hóast eldrarøktin er lands­ mál, noyðist Tórs­havnar kommuna, eins og aðrar kommunur, at taka stig til at byggja ellis- og røktarheim, soleiðis at okkara borgarar kunnu fáa eins góða tænastu á eldraøkinum og borgarar í øðrum kommunum í land­ inum. Víðkanin av veganet­in­ um kring landið, nú undir­ sjóartunnlar eru til bæði Vágar og Norðoyggjar, seta eisini sín dám á ferðsluna í høvuðsstaðarøkinum. Sum liður í at framtíðartryggja veganeti í Tórshavn, er tí farið undir at gera ein ytra ringveg, sum eisini verður høvuðsinnfallsvegur til høvuðsstaðin. Í hesum sambandi er kommunan farin undir eina miðvísa ætlan fyri bæði nýggjar og verandi høvuðsvegir, at binda í nýggja ytra ringvegin. Arbeiðið er byrjað, og neyðugt verður við íløgum í høvuðsveganetið í nøkur ár. Kommunan hevur ver­ ið í støðugum vøkstri í nógv ár, og hetta setir krøv til bæði vatnveiting og kloakkskipanir. Fyri fram­haldandi at tryggja borgarum og vinnulívi í komm­ununi drekkivatn við høgari góðsku, standa stórar verkætlanir til at bøta um vatnveiting og trygdarskipanir í hesum sambandi fyri framman. Kommunan ynskir at leggja enn størri dent á hetta enn tað vanliga loypandi árliga virksemi sum hevur verið higartil, og fer tí at seta munandi upphædd ir av til hetta økið á fíggjarætlanini fyri 2007 og frameftir. Øllum kommunum er álagt at hava eitt fullfíggjað og góðkent kloakknet í 2010. Kommunan byrjaði í 2006 eina miðvísa ætlan at endurnýggja gamlar kloakkir og skipað allar nýggjar kloakkir við tí fyri eyga at hava eina góðkenda skipan í 2010. Í 2007 verða heili 10% av íløgukarminum nýtt til kloakkskipanir, og fyri tíðarskeiðið 2006- 2010 verður talan um minst 80 mió. í íløgum í kloakkskipanir. Ítróttur- og frítíðar­virk­ semi eru nakrir av horna­ steinunum undir trivnaði. Vit hava m.a. valt at gera rennibreytina lidna í 2007 og somuleiðis at gera nakrar smáar fótbóltsvallir. Um­framt stóru íløguna í renni­breytina, ynskir komm­unan at seta skjøtil á eina langtíðarrættaða árliga avseting av peningi til aðrar stórar íløgur til ítróttar- og frítíðarvirksemi. Her verður hugsað um at fara undir høvuðsumvæling av ítróttar- og samkomuhøllini á Hálsi, at fara undir at gera karmarnar hjá fimleikinum betri, og at gera smáar fót­ bóltsvallir. Íløguhækkingin uppá 50 mió. kr. verður fíggja av tøkum peningi, sum er upp­spart av rakstraravlopi gjøgnum nøkur ár. Ársfíggjarætlanin 2007 Egningar­­ maskina og svøvlalínu Í samband við tað, sum er ført fram í bløðunum um sáttmálan hjá ísfiska­ línuskipum kann tað vera rætt at hyggja at søgu­ ligu gongdini í hesum spurn­ingi. Undan 1971 gav sátt­ málin hjá ísfiskalínu­ skipum 50% til mann­ ingina, men tá skuldi býtast til 2,5 eyka­partar. Við verandi mann­ingar­ tali vildi hetta svara til 42,4% til manningina við javnbýti. Í mínum fyrstu samráðingum í 1971 kom parturin upp á 44,5% og nakað seinni uppá 45%. Nøkur ár seinni vildu vit stuðla uppundir, at skipini fingu egningar­ maskinu, sum bæði lætti um arbeiðið og kravdi minni fólk, so meira kom burturúr. Í fyrsta umfari fekk egning­ar­ maskinan ein part, og svaraði hetta til um 3% av teimum 45. Undir kreppuni fyrst 90-unum gav at kalla hvør ein­asti túrur hjá ísfiska­ línu­bátum minstuløn, og svøvla­lína varð roknað sum ein møguleiki at bøta um støðuna. Tá eftir­ líkaðu vit at seta mann­ ingarpartin til 43%, treyt­ að av, at skipini høvdu svøvlalínu. Viðvíkjandi egningar­ maskinuni varð nøkur ár seinni ásett, at hon fór av óbýttum. Hetta merkti, at luttøkan hjá manningini av hesum tiltaki fór niður í helvt. Nøkur ár seinni varð ásett, at ein hálvur partur skuldi fara av óbýttum og aftur seinni varð ásett, at egningarmaskinan skuldi burtur úr sáttmálanum. Støðan í dag er tann, at meðan parturin hjá línu­ bátum í 1970 var 42,4%, er hann í dag 43% + 1% (tils. 44%), sum reiðarar gjalda í eftirlønargjaldi. Tiskil er parturin til mann­ingina fram­vegis størri, enn hann var, og við teirri minking í mann­ingartalinum, sum er úrslit av nevndu til­ tøkum er vøksturin í prosentpartinum pr. mann enn størri. Í sama tíðarskeið er inn­tøkutrygdin munandi batnað og saman við skattaskipanini hjá fiski­ monnum eru fiski­menn yvirhøvur, og tað sama er galdandi fyri ísfiska­ línuskip, munandi betri fyri nú enn tá. Konto 18 Bussleiðin kr. 3.500.000 Konto 37 Stadion kr. 400.000 Konto 39 Ymsir studningar Gluggahyljar, akvariið kr. 400.000 Ferðavinnan kr. 300.000 Konto 63 KT-verkætlan kr. 2.000.000 Konto 38 Fríðkan av býnum kr. 400.000 kr. 7.000.000 Konto 89 Skattainntøkur kr. 7.000.000 Býtið av útreiðslunum 2007. tkr. Fyrisiting 48.300 8% Tekniskar veitingar 103.449 18% Skúla- og mentamál 66.417 11% Barnaansing 122.253 21% Almanna- og heilsumál 33.000 6% Aðrar útreiðslur 58.065 10% Íløgur 155.000 26% Lánsgjøld 3.699 1% Útreiðslur íalt 590.183 100% Óli Jacobsen Skúlar, mentan og barnaansing 52.800 tkr. 34,1% Eldrarøkt 4.020 tkr. 2,6% Vegir 34.580 tkr. 22,3% Vatnveitingar 5.500 tkr. 3,5% Kloakkir 14.100 tkr. 9,1% Renovatión 5.500 tkr. 3,5% Ítróttur og frítíðarvirksemi 29.000 tkr. 18,7% Kirkjugarðar og fríðkan 3.000 tkr. 1,9% Heilsumál 1.500 tkr. 3,2% Íløgur á landi 150.000 tkr. Smábátahavn 5.000 tkr. 3,2% Íalt 155.000 tkr. 100,0% Heðin Mortensen borgarstjóri Tórshavnar býráð viðmerkingar