hósdagur 23. november 2006síða 6

6 Nr. 227 - 23. november 2006 tíðindi Bæði stjórin í KJ- Hydraulik, Ólavur A. Olsen og maðurin aftanfyri JT Electric, Jóannes Thomsen, vátta, at JT Electric nú verður selt KJ- Hydraulik Vinnulív Vilmund Jacobsen vilmund@sosialurin.fo KJ-Hydraulik á Kambsdali hevur keypt el-fyritøkuna JT Electric, sum eisini húsast á Kambsdali. Endaliga avtalan verður undirskrivað ein av fyrstu døgunum. Ólavur A. Olsen, stjóri í KJ-Hydraulik váttar, at fel­agið hevur keypt el-fyri­ tøkuna og Jóannes Thomsen, sum er maðurin aftanfyri JT Electric sigur, at flestu viðurskifti nú eru komin upp á pláss. Sosialurin fer at venda aftur til málið í blaðnum í morgin. Bygdu ov stórt JT Electric hevur fleiri ár á baki, men síðan felagið bygdi nýggjan og stóran bygning á Kambsdali fyri fáum árum síðan, hevur raksturin verið tungur. – Vit bygdu ov stórt og hava kent avleiðingarnar av hesum – ikki minst tí, at al­ingin, sum vit leveraðu nógvan útbúnað til, fór av knóranum. Vit megnaðu ikki at bera nýggja bygningin, men síðan hesin parturin fór í gjaldssteðg fyri trimum árum síðan, hava vit saman við nýggjum íleggjarum roynt at ment felagið aftur. Tað hevur gingið spakuliga uppeftir aftur. Eg haldi, at tað er skilagott, at KJ-Hydraulik nú keypir virksemið, sigur Jóannes Thomsen. Veitari av tøkni Á heimasíðuni hjá JT Electric verður víst á, at felagið hevur lagt seg eftir at verða up-to-date við menning av tøkni fyri altíð at kunna veita viðskiftafólki bestu tænastuna og nýggjastu tøknina. – Tøknin er komin fyri at vera, og næstan hvønn dag koma nýggar vør­ur og tænastur á markn­aðin, soleiðis at arbeiðs­upp­ gávurnar kunnu ger­ast lætt­ ari hjá eitt nú fram­leiðslu­ vinnuni.           JT Electric hevur verið og er veitari av tænastum og vørum til alivinnuna í Føroyum og uttanlands. – Vit framleiða soleiðis eitt nú undirvatnsljós, kam­ era­skipanir, stýringar og annað til alivinnuna. Har­ umframt veita vit tænastu til fóðurskipanir, generatorar og aðra tekniska útgerð til alivinnuna, sigur felagið á heimasíðuni. Ljós til Chili Tá ið JT Electric flutti í nýggj høli á Kambsdali fyri fáum árum síðan, fingu vit upplýst, at fyritøkan longu tá hevði selt eini 500 aliljós til Chili. Felagið framleiðir eisini PLC-stýringar til stórar og smáar uppgávur. Vit fara sum nevnt at venda aftur til JT Electric og KJ-Hydraulik í blaðnum í morgin. KJ-Hydraulik keypir JT Electric Ólavur A. Olsen váttar, at KJ-Hydraulik keypir el-fyritøkuna, JT Electric Mynd: Vilmund Jacobsen – Prísirnir á toski 1 og 2 hava stundum ligið omanfyri 30 krónur fyri kilo, og toskur 3 hev­ur ligið millum 25 og 30 krónur fyri kilo, sigur land­ing­ar­ formaðurin í Klaks­ vík, Pól Fuglø Fiskivinna Vilmund Jacobsen vilmund@sosialurin.fo Tað vísir seg ikki at ávirka fiskaprísirnar stórvegis, at nógvur fiskur er komin upp á land í Klaksvík hesa vikuna. – Eg havi ongantíð áð­ur vitað um so høgar fiska­prísir yvir longri tíð, sigur Pól Fuglø, sum er landingarformaður á Land­­ingarmiðstøðini hjá Fiska­­marknaði Føroya í Klaksvík. Hann vísir á, at hóast nógv skip hava landað í Klaksvík hesa vikuna, hava prísirnir á toski 1 og 2 javnan ligið omanfyri 30 krónur fyri kilo, og toskur 3 er farin fyri millum 25 og 30 krónur fyri kilo. – Jú, eg má siga, at fiska­ prísirnir eru í toppi, sum landingarformaðurin tekur til. Nógvar landingar Mánadagin landaðu seks skip í Klaksvík. Línuskipini, Klakkur, Núp­ur, Ågot, Fugltúgvan, Grani og Fiskimúli, høvdu millum 35.000 og 70.000 pund hvør. Týsdagin landaðu fýra skip; trolararnir, Safir og Smaragd, høvdu 310 kør tilsamans, sum taka 300 kilo hvørt – og Navarin og Borgarin, sum eru fyrr­verandi Polarhav og Stjørn­an, høvdu 490 kør tilsamans. Í gjár landaði línubáturin, Helena. Teir hava roynt í Eysturgrønlandi og hava landað har yviri tann fyrra túrin. Nú teir landaðu í Klaksvík, høvdu teir um­leið 80.000 pund av ís­fiski. Í dag landa trý línuskip í Klaksvík. Jákup B hevur 90.000 pund, Pison millum 60.000 og 70.000, og Froya hevur 35.000 pund. Í morgin landar Polar­stjørn­ an, og Pól Fuglø væntar, at teir hava millum 60.000 og 70.000 pund inni. Nógvur fiskur upp á land í Klaksvík Hóast nógv skip hava landað í Klaksvík hesa vikuna, er ikki líkt til, at prísirnir eru fallandi Mynd: Vilmund Jacobsen Kirkjufundur í Gøtu Sunnudagin 26. november, sum er seinasti sunnudagur í kirkjuárinum, hittast kirkjuráðslimir, kirkjutænarar og prestar í Eysturoynni á felags kirkjufundi í kirkjuni í Gøtu. Kirkjufundurin byrjar við gudstænastu við altargongd, har Jógvan Fríðriksson sóknarprestur, prædikar. Øll eru vælkomin til gudstænastuna. Eftir gudstænastuna hugleiðir Meinhard Bjartalíð, sóknarprestur, um sálmasang. Hugleiðingina kallar hann ”Lovsyng tínum Harra - um nýggjar sálmar í gudstænastuni”. Síðani verður borðhald fyri kirkjuráðslimum, kirkju­tænarum, prestum o.ø. í kirkjukjallaranum, har høvi verður at skifta orð um kirkjumál. Í fjør var eisini skipað fyri líknandi fundi í Rituvík. Ætlanin við tílíkum fundum er at umrøða kirkjumál og at styrkja og menna samstarvið millum tey, sum hava eina tænastu í fólkakirkjuni. Í Eysturoynni eru 5 prestagjøld, 5 prestar, 15 kirkjur, 2 bønhús og 3 onnur gudstænastustøð. Kirkjuráð er til hvørja kirkju, og minsta tal á kirkjuráðslimum er 6 umframt sóknarprestin, sum er fastur limur í kirkjuráðunum í prestagjaldinum. Roknað verður við, at uml. 130 kirkjuráðslimir og kirkjutænarar vera á kirkjufundinum í Gøtu sunnudagin.