hósdagur 28. desember 2006síða 8

8 Nr. 238 - 8. desember 2006 tíðindi Stívliga 60 mans, sum eru við langfaraskipunum Skálabergi og Sundabergi fara at halda jól í russiskum sjógvi í Barentshavinum í ár Fiskivinna Vilmund Jacobsen vilmund@sosialurin.fo Ert tú fiskimaður, liggur tað ikki í tínum hondum at avgera, nær tú ert heima, og nær tú ert burtur. Tú kanst í ein ávísan mun leggja til rættis tíðina umborð, men tað vil altíð vera soleiðis, at tú onkuntíð kundi hugsað tær at verið heima, tá ið tú noyðist at vera burtur. Burtur á jólum Allir fiskimenn kundu eins og flestu onnur hugsað sær at verið heima á jólum, men soleiðis fellir tað ikki altíð hjá sjófólki, minni enn so. Báðir langfaratrolararnir hjá JFK-Troli í Klaksvík verða burtur á jólum. Um árs­skiftið, tá ið fólk hugna sær heima við hús saman við sínum kæru, verða stívliga 60 mans, sum sigla við hesum báðum skipum, í russiskum sjógvi í Barentshavinum. Hanus Hansen, stjóri í JFK-Troli, sigur, at Skálaberg hevur roynt har uppi í eini 25 samdøgur, og Sundaberg er nýliga farin og nærkast nú fiskileiðunum har eysturi. – Fiskiskapurin í russ­ isk­um sjógvi hevur verið brúki­ligur, síðan Skálaberg byrjaði nýggjan túr. Gongst, sum ætlað, koma bæði skipini heimaftur einaferð í januar mánaða. Hann sigur, at útlitini í Barentshavinum eru, at kvoturnar fara at minka, men prísirnir hava verið góðir. – Árið í ár hevur roynst rímiliga væl hjá báðum skipunum, og vit vóna, at komandi ár eisini verður á eini leið, sigur Hanus Hansen. Svartkalvi Sundaberg var á Klaksvík herfyri, har okkurt var gjørt við spølini. Skipið hevur roynt eftir svartkalva í Grønlandi, og reiðarin sigur, at veiðan á túrinum var eini 300 tons. Nú skipið var heima á veg upp í Barentshavið, løgdu teir ikki veiðina upp. – Svartkalvin er umborð enn, og tá ið skipið kemur heim aftur úr Barentshavinum í januar, verður øll veiðan løgd upp, sigur reiðarin, Hanus Hansen. Manningarnar við Skálabergi og Sundabergi burtur á jólum Sundaberg í Ánunum herfyri – júst afturkomin úr Grønlandi, har teir hava fiskað svartkalva. Síðan bar leiðin upp í Barentshavið, har bæði Sundaberg og Skálaberg verða um jólini Mynd: Jens Kr. Vang Stórar ætlanir Bygdaráðið í Hvannasunds kommunu hevur stórar ætlanir, og tað sæst eisini á fíggjarætlanini fyri 2007, tí íløgurnar eru lutfalsliga stórar samanborið við støddina á kommununi. Bygdaráðið hevur játtað tríggjar mió. krónur til skúlaútbygging, tvær mió. krónur skulu brúkast til útstykking og at keypa lendi fyri, og ein mió. krónur fara til vatnreinsiverk. Skattaprosentið í kommununi er 20,1, og tað er tað sama sum í ár. Kveikingardagur Týskvøldið í næstu viku skipar Agenda 21 Stovan fyri kveikingardegi um burðardygga menning á Hotel Hafnia í Havn. Tiltakið er serliga ætlað kommunupolitikarum, kommunalum starvsfólki og øðrum, sum hava áhuga fyri at skapa sjálvberandi og varandi menning í kommununum. Greitt verður frá føroyskum og íslendskum verkætlanum, og høvi verður at kunna seg um møguleikar fyri orkusparing á kommunalum stovnum. Klæmint Weihe, stjóri í SEV, sigur, at elfelagið er líka so ovfarið um olju­ lekarnar á tang­anum á Vágs­verkinum sum Bruna­umsjón Landsins, og tí verður helst ein óheft kanning sett í verk Oljuleki Vilmund Jacobsen vilmund@sosialurin.fo – Jú, vit standa eisini spyrj­ andi, hvussu hetta kundi henda. Vit hava syrgt fyri tí regluliga eftirliti, sum skal gerast – og so kortini hendi hetta, sum ikki eigur at henda. Klæmint Weihe, stjóri í SEV, sigur, at elfelagið í løtuni umhugsar, hvat gerast skal til tess at fyribyrgja, at slíkt ikki hendir aftur. – Vit umhugsa ymiskar møgu­leikar, og ein er at seta í verk eina óhefta kanning sum kanska kann siga okkum, hvørji ráð eru til at taka. Nýggjur botnur Klæmint Weihe sigur, at nú oljan er fingin úr tanganum, umhugsar SEV eisini, hvat skal gerast við stóra tangan á Vágsverkinum, sum lak í tveimum støðum. – Enn er eingin endalig avgerð tikin, men ein møguleiki, sum vit umhugsa, er, at kappa tangan av og síðan byggja ein nýggjan botn undir hann. Stjórin vísir á, at SEV hev­ur fylt 1.500 tons av olj­ uni, sum var í tanganum á Oyrunum, í tangar, sum fel­ agið hevur á Sundi, og síðan er restin fylt í tann minna tangan, ið stendur við síðuna av tí, sum fór at leka. Hann sigur, at oljan, sum er á Sundi, er av júst sama slagi, sum oljan, ið nú er komin av Vágsverkinum. – Slamsúgvarar hjá IRF hava tikið nøkur tons av olju, sum eru farin til oljureinsivirkið á Kambsdali, og síðan er nakað farið út í tangagarðin, sum í samráð við myndugleikarnar á økinum verður reinsaður. Virksemið tryggjað Klæmint Weihe sigur, at sjálvt oljutapið er ikki stórt, men tað virksemið, sum var í Oyrunum í sambandi við hendingina, sjálvandi kostar nakað av peningi. – Okkara virksemi er tryggj­ að, og sum tíðin líður, fæst greiði á, hvat oljulekarnir og tað virksemi, sum gjørdist neyðugt í hesum sambandi, fer at kosta felagnum, sigur stjóri í SEV. SEV um oljulekar: Eru líka so ovfarin sum Brunaumsjón Landsins – Enn er eingin endalig avgerð tikin, men ein møguleiki, sum vit umhugsa, er, at kappa tangan av og síðan byggja ein nýggjan botn undir hann, sigur stjórin í SEV, Klæmint Weihe