hósdagur 23. november 2006síða 7

Nr. 227 - 23. november 2006 7 tíðindi Nýggir lemmar Lemmavirkið Rock í Vági hevur nú ment eitt nýtt lemmaslag til botntrol. Djúpvatnstrolarin Sancy hevur roynt teir nýggju lemmarnar, og teir hava víst seg at rigga væl. Sambært skiparanum á Sancy spíla nýggju lemmarnir tað sama, men teir eru heldur lættari at draga og ganga meiri støðugir enn aðrir lemmar. Harafturat eru nýggju lemmarnir frá Rock nógv sterkari enn aðrir lemmar, tí teir hava fimm skot, meðan aðrir hava trý. (Kelda: www.sudurras.fo) Læna til jólini Tað er væl kent, at nógvir danir læna pengar til jólini, og einki bendir á, at árið í ár verður nakað undantak í so máta. Í desember mánað í fjør læntu danir 7,5 mia. krónur í peningastovnunum, og sambært Fíggjarráðnum vóru lánini úr peningastovnunum heili 67 prosent størri enn í tí næststørsta mánaðinum í fjør, sum var juni. Herumframt læna fólk pengar frá handlum og fíggingarfeløgum, har rentan ofta er uppi á umleið 20 prosentum. – At gera saman­ ber­ingar millum sam­­kynd, pedofili og kleptomani er so langt úti og so burt­urvið, at eg taki álvarsliga frástøðu frá úttalilsunum hjá Óla Breckmann í Pol­ itikken sigur løg­maður Víðgongd sjónarmið Jan Müller jan@sosialurin.fo – Eg taki sum løgmaður, sam­ gonguleiðari, floksformaður og føroyingur frástøðu frá ekstremu orðunum Óli Breck­ mann brúkar í Politikk­en nú um dagarnar. Vónandi mein­ar hann tað ikki, og kanska hann hevur sagt tað í sinn­ismuni. Hetta eru ikki út­talilsi, sum eru verdug fyri ein persón, ið hevur verið eitt alment umboð fyri Føroyar, á fólkatingi í 17 ár, limir í Norð­urlandaráðnum í mong ár og ein av teimum gomlu í garði í føroyskum politikki sig­ur Jóannes Eid­esgaard, løg­ maður í eini viðmerking til grein í Politikken. Løgmaður heldur hesi orðini vera eitt ótrúliga óheppið signal at senda út til umheimin. – Tað er sera umráðandi fyri framtíðina hjá Føroyum, at vit geva øðrvísi signal út enn hesi Óli Breckmann hev­ ur givið. Vit hava júst havt fund á Norðurbryggjuni fyri føroyskum lesandi, har ein av spurningunum var, hvussu Føroyar skulu síggja út fyri, at tey lesandi skulu koma heim­aftur. Tá var tað eitt samt svar, at Føroyar skulu vera eitt rúmsátt land við tol­semi fyri øllum, og har øll hava møguleikar. Og tað er væl júst hetta, sum Óli Breck­ mann skjýtur niður við sínum samanberingum, ið eru púra burturvið sigur løgmaður og heldur fram: – Samtíðis sum hann tosar um samkynd blandar hann pedofili og kleptomani uppí. Hesi hava einki við hvørt annað at gera. Pedo­ fili og kleptomani eru revsi­ verdugar gerðir. Tað at vera samkyndur er ein seksuell orientering tú hevur valt, og sum ikki er kriminell í hesum parti av heiminum. Løgmaður kann heldur ikki taka undir við tí, sum Óli Breckmann sigur um um­hvørvismál og tað stóra ar­beiði, ið verður gjørt har. – Eg hugsi m.a. um, at Før­ oy­ar nettupp hava fing­ið ein Norðurlandaprís fyri um­­hvørvisarbeiði, og so ger hann øll tiltøk á hesum øki til gjøld­urs. Tað er sera langt úti. Løgmaður heldur, at orðini hjá Óla Breckmann mugu standa fyri hansara egnu rokn­ing. Hann viðurkennir, at tá tað kemur til spurningin um tey samkyndu, so er tal­ an tíverri ikki um eina sam­ gongu. – Eigur tú sum løgmaður ikki at tosa við mannin og siga honum undir fýra eygum, at hetta kanst tú sum løgmaður ikki góðtaka? – Jú. Men um og tá eg geri tað, so verður tað undir fýra eygum sigur Jónnes Eidesgaard, sum heldur fyri, at hann ætlar sær at tosa við tey røttu fólkini um hetta málið. Hann vísir á, at vit í hes­um kenna Óla Breckmann aftur frá 70-unum, tá øll vinstra­ vend vórðu hund­dálk­að. Tó viðgongur løg­maður, at Óli Breckmann hesi seinastu árini hevur tóna­lagið verið nógv meira milt og forsónandi og hevur hann kanska átti sín part av heiðurin fyri, at samstarvið tvørtur um miðjuna hevur verið so gott sum tað hevur verið, tí man hevur umgingið hvønn annan við tí neyðuna tolseminum. – Men eg kann so als ikki foreina meg við tey ekstremu sjónarmið hann nú aftur leggur fyri dagin. Løgmaður sigur, at hetta er ikki eitt samgongumál, hóast hann viðgongur, at tað klæðir ikki samgonguna. – Onkur vil helst aftur siga, at hetta er ”bara Óli”. – Tað er ikki rætt. Óli Breck­mann er ein kendur politikari uttan fyri Føroyar eisini. Jóannes Eidesgaard, løgmaður um Óla Breckmann: – Skaðar umdømið hjá Føroyum, tá hann kemur við slíkum ekstremum úttalilsum Løgmaður tekur frástøðu frá Óla Breckmann Ein ferðsluvanlukka mill­um Skálafjørð og Skipanes í morgun kravdi eitt mannalív. Bilurin við kvinnuni, sum doyði, varð kroystur millum tveir aðrar, tá ið mótkoyrandi bilur koyrdi á skeivari far­breyt. Tríggjar kvinnur fóru á landssjúkrahúsið, meðan ein maður slapp snikkaleysur Í morgun hendi ein ferðslu­vanlukka undir Vala­­­knúkum millum Skála­­fjørð og Skipanes. Tríggir bilar stoyttu sam­ an, og ein kvinna, sum koyrdi einsamøll í einum bili, lat lív. Ein maður, í einum vøruvogni, koyrdi aftanfyri hana, og vóru bilarnir á veg suðureftir móti Runavík. Ein bilur við trimum kvinnum kom koyrandi ímóti teimum. Hesin bil­ ur­in rendi frontalt saman við bilinum, sum kvinnan koyrdi. Maðurin aftanfyri kláraði ikki at steðga og rendi í reyvina á bilinum. Sostatt kroystist kvinnan ímillum tveir bilar, og hon doyði á staðnum. – Av onkrari orsøk koyrdi bilurin, sum fór norð­­ureftir, á skeivari breyt. Vit vita als ikki or­søkina til hetta. Tær tríggjar fóru allar við sjúkra­bilinum til Havnar. Tær eymkaðu seg av pínu, men vónandi er støðan ikki so álvarslig. Maðurin slapp undan ferðsluvanlukkuni uttan stórvegis skaða, sig­ur vakthavandi á løg­ reglustøðini í Runavík. Ferðslu­ vanlukka kravdi lív