týsdagur 19. desember 2006síða 19

Nr. 245 - 19. desember 2006 21 tíðindi Samkoman Immanuel fer at skipa fyri einum jólatiltaki, ið kallast Jólatónar, fríggja­ dagin 22 desember, kl. 16. Tiltakið verður uttan fyri samkomuna, ið er beint omanfyri FK í Hoyvík. Ókeypis heitt kakao og bollar verður at fáa, sam­ stundis verður live jólatón­ leikur spældur á einum palli. Tey, ið fara at framføra eru millum annað Heine Lützen, Oddbjørg Poulsen, Tehilah-kórið, og onnur. Inni í samkomuni verður ein jólascena sett upp, og eru vitjandi vælkomin inn­ ar at seta seg eina løtu at hugsa um Jesubarnið í fjósi­ num. Í jólaevangeliinum lesa vit um einginlin, ið kom til hirðarnar á markini, og segði: ”Friður á jørð… ”  Mangan eru fólk so upp­ tikin við at stákast til jóla, at orsøkin til jólini verður gloymd; grundin til vit halda jól, er fyri at minnast Jesubarnið í krubbuni, at Frelsarin er føddur! Við hesum tiltakinum vil Samkoman Immanuel geva fólki eitt upplagt høvi at ”kobla úr” eina løtu í øllum jólaresinum, og seta fokus á grundina til vit halda Jól! Á enskum verður soleiðis tikið til: Jesus is the Reason for the Season! Jólatónar verður fríggja­ dagin 22. desember kl. 16 – og øll eru hjartaliga vælkomin. Runavíkar kommuna søkir eftir dagrøktarleiðara at byrja 1. februar 2007 ella skjótast gjørligt. Dagrøktarskipanin á Skála er í løtuni normerað til 69 børn, tey verða ansa av 16 dagrøktarum, harav tveir starvast í Oyndarfirði. Í skipanini eru góð spælistovuhølir har økis/spælistovupedagogur leggur lag á og veitir ráðgeving. Runavíkar kommuna hevur ítøkiligar ætlanir um at byggja barnagarð á Skála, sum skal standa klárur í 2008. Barnaansingin á Skála verður tí fyri broytingum komandi árini og dagrøktartarleiðarin kemur at hava ein avgerandi leiklut í hesum arbeiði. Leiðarin hevur fakligu, fíggjarligu og fyrisitingar- ligu ábyrgdina av dagrøktini. Tað verður væntað av umsøkjaranum, at hann á leiðandi og virknan hátt, saman við starvsfólkunum, heldur fram við at menna dagrøktina. Umráðandi er, at umsøkjarin evnar at ganga nýggjar leiðir, dugir væl at sam- starva og er sjónligur í sínum leiðarastarvi. Starvið verður sett eftir sáttmála millum Føroya Pedagogfelag og Kommunala Arbeiðsgevarafelag Føroya, lønt eftir lønarstigi 17 til 21. Bert umsøkjarar við námsfrøðiligum prógvi ella líknandi kunnu søkja starvið. Nærri fæst at vita um starvið, við at tosa við Jákup Foldbo, sosialdeildarleiðara á tlf. 417000 Umsókn saman við viðmælum og upplýsingum um útbúgving og royndir, skal vera Runavíkar kommunu í hendi týsdagin 9. januar 2007, kl. 12.00. Runavíkar Kommuna Sosiala deild Postboks 139 Heiðavegur 26 FO-600 Saltangará Leiðara til Dagrøktina á Skála Starvslýsing www.runavik.fo …ein kommuna í menning Hús ella høli ynskjast til leigu K R E A . F O . TEL 47 80 80 Stovnurin skal hýsa 8 starvsfólkum og 5 børnum í aldrinum umleið 7-13 ár. Ein hóskandi stødd kundi verið umleið 160 - 250 fermetrar í einari ella fleiri hæddum. Áhugað kunnu seta seg í samband við Maud Poulsen á telefon 35 35 10 ella á teldupost maudp@almannastovan.fo Til ein stovn undir Almanna- stovuni ynskjast hús ella høli í miðstaðarøkinum til leigu so skjótt sum til ber. Almannastovan . Smyrilsvegur 20 . Postsmoga 3096 110 Tórshavn . www.almannastovan.fo 14. januar 2007, verður cand. teol. Magnus Brahé Jørgensen úr Havn prestvígdur og innsettur sum sóknarprestur í Norðoya vestara prestagjaldi PRESTAVÍGSLA Rigmor Dam rigmor@sosialurin.fo Vígslan og innsetingin fara fram í Christianskirkjuni við guðstænastu, sum byrjar kl. 11.00. Tað er Hans J. Joensen, bispur, sum stendur fyri vígsluni, meðan Bjarni Bæk, dómpróstur, stendur fyri innsetingini. Magnus B. Jørgensen av­loysir Hans Eiler Hamm­ er, sóknarprest, sum nú røkir prestaembæti í Noregi. Við starvinum er tænastubúðstaður, nevniliga prestagarðurin á Prestvegi í Klaksvík. Prestagarðurin, sum júst er umvældur, er bygdur í 1928. Sjey umsóknir vóru til starvið í Norðoya vestara prestagjaldið, sum umfatar kirkjusóknirnar Klaksvík, Árnafjørð, Kunoy, Húsar og Mikladal. Tveir prestar eru í presta­ gjaldinum. Hin sóknar­prest­ urin er Niels Pauli Daniel­ sen. Norðoyggjar vóru til 1934 eitt prestagjald við einum presti, sum búði í Ónagerði á Viðareiði. Í 1928 varð búfastur kappelánur settur í starv í Klaksvík. Í 1934 varð Norðoya vestara prestagjald varð skipað. Í byrjanini var bert ein prestur, men síðani 1948 hava teir verið tveir. Báðir prestarnir búgva í Klaksvík. kelda: Fólkakirkjan.fo Farmadeildin hjá Flog­felag­ num er nú seld nýstovnaða felagnum EUR-Express. Nýggja felagið, sum held­ur til á sama stað sum Flogfelag Føroya, fer at bjóða fram fleiri flutnings­ tænastur bæði loftvegis og sjóvegis. EUR-Express hevur gjørt avtalu við altjóða flutnings- og speditørfyritøkuna TNT Freight Managament um samstarv. Henda fyritøkan hevur skrivstovur kring all­ an heimin. Stovnarar av EUR- Ex­press eru Eron Debes, Uni Danielsen og Rúni Magnusson, hvørs forbók­ stavir geva styttingina í navninum EUR. Felags fyri stovnararnar er at teir allir hava tilknýti til Flogfelagið: Rúni í bók­haldinum, Eron í av­greiðsluni hjá felagnum á flogvøllinum og hevur annars royndir við farma­ flutningi, og Uni sum verð­ ur nevndarformaður. Skipanin er hon, at Rúni og Eron hava ábyrgdina av dagliga rakstrinum, saman við tveimum nýggjum starvsfólkum, Hera Gutte­ sen og Jónu Dam. Felagið bjóðar seg fram til alla avgreiðslu í samband við farmaflutning til og úr Føroyum. Nýtt fraktfelag til allan heimin Jólatónar í Hoyvík Nýggjur prestur í Klaksvík