hósdagur 21. desember 2006síða 12

12 Nr. 247 - 21. desember 2006 Alfred Olsen hev­ur tikið seg úr sam­ gonguni, sum eina beinleiðis avleiðing av, at uppskotið um grein 266 b varð sam­ tykt, og hevur hann sent fylgjandi skriv út POLITIKUR Eftir at hava umhugsað støðu mína til verandi sam­ gongu, ið eg var við til at skipa, gjølla, havi eg tikið ta avgerð, at eg ikki longur eri at rokna sum partur av sitandi landsstýrissamgongu. Eg vil ikki gera kompromi við mína samvitsku, og havi tí tikið hesa avgerð, sum eina beinleiðis avleiðing av løgtingssamtyktini um broyt­ ingar í §266 b í revsilógini. Sjálvt ríkislógartilmælið varð lagt fram av limum í andstøðuni, men tað vóru atkvøður frá samgonguni sum gjørdu, at broytingin í § 266 b varð samtykt. Eg havi áður sagt frá, at samtykta broytingin í § 266 b, eftir mínum tykki, førir tað føroyska samfelagið inn á eina endaleysa skaðiliga glíðibreyt, og at hetta bert er fyrsta stigið til eina avkristnan av Føroyum. Fylgir stevnuskránni Eg vil ikki vera við at sam­ tykkja lógir, ið ganga ímóti boðum og ásetingum í tí kristnu siðalæruni, men vil virka fyri at verja tað føroyska samfelagið móti allari avkristnan og til hetta arbeiðið havi eg full­ an dekning í stevnuskrá floksins, sum í § 1 sigur, at Sambandsflokkurin vil á øllum økjum reka ein framtakshugaðan pol­it­ikk á kristiligum mentanar­ grundarlagi. Sum sambandstingmaður vil eg vera trúgvur móti tí føroyska samfelagnum, sum byggir á tann kristna grund­ vøllin, og trúgvur móti stevnuskrá floksins. Glíðibreytin Samtyktin at broyta § 266 b kemur at føra tað føroyska samfelagið inn á eina vandakós, har tey næstu stigini verða skrásett paralag, adoptión, eftirgjørdan gitna o.s.fr. Hesum taki eg ikki undir við, og eg vil ikki vera partur av eini samgongu, ið stuðlar hesi skeivu gongd. Samgongan kundi, um hon vildi, felt upp­skot­ið frá tveimum and­støðu­ tinglimum, um at skoyta orðini “seksuelle orient­ er­ing” uppí §266 b í revsi­ lógini, tí av teimum 17 tinglimunum, ið samtyktu uppskotið, vóru teir 10 úr samgonguflokkunum. At taka undir við slíkum uppskotum, er ikki tað, sum flokkurin ið eg umboði, Sam­ bandsflokkurin, hevur staðið fyri, men sjálvur fari eg at halda fast við ta kristnu kós, sum flokkurin hevur havt síðani hann var stovnaður fyri 100 árum síðani. Eg havi tí tikið avgerð um, sum beinleiðis avleiðing av løgtingssamtyktini um broyt­ ingar í §266 b í revsilógini, at eg ikki longur eri at rokna sum ein partur av lands­stýris­ samgonguni. Alfred Olsen løgtingsmaður Alfred tikið seg úr samgonguni Løgmaður heldur at avgerðin sum Alfred Olsen hevur tikið, er heilt ótrúliga langt úti. Hann sigur at Alfred sendur rokningina skeivan veg, og um hann skal revsa nakran, so átti hann heldur at revsa sínar egnu partamenn POLITIKUR Rólant Waag Dam rolant@sosialurin.fo Jóannes Eidesgaard, løg­ mað­ur, heldur lítið um avgerð­ina, sum Alfred Olsen hevur tikið, um at taka seg úr samgonguni. – Eg haldi tað er heilt ótrú­ liga langt úti, at hann ger tað til eitt samgongumál. Við hesum kastar hann onkurs­ vegna ábyrgdina á sam­ gonguna og spurningurin er, um tað er rætt av honum, sigur løgmaður. Hann vís­ir á, at í samgonguni vóru tíggju atkvøður fyri upp­ skotinum. Fimm frá Sam­ bandsflokkinum, fýra frá Javnaðarflokkinum og einari frá Fólkaflokkinum. – Hetta hevur ongantíð verið eitt samgongumál, og Alfred gloymir, at fimm at­kvøddu fyri uppskotinum í Sambandsflokkinum. Eg haldi ikki, at hann send­ir rokningina til rætta við­ komandi. – Skal Alfred revsa nakr­ an, so átti hann heldur at revsa sínar egnu, heldur løg­ maður fyri. – Men rímilig vís, hann skal jú eisini yvirliva næsta val eisini, sigur løgmaður, Jóannes Eidesgaard. Nógv hevur verið tosað um samgongustev og breiðu semjuna, og spurningurin er nú, um hetta hevur oyðilagt stevið? – Tað gagnar so ikki stev­ in­um, men vit mugu royna at halda út og seta fokus á onnur mál, sum hóast alt eru, tí tað er ikki bara 266 b til, heldur Jóannes Eidesgaard, løgmaður. Heilt ótrúliga langt úti av Alfred – Eg vil ikki vera við at sam­tykkja lógir, ið ganga ímóti boðum og ásetingum í tí kristnu siðalæruni, sigur Alfred Olsen Mynd: Jens Kristian Vang – Skal Alfred revsa nakr­an, so átti hann heldur at revsa sínar egnu, heldur løg­ maður fyri Mynd: Jens Kristian Vang