mánadagur 4. desember 2006síða 24

24 [ Nr. 234 - 4. desember 2006 ] SAMBAND jákup Mørk jakup@sosialurin.fo tlf. 341800 ítróttur Craig Bellamy skeyt Liverpool úr mótrákinum, tá hann skeyt tvey mál í fyrsta útisigrinum hjá siðvanda Merseyside- liðnum Fótbóltur Jákup Mørk jakup@sosialurin.fo Er tað nakað, sum Liverpool hevur havt trupulleikar av hetta kappingarárið, so eru tað dystirnir á útivølli. Undan vikuskiftinum hevði liðið roynt seg í sjey av slagnum, men við bara ein­ um máli og tveimum stig­ um kundi úrtøkan verið nakað væl betri. Tað hevur eisini havt hvass­ar atfinningar móti venj­aranum, Rafael Benitez, sum annars gjørdist stóra hetjan, tá hann fyri góðum ári síðani leiddi liðið til sigurs í Champions League. Tann sigurin skuldi verða lopfjølin til eina nýggja stór­tíð hjá liðnum, men síð­ ani hevur ikki gingist heilt so væl. Millum annað hevur verið funnist at keypunum hjá Benitez, og fleiri hava eisini rist á høvdinum at Craig Bellamy, sum í summar varð keyptur úr Blackburn. Men sami Bellamy var leygar­dagin maðurin, sum skeyt Liverpool úr vána útivøllarhagtølunum. Dysturin móti Wigan var ikki meira enn 9 minuttir gamal, tá walisiski áleyparin skoraði fyrstu ferð, og stórt korter seinni hevði hann økt um munin. Tað gav Liverpool trúnna uppá, at uppgávan kundi loysast, og longu undan steðg­inum var Bellamy aft­ ur upp á spæl. Hesa ferð var hann leysur í vinstru, men tá vinkulin var nakað spískur, valdi hann heldur at senda tvørturum, og har kundi somuleiðis nýkeypti Dirk Kuyt senda í netið. Og tá Lee McCulloch beint undan steðginum gjørdi sjálv­­mál, vóru teir reyðu í óvandu støðuni at hava fimm­faldað talið av úti­ vøllar­málum eftir bara ein­ um hálvleiki. Og so var at kalla leyst og liðugt. Wigan royndi at trýsta eftir steðgin, men uppgávan var vónleys, og uttan stórvegis dikkedarir kundi Liverpool koyra fyrsta sigurin á útivølli heim. Ein nýggjur spælari Eftir dystin var Rafael Beni­ tez sjálvandi ovurfegin. Ikki minst um Bellamy, sum hevur havt tað alt annað enn lætt seinastu tíðina. Millum annað tí hann hevur verið partur av rættarmáli, har hann tó varð fríkendur fyrr í vikuni. - Eg sá Craig undir skot­ venjing hósdagin, har hann tóktist sera skarpur. Og eg segði við hann, at eg vónaði, at hetta eisini stóð við leygardagin. - Hann hevði eisini tørv á at prógva, hvussu góð­ ur spælari hann er, og heldur hann fast um hetta støðið, kann hann geva mót­ støðuliðum okkara hópin av trupulleikum. Sigurin leygardaign lyfti Liverpool upp á fimta plássið í Premier League, men enn tykist Rafa at hava bæði beinini væl og virðiliga á jørðini. - Eg ætli mær ikki at rokna upp á nakað sum helst, fyrr enn nýggjarsdagur er farin aftur um bak. Vit hava eina rúgvu av hørðum dystum, og tað eru hesir, sum gera av, hvar vit enda. Mín ætlan er, at vit framhaldandi arbeiða knallhart, og so mugu vit síggja, hvussu støðan er, tá komandi mánaðurin er farin aftur um bak. Kamal er funnin Mustapha Kamal Ndaw, sum í tveimum um­førum er rýmdur frá føroyskum feløgum í úrtíð, er nú funnin. Í 2003 spældi Kamal í B71, men hann rýmdi í summarsteðginum, og søgan var tann sama á Toftum í ár, har Kamal bara hvarv mitt í tí heila. Nú hevur heimasíðan hjá B71 funnið mannin. Hann spælir fótbólt á Kypros, og tað ger hann fyri fe­lagið AEK Larnaca, sum liggur á fimta pláss­ið í kappingini. Á heimasíðu felagsins www.aekition.com ber til at síggja nøkur stutt videobrot úr dystum teirra. Craig Bellamy er stungin avstað, og so fær hann lagt bóltin fram við Chris Kirkland til 0-1 á JJB Stadium hjá Wigan Mynd: Scanpix Úrslit, Premier League Arsenal-Tottenham 3-0 Blackburn-Fulham 2-0 Portsmouth-Aston Villa 2-2 Reading-Bolton 1-0 Sheffield Utd.-Charlton 2-1 Wigan-Liverpool 0-4 Middlesbr.-Man Utd. 1-2 Everton-West Ham 2-0 Aðalfundur Ársaðalfundur fyri 2005 verður í HB-húsi- num fríggjadagin 8. december 2006 kl. 19.00. Tosað verður um 2005, og annars alt leyst og fast kring 12. mann. Øll kunnu møta og limir kunnu tekna seg. Loksins vann Liverpool