hósdagur 21. desember 2006síða 15

Nr. 247 - 21. desember 2006 15 Hósdagin 14. desember 2006 var almenn móttøka í kantinuni hjá Postverki Føroya á Óðinshædd í sambandi við at trý av starvsfólkunum, Ingibjørg Jacobsen, Inga Ellingsgaard og Sverri Viderø fóru frá fyri aldur Móttøka Myndir: Jens Kristian Vang Stjórin í Postverkinum, Sofus Clementsen, beyð vegna partafelagið Postverk Føroya øllum teimum mongu fólkunum, sum stukku inn á gólvið hendan dagin, at vera vælkomin at heiðra Ingi­ bjørg, Ingu og Sverra, nú tey gevast eftir ein langan arbeiðsdag á stovninum. Ingibjørg Jacobsen Ingibjørg Jacobsen byrjaði á posthúsinum í miðbýnum í Havn 15. september 1956, tá postverkið var danskt. Frá 1956 til postverkið varð yvirtikið í 1976, ar­beiddi Ingibjørg sum kont­ór­assistentur og sat við kassan á posthúsinum í mið­ býnum, og síðan yvittøkuna hevur hon arbeitt mest við bókhaldi og roknskapi. Tað eru ikki nógv fólk, sum uppliva at kunna hátíðar­halda sín 50 ára starvs­dag, men Ingibjørg er eitt av teimum fáu. Tá hon hevði 50 ára starvsdag, tann 15. september í ár, fekk hon silvurmedalju frá Drotningini fyri langa og trúgva tænastu. Virkandi stjórin tá, Knud Wacher, sum handaði Ingi­ bjørg medaljuni, helt í hes­ um sambandi røðu, har tað týðuliga kom til sjóndar, at Ingibjørg er sera dugnalig og nógv avhildin. Inga Ellinsgaard Inga Ellinsgaard byrjaði tann 1. september 1962 á „Indleveringsposthus 1“ í Holbergsgade í Keyp­manna­ havn. Eftir at hava verið á Post & Telegrafskúlanum fekk hon starv á Postgarðinum í Købmagergade, har hon var til 1970, tá hon fór í barn­ burðarfarloyvi. Í 1972 fekk hon starv á posthúsinum í Værløse, har hon var, til hon 1. mars 1977 fekk starv hjá Postverki Føroya, sum varð yvirtikið árið fyri. Meðan Inga arbeiddi hjá danska postverkinum, fekk hon sær útbúgving sum yvir­ kontórassistentur. Nógvu fyrstu árini í Før­oy­ um var hon høgra hond hjá postmeistaranum, síðan fekk hon tað álitisstarv at standa fyri lønarútgjaldingini og at avrokna millumlanda post­ flutning. ”Har hevur verið nógv at halda skil á, og ikki kann sigast annað enn at tú hevur gjørt títt arbeiði sera væl”, segði Sofus m.a í síni røðu til Ingu. Sverri Viderø Sverri Viderø byrjaði sum postboð á posthúsinum í miðbýnum í 1965, so hann hevur næstan 42 ár á baki, nú hann gevst. Seinastu nógvu árini hevur hann arbeitt sum deild­ar­ leiðari og havt ábyrgdina av øllum post- og fraktflutningi og av flutningstólunum hjá postverkinum. Sverri hevur dugað væl at verið leiðari fyri síni fólk, hann hevur verið framman fyri sína tíð við modernaðum (motivernadi) leiðslustíli. Sofus kom inn á ábyrgd­ ar­økið hjá Sverra og nevndi bilarnar, sum Sverri hevur havt ábyrgdina av, at teir altíð eru í perfektum standi, altíð reinir og penir. Næmingar á Handilsskúlanum valdu eitt árið bilarnar hjá Post­verk­ inum sum bestu branding. Sofus segði at enda ”Felags fyri tykkum øll hevur verið trúfesti móti sín­um arbeiðsplássi, og hava ikki verið bangin fyri at taka fatt. Tit hava á hvør tykkara hátt, ávirkað ta heilt serligu mentanina, ið er her á staðnum – ein mentan ið ivaleyst fer at halda fram í fleiri ár afturat”. Undir móttøkuni segði Mortan Rasmussen, fyrr­ver­ andi marknaðarleiðari hjá Postverkinum, nøkur orð, og tey trý fráfarnadi starvs­ fólkini høvdu eisini orðið og takkaðu fyri tíðina. mg. Postverk Føroya, móttøka: Trúfesti móti sínum arbeiðsplássi Hesi trý eru nú givin hjá Postverkinum eftir ein langan arbeiðsdag, f.v.: Inga Ellingsgaard, Sverri Viderø og Ingibjørg Jacobsen Sofus Clementsen stjóri í P/F Postverki Føroya takkar teimum trimum Roymer Lamhauge, deildarleiðari, og Mortan Rasmussen, fyrrverandi marknaðarleiðari hjá Postverkinum Nógv fólk møttu til móttøkuna, bæði familja vinir, kenn­ ingar og starvsfelagar Sofus Clementsen handar Ingu Ellingsgaard eina heilsan frá í Postverkinum Annfinnur Reynheim, starvsfólk hjá Postverkinum, og Jan Danielsen, nevndarformaður í P/F Postverk Føroya nøvn