mikudagur 29. november 2006síða 18

18 Nr. 231 - 29. november 2006 tíðindi Bókat Lagt til rættis: Rigmor Dam Á LANGBYLGJU Yrkingar Bergur Rønne Moberg Permumynd: Alexei Jawlensky Mentunargrunnur Studentafelagsins 72 blaðsíður 130 krónur Høvundurin hevur í mong ár verið kendur sum ummælari og greinskrivari í føroyskum fjølmiðlum, og nú roynir hann seg á fyrsta sinni við einum yrkingasavni. Yrkingarnar í Á langbylgju kunnu sum heild sigast at vera eksistentialistiskar og takast við teir stóru spurningarnar í tilveruni. Saknur og sorg um tað deyðu mammuna merkir fleiri tekstir, meðan aðrir siga frá tí deyða kuldanum mótvegis tí livandi hitanum. Og so er tað sonurin, sum við sínum eygleiðingum sær. EYDNULOYSI Dokumentar Grækaris Djurhuus Magnussen Myndir: Magnus Magnussen Forlagið Steyrin 299 krónur Í bókini Eydnuloysi hava høvundarnir í eina tíð fylgt nøkrum rúsmisnýtarum, sum í longri tíð hava havt Herbergið hjá Frelsunarherinum sum akker. ”Eydnuloysi” fylgir rúsevnismisnýtarunum í gerandisdegi teirra. Heimleysu rúsevnismistnýtararnir siga frá stundum eydnuleysa lívi sínum, og vit uppliva harðbalnar lagnur. Skuggatilveran er farin illa við teimum. Og orsøkin til lívið á skuggasíðuni kann vera sprottin longu í ólukkuligum barndómi. Syndarligar vanlukkur hava eisini vent einum annars góðum lívi til at gerast eitt satt helviti. Úrslitið er ein endaleys flýggjan í rúsin. DÁVUR Í TJØRNUVÍK onnur bókin Siðsøga Sveinur Ísheim Tummasson Forlagið Glint 350 krónur Hetta er onnur bókin um 95 ára gamla tjørnuvíkingin Dáva Davidsen og lív hansara á sjógvi og landi. Í hesari bókini sigur Dávur eitt nú frá brúdleypi sínum, ódnarveðrinum á Suðurlandinum 1938, útróðri á Bakkafirði, grønlandstúrinum við Sonnu 1940, útróðri í Tjørnuvík undir krígnum og seinastu ferðini, sum tjørnuvíkingar gjørdu í Stapan. Hann sigur frá tíðini á Tórshavnar Skipasmiðju undir krígnum og arbeiðslívið í Reykjavík aftan á kríggið. Hann fer til Grønlands við Tinganesi trý summur, fer at sigla við týskum trolarum, og fær arbeiði á fiskavirki í Keflavík, har hann arbeiðir sum formaður í mong ár. Men í Tjørnuvík hevur hann heimstað, og hagar kemur hann altíð aftur. BURTUR Skaldsøga Bergtóra Hanusardóttur Perma: Ingi Joensen Mentunargrunnur Studentafelagsins Blaðsíður: 418 299 krónur Við skaldsøguni BURTUR eftir Bergtóru Hanusardóttur verður lesarin førdur inn í tað føroyska útisetalívið í Keypmannahavn, soleiðis sum tað var í seksti- og sjeytiárunum, tá eitt nú veitslurnar á vetri úti í Neystinum vóru ein fastur táttur í lívinum hjá føroyingum niðri. Í fyrsta lagi varpar skaldsøgan ljós á teir krossvegir, har genta og drongur og heimlig og fremmand mentan umskarast. Fyrst valda friður og samljóð. Men munir og misskiljingar kveikja sum frá líður lív í eitt gonguverk, sum bæði tvinnar saman høvuðstættirnar í bókini og skapar eina sera dramatiska frásøgn. BURTUR, hugtakandi, spennandi og full av neyvum eygleiðingum, er uttan iva høvuðsverkið higartil hjá Bergtóru Hanusardóttur. SOLEIÐIS VAR EG TIL Barnabók 7- 10 ár Katerina Janouch Ingibjørg W.Kamban týddi/Mervi Lindman myndprýddi Bókadeild Føroya Lærarafelags 56 blaðsíður 150 krónur Hvat hendir inni í búkinum á einari mammu í níggju heilar mánaðir? Bókin snýr seg um ferðina til lívið – eina ferð øll børn hava verið, men ongin minnist... Bergur Rønne Moberg Á langbylgju M E N T U N A R G R U N N U R S T U D E N TA F E L AG S I N S