týsdagur 19. desember 2006síða 13

Nr. 245 - 19. desember 2006 15 Hósdagin 14. desem­ ber var móttøka í deildini hjá Føroya Sparikassa í Vest­ manna, hetta var bæði í sambandi við at deildin hevur fylt 50 ár, og at hølini eru liðugt umbygd Móttøka Tvinnandu orsøkir eru til, at vit hava móttøku í Vestmanna í dag. Deildin fyllir 50 ár í ár, og hon er eisini vorðin umbygd. Við hesi móttøku fáa okkara viðskiftafólk høvi at síggja nýggju hølini, segði Bjarni Olseni, stjóri í Føroya Sparikassa, og vísti hann m.a. á at deildin í Vestmanna hevur ein serligan status í Føroya Sparikassa, tí hon var fyrsta deild, sum læt upp uttan fyri Havnina. Hetta hendi tann 25. oktober í 1956. Tað bar ikki til at halda dagin tann 25. oktober, tí tá var umbyggingararbeiðið í fult sving. Tey fyrstu árini var tað í kommunuhølunum, og Hans Nolsøe, kommunuskrivari, og frk. Maria Olsen, sýslu­ full­trúi, vóru sett sum ávika­vist deildarstjóri og kassameistari á deildini, sum tá bert hevði opið tveir tímar tveir dagar um vikuna. Deildin hevði tá heitið Norð­ streymoyar Sparikassi, men var ein deild av Føroya Spari­ kassa. Har var um eg havi skilt tað rætt ein yngri dama, sum seinni inn í millum traðkaði til á deildini. Henda daman, sum æt Ásla Olsen, kom seinni til at eita Friis til eftirnavn. Hon var so tann 15. okt. 1976 sett í fast starv hjá Sparikassanum og hon var fyri sløkum 20 árum síðani sett sum leiðari á deildini. Ásla hevði sostatt 30 ára starvsdag hjá okkum herfyri. Tá Ásla hevði arbeitt í 25 ár gavst hon sum leiðari á deildini og Jóni Mohr Olsen tók við. Hann hevur sostatt verið leiðari í Vestmanna í 5 ár. Á deildini arbeiða í dag 7 fólk, umframt tvær dam­ ur, sum eru í barns­burðar­ farloyvi. Umframt Jóna og Áslu er talan um Harriet Olsen, Brittu Joensen, Sólvá á Rógvi Joensen, Barbaru Brattaberg og Rúna Joensen, sum er næmingur. Tær báðar Kristgunn Jacobsen og Jórun Durhuus eru í farloyvi. Umbyggingin av deild­ini hevur við sær, at fer­metra­ talið á niðastu hædd økist úr 96 til 130 fermetrar, tvs. at uml. 35 fermetrar eru komnir aftrat á niðastu hædd. Høv­ uðsarbeiðstakari var Timbur- og Snikkaratænastan v/Hjart­ vard Kjærbæk, Vest­manna, og Pauli Dam Joen­sen og onnur frá Árna Winther Arkitektum hava teknað og prosjekterað. Nógvar nýggjar deildir eru komnar síðani deildin í Vestmanna lat upp í 1956, men tað gingu heili 13 ár áðrenn enn næsta bygdadeildin var latin upp. Tað var deildin í Runavík, ið at kalla gjørdist eitt startskot til stovnseting av flestu av teimum deildunum sum Spari­kassin hevur í dag. Sparikassin er vaksin nógv síðani fyrsta deildin uttan fyri Havnina varð latin upp. Í 1956 vóru tilsamans 8-9 starvsfólk í Sparikassanum. Í 1970 vóru 21 fulltíðar starvfolk í Sparikassanum. Í 1988 vóru 135. Í 2003 vóru um 180 fulltíðar starvs­fólk og í dag rokna vit 199 fulltíðarstarvsfólk í Sparikassanum, segði Bjarni Olsen. Føroya Sparikassi hevur nú skift navn og eitur Eik Banki P/F. mg. Føroya Sparikassi 50 ár í Vestmanna Bjarni Olsen, sparikassa­ stjóri, heldur røðu undir liðuni á Janusi Petersen Starvsfólk á deild Sparikassans í Vestmanna: Aftara rað f.v.: Rúni Joensen, Jóni Mohr Olsen og Barbara Brattaberg. Fremra rað f.v.: Britta Joensen, Sólvá á Rógvi Joensen, Ásla Friis og Harriet Olsen. Kristgunn Jacobsen og Jórun Durhuus, sum eru í farloyvi, vanta á myndini Nógv fólk vóru til móttøkuna í nýggju hølunum. Fermetratalið á niðastu hædd er økt úr 96 til 130 fermetrar nøvn