hósdagur 28. desember 2006síða 13

Nr. 238 - 8. desember 2006 13 Tórhallur Hansen, Norðragøta, andaðist í morg­ un á Ríkissjúkahúsinum, 74 ára gamal. Kistan kem­ur í Vágar við flogfari fríggjadagin kl. 13:45. Jarðar­ferðin verður lýst seinni. Christoffer Joensen, ættaður úr Sandvík, bú­sit­ andi í Vági, andaðist sunnukvøldið á Suðuroyar sjúkrahúsi, 81 ára gamal. Kistan fer úr kapellinum fríggjakvøldið kl. 18. Jarðarferðin verðu úr Vágs kirkju leygardagin kl. 13. Adelaida Olsen, vanliga nevnd Adelaida á Reyð­ húsi, andaðist mikumorgunin á Klaksvíkar sjúkra­ húsi. Kistan fer frá kapellinum leygarkvøldið kl. 20 heim í Christians kirkjuna. Jarðarferðin verð­ur úr Christians kirkjuni sunnudagin kl. 13.30. Andlát og jarðarferðir Vit sum foreldur og dreingir okkara vilja minnast og takka Tórálvi fyri hansara megnar avrik sum venjari. Tórálvur hevur gjørt eitt gott arbeiði innan Argja Bóltfelag, og alíkavæl hevði hann tíð til at venja dreingirnar frá tí teir vóru 6 og 8 ára gamlir, til hann nú vegna sjúku mátti gevast. Hesir dreingir blivu Føroyameistarir í 1999 og vóru teir fyrstu í AB, sum komu í unglingadeildina og skrivaðu sáttmála við AB í 2005, og tá vóru teir 15 og 16 ára gamlir. Frá 1995 til 2006 hevur Tórálvur vant hetta sama lið við stórum nær­ lagni og áhuga, sum avgjørt hevur komið okkara dreingjum og foreldrum tilgóðar. Ikki at gloyma Haldis, sum altíð hevur verið trúgv og staðið við teirra lið, sum ein mamma fyri allar dreingirnar. Vit hava mist ein góðan formann, venjara og vin. Saknurin er stórur hjá okkum og ikki minst hjá Haldis, Fróða, Jónas og Heðin. Má Harrin styrkja tykkum í tíðini sum kemur. Dreingir og foreldur Minningarorð um Tórálv Stenberg Fríggjadagin 8. desember 2006 hava hjúnini Emma og Sigmar Johannesen í Havn gullbrúdleyp. Tey vórðu vígd av Akseli Tórgarð, presti, í tá­verandi heimi hansara uppi á Torgarði, nærhendis Tinghúsvegnum.  Í hesum umhvørvi vaks eisini Emma upp. Hon var elst av trimum systkjum, foreldur hennara vóru Niels Johannes og Birha Viderø av Viðareiði. Lívið hjá Emmu var ikki altíð so lætt, orsøkin var, at hon hevði heldur veik bein; men Emma hevði góðar handaligar gávur og dugdi bæði væl at binda og ikki minst at tekna.  Eftir lokið realprógv fór Emma í læru á sakføra­skriv­ stovuni hjá Leif Wagestein. Eftir at hon hevði fingið prógv, hendir tað, at hon hittir Sigmar Johannesen frá Norðskála. Foreldur hansara vóru Elsa, f. Joensen, frá Norð­skála, og Johannes Johanne­sen úr Tjørnuvík. Emma og Sigmar hava óiva verið sera forelskaði, tí árið eftir fór Emma við honum yvir til Ìslands, har Sigmar um hetta mundi sigldi við trolara, ið kallaðist Juni. Ìmeðan arbeiddi Emma á einum katólskum sjúkrahúsi, har var hon so væl dámd, at nonnurnar vildu, at hon skuldi gerast ein teirra. Men Emma hevði aðrar ætl­anir, árið eftir fór hon niður til Danmarkar, har hon starvaðist á Skodsborg baði­sanatorium í umleið tvey ár.  Eitt ár seinni avgjørdu Emma og Sigmar at koma heim aftur á klettarnar. Tey komu at búleikast í Havnini og keyptu sær grundøki frá foreldrinum hjá Emmu í vakra umvørvinum nær­ hendis viðalundini. Emma fór í starv á býráðnum, har hon starvaðist í mong ár, eitt nú sum skrivari hjá býar­arkitektinum Gunnari Hoydal. Sigmar keypti sær ein kranabil og var mong ár sjálvstøðugur vinnurekandi og hevði eitt langt tíðskeið sáttmála við byggifelagið E. Phil & Søn.  Heimið hjá teimum hevur altíð verið nógv vitjað, og van­ligt var, at fólk vórðu búgv­ andi har í fleiri vikur, eitt nú tá ið Brøðrasamkoman hevði samfelagsmøtir, kom fam­iljan á Viðareiði ofta at gista, og var hetta sera hugna­ligt. Ein persónur sum ein ikki sleppur undan at nevna er Birtha, móður Emmu, sum var ein hollur stuðul í familjuni bæði andaliga og verðsliga. Emma og Sigmar høvdu eisini sín leiklut í sunnu­dagsskúlanum hjá ad­vent­istunum, har Emma dugdi avbera væl at siga frá søgum, og Sigmar skip­aði fyri útferðum til Leynavatn. Sigmar og Emma fingu bert eittans barnið, Birgir, sum er giftur við polskari konu, ið eitur Agnieszka. Ofta verður sagt, at barna­ børnini eru lívsins dessert, og tað sikkurt nakað um tað tí. Tvey sera fitt barnabørn eru við til at ríka dagligdagin hjá Emmu og Sigmar.  Vit ynskja tykkum Guds ríkligu signing framyvir og vilja takka tykkum fyri allan tann kærleika tit hava givið og lært okkum við lívi tykkara.   Kærastu heilsanir Agnieszka, Birgir, Emma og David Gullbrúðarparið Sigmar og Emma Tøkk Hjartaliga takki eg tykkum, sum á ymiskan hátt mintust meg á 80 ára degnum. Heilsan Inga Beder Tøkk Øllum tykkum, sum á einhvønn hátt gjørdu 75 ára føðingardagin 20. okt. 2006 ógloymandi, takki eg hjartaliga. Takk fyri gávur, kort, uppringingar og tøkk til tykkum, sum komu inn á gólvið. Harrans signing, við ynskjum um gleðilig jól og gott nýggjár. Kristina Poulsen, Hvalba Kunngjørt verður fyri ætt, vinum og kenningum at kæra mamma, vermóðir, omma og langomma okkara Adelaida Olsen Á Reyðhúsi Klaksvík andaðist mikudagin 6. des. á Klaksvíkar Sjúkrahúsi. Kistan fer úr Kapellinum leygardagin kl. 20 heim í kirkjuna. Jarðarferðin verður úr Christianskirkjuni sunnudagin kl. 13.30. Familjunnar vegna Ragnar, Arne og Malan Tey, ið vilja minnast Adalaidu, kunnu í staðin lata eina peningagávu til Leguhúsið í Nesvík. nøvn