hósdagur 23. november 2006síða 4

4 Nr. 227 - 23. november 2006 tíðindi Skipasmiðjan á Skála er farin aftur á gamlar gøtur, nú teir byrja at smíða skip aftur. Næsti sáttmálin stendur møguliga á trappuni. Dánjal Andreasen, leiðari, váttar, at teir arbeiða við einum nýggjum sáttmála, og at vónirnar eru góðar um at fáa uppgávuna SKIPASMIÐ Heini S. Kristiansen heinik@sosialurin.fo Í morgun varð boðið til tíðindafund í kaffitovuni í Skipasmiðjuni á Skála. Hetta í samband við, at teir byrjaðu at skera stálið til nýggja hjálpar- & veit­ ingarskipið hjá Thor, sum skal smíðast á Skála. Dánjal Andreasen er leið­ ari á Skipasmiðjuni á Skála. Sosialurin fekk orðið á hann eftir móttøkuna í morgun. Rørandi løta - Nú eru vit komnir so langt. Her er veruligt veitslulag. Tú sært, at arbeiðsmenninir eru í góðum hýri, sigur Dánjal Andreasen. - Eg havi starvast her í 4 ár. Summir hava verið her nógv longri, og teir hava eisini upplivað tað síðsta skipasmíðið, sum var í 1988. Tað er heilt vist, at hetta er ein rørandi løta fyri teir, sum hava verið á Skipasmiðjuni øll árini, sigur Dánjal. - Teir ungu eru eisini sera spentir uppá hetta. Tað er ein stórur dagur fyri Skipasmiðjuna. Tú kanst siga, at vit hava fingið eitt eyka bein at standa á, sigur Dánjal. Nógvar fyrireikingar hava verið gjørdar í samband við skipasmíðið. Skipasmiðjan hevur fingið eina veruliga yvirháling. - Vit hava endurnýggjað útgerðina á Skipasmiðjuni. Tað er nógv vatn runnið í ánni síðani 1988, og tí noyddust vit at keypa nýggja útgerð. Vit hava hava brúkt 6-7 milliónir uppá at endurnýggjað Skipa­ smiðjuna, sigur Dánjal. Næsti sáttmálin á trappuni? Teir vóna, at hetta einans verður byrjanin, og at skipa­ bygging aftur verð­ur ein partur av gerandis­degnum á Skála. - Tá ið hetta skipið verður liðugt 10. oktober næsta ár, vóna vit at byrja uppá tað næsta. Spurdur, hvat hetta merk­ ir meira ítøkiligt, svarar Dánjal: - Vit eru longu byrjaðir at arbeiða uppá at fáa fleiri uppgávur. Vit eru í samráðingum um eitt nýtt skip, og vit hava góðar vónir um at fáa hetta arbeiðið. So um alt gongur eftir vild, kunnu vit byrja uppá næsta skipið, tá ið hetta verður liðugt, sigur hann. Tríggir pólendingar eru á Skála í skrivandi stund. Mánadagin koma 25 aðrir til landið, og tá kemur veru­ ligt glið á arbeiðið. Eitt nýtt bein at standa á - Vit arbeiða við tí. Eitt skip er als ikki nóg mikið. Vit vóna avgjørt, at vit hava næstu uppgávuna klára, tá ið hetta skipið verður liðugt, sigur Gunnar Mohr, stjóri, um ein møguligan nýggjan sáttmála um skipasmíð. Hann vil tó ikki siga nakað meira ítøkiligt SKIPASMÍÐ Heini S. Kristiansen heinik@sosialurin.fo Gunnar Mohr, stjóri á Skipasmiðjuni, er væl nøgdur við dagin. - Hetta er ein veitslu­ dagur hjá Skipasmiðjuni. Allir eru sera positivir. Hetta er spennandi at sleppa at smíða skip aftur, sigur Gunnar. - Hetta er ein av merki­ døgunum hjá Skipa­ smiðjuni, heldur Gunnar. Gunnar váttar, at teir arbeiða við at fáa nýggjan sáttmála um at smíða skip. - Vit arbeiða við tí. Eitt skip er als ikki nóg mikið. Vit hava gjørt eina stóra íløgu, og vit skulu helst smíða fleiri enn hetta eina skipið. Vit hava eisini ein sáttmála við póllendingarnar yvir fýra ár, og vit vilja helst nýta teirra førleika fult út hetta tíðarskeiðið. Tí er tað neyðugt at gera fleiri sáttmálar, staðfestir Gunnar. Ikki steðg millum skipini Teir eru vónríkir um, at næsta uppgávan er klár, tá ið teir eru lidnir við hetta skipið hjá P7F Thor. - Vit vóna avgjørt, at vit hava næstu uppgávuna klára, tá ið hetta skipið verður liðugt. Tað skal helst ikki koma stígur í arbeiðið, nú vit aftur eru farnir í gongd við at smíða skip, sigur Gunnar. Hann sigur, at allar upp­ gávur hava áhuga. Sostatt nýtist tað ikki at vera fyri eitt føroyskt felag, ið teir smíða skip fyri. - Allar uppgávur, sum passa í stødd og førleika, eru áhugaverdar fyri okk­ um, sigur Gunnar Mohr at enda. Byrja uppá næsta skip tá hetta er liðugt Hans Andreas og Gunnbjørn Joensen frá Thor eru her saman við Dánjali Andreasen og Thormundi Johannessen frá Skipasmiðjuni Mynd: Høgni Thomsen Magnus Joensen, vinstru­ megin, pápi Hans Andreas og Gunnbjørn Joensen, slapp at tendra skerimaskinuna Mynd: Høgni Thomsen