mánadagur 11. desember 2006síða 22

22 [ Nr. 239 - 11. desember 2006 ] Gjørdist heldur spennandi Hóast Bent Djurhuus var væl nøgdur um, at hann og StÍF høvdu fingið tvey stig við sær norður úr Havnini, so ásannaði hann, at avrikið fyri tað nógva ikki var meira enn næstbesta. - Eg haldi nú ikki, at hatta var nakar góður dystur, og sum so hevði eg roknað við, at Kyndil var betri fyri, nú teir hava vunnið tvær ferðir á rað. Serliga í fyrra hálvleiki spæla vit beinleiðis illa, men hóast hetta er munurin ongan tíð størri enn trý mál. Og tað sigur væl nakað um, at teirra spæl heldur ikki gekk eftir vild. Tit koma tó fyri tykk­ um, og hava eitt skifti trygga leiðslu. Hvat hend­ir, tá tit missa hesa? - Tað vísir seg, sum skal tað gerast spenn­ andi hjá okkum. Í veru­ leikanum er dysturin jú lukkaður, tá vit gagn­ nýta, at teir eru tveir í undirtali, og tað fær okkum kanska at slappa av. Í øllum førum fáa teir tvey skjót kontra, og so eru teir brádliga við, men tíbetur megn­ aði Jakob so at senda handan seinasta bóltin inn. Tað gav okkum stig­ini, og tað var tað týdn­ingarmesta í dag. - Stigini gera so, at vit hanga í VÍF í oddinum, og longu um tvær vikur skulu vit aftur spæla móti Kyndli. Ta ferðina í steypakappingini. So mugu vit hyggja, um tað eru nøkur mistøk, sum vit kunnu rætta nak­ að upp til tann dystin, sigur Bent flennandi. Javnleik uttan Claus Claus Bech Jørgensen spældi ikki við, tá Blackpool leygardagin spældi javnleik í triðbestu ensku fótbólts­ deildini. Blackpool spældi á heimavølli ímóti Swansea, og liðini fingu eitt mál í part. Tað vóru tó spælarar hjá Blackpool, sum skoraðu bæði málini. Í fyrra hálvleiki gjørdi Dickinson sjálvmál, men sjey minuttir fyri tíð javnaði Vernon fyri Blackpool, sum liggur nummar 11 av 24 liðum í deildini. Blackpool hevur fingið 29 stig fyri 21 dystir higartil. Inter dregur frá hinum Inter spældi í gjár dyst í italsku Seriu A. Dysturin var ímóti Empoli, og Inter vann 3-0. Málskjúttar vóru Hernan Crespo, Zlatan Ibrahimovic og Walter Samuel. Við sigrinum dregur Inter frá hinum liðunum í deildini, og Inter er nú sjey stig frammanfyri næstbesta liðið, sum er Roma. AC Milan hevur trupulleikar, og um vikuskiftið spældu teir málleysan javnleik á heimavølli ímóti Torino. 11 minuttir fyri tíð brendi Milan brotsspark. Tað var ikki tað stóra hondbóltsspælið, sum eyðkendi dystin á Hálsi sunnudagin. Men spenningurin helt sær til tað seinasta, tá Jakob Jónsson sendi seinasta bóltin í Kyndils-meskarnar Hondbóltur Jákup Mørk jakup@sosialurin.fo Í nógvum, nógvum før­ um hava Kyndil og StÍF givið føroyska hond­bólts­ áskoðarunum nakrar av bestu hondbóltsupp­liv­ing­ unum, sum finnast her í Føroyum. Við støði í ferð­ miklum tekniskum spæli hevur talan tíðum verið um sannar góðbitar fyri hond­ bóltsáskoðaran, og tí mundu nógv fara spent niðan á Nabb sunnudagin. Ikki minst heimaáskoðararnir, sum eftir tveir Kyndils- sigrar á rað so smátt vóru farin at trúgva upp á lið sítt aftur. Nógvar villur Men talan varð nú ikki um ta stóru hondbólts­upp­ livingina. Ein fyrri hálv­ leikur við bara 16 málum kundi kanska bent á gott verjuspæl, men tað var nú heldur ikki tað, sum var atvoldin til hetta. Skal nakað positivit finn­ ast hendan hálvleikin, so var tað góða málmansspælið, sum Lars Black og Marian Cirloganescu sýndu. Í aðrar mátar var talan um eitt hav av tekniskum feilum, illa umhugsaðar skotroyndir og eini sera lágari leikferð. Serstakliga gekst illa hjá gestunum fyrstu løtuna, og tyrstu 17 minuttirnar fingu teir bara tvey mál. Lukkutíð fyri teir hevði Kyndil tað ikki so øgiliga nógv betri, og tí fekk StÍF bart seg upp á javnt við seks málum seinastu 12 minuttirnar. Bíðaði til evstu løtu Málini gjørdust nakað fleiri eftir steðgin, men tað var framvegis trupult at finna nakað serligt hondbóltsspæl. Liðini bæði fylgdust væl uppeftir, men um miðjan hálvleikin tók dysturin eina avgerandi vend. Innan fyri eini 20 sekund fekk Kyndil tvær útvísingar, og so vaknaðu StÍF og ikki minst Bárður Danielsen. Væl stríðandi vongurin fekk sær fýra kassar á rað, tá StÍF væl megnaði at spæla undirmannaðu mót­støðuverjuna tunna, og so tóktist alt avgjørt. Ikki minst, tá StÍF sutt eftir aftur økti, soleiðis at støðan fimm minuttir undan dystarloki var 22-17 í teirra favør. Kanska hildu strandingar nú eisini sjálvir, at sigurin var heima. Í øllum førum fekk Kyndil tríggjar ferðir á rað revsað sløsut spæl frá gestunum, og so varð brádliga spennandi. Tá Kyndil so fekk møgu­ leikan at javna, tóktist eing­ in vilja standa við av­gerð­ini. Marian hevði tá longu tikið fýra av fimm brots­køst­um, og tá eingin annar helt sær til, trein Hans Áki fram fyri Kyndil. Tað eydnað­ ist at javna, men í næsta álopinum fekk StÍF kortini svarað aftur. Hetta tá Jakob sendi inn um nærmara stólpa. Kyndil royndi at svara í seinasta álopinum, men sekundini vóru ov fá, og so kundu gestirnir enn eina ferð fegnast um sigurin. Ov nógv á fáum Tað hevur verið sagt fleiri ferðir um StÍF, at ov nógvar byrður liggja á herðunum hjá Finni Hanssyni, og dyst­urin hesa ferð var ikki nakað undantak í so máta. Finnur hevði kanska ikki sín besta dyst, og tó at hann fekk sjey mál, so vórðu hampuliga nógvar skotroyndir nýttar til hesi. Men tað er merkisvert, at løtan, har Kyndil mundi tikið StÍF aftur, var, tá teir fóru út at mansverja Finn. Hóast strandingar nú høvdu bæði Jakob og Leiv við aftur í bakk-ketuni, so tóktist hetta steðga spælin­ um fullkomuliga. Og tað er ein støða, sum StÍF ivaleyst noyðist at arbeiða við til komandi dystirnar. Hjá Kyndli er hinvegin framvegis nógv arbeiði. Enn er Høgni Klein ikki í dystarvenjing, og tað er kanska fyrsta fortreytin fyri, at spælið skal hanga saman. Men fyri tað eigur tað fram­ vegis at kunna roknast við meira enn tí, sum fleiri av hinum spælarunum sýndu sunnudagin. Kyndil-StÍF 22-23 (8-8): Vánaligt men spennandi Talan var fyri tað nógva um sera rótut spæl, tá Kyndil og StÍF dystaðust sunnudagin Mynd: Álvur Haraldsen Kyndil-StÍF 22-23 (8-8) Málskjúttar Kyndil: Hans Áki Dal-Christiansen 6(2), Rókur Akralíð 6, Hanus Johansen 5, Hjalti M. Jacobsen 2, Hans Arni Thomsen 1, Høgni Klein 1, Ken Zachariassen 1 StÍF: Finnur Hansson 7(1), Leivur Justinussen 4, Jakob Jónsson 4, Bárður Danielsen 4, Andre F. Danielsen 2, Bent Djurhuus 1, Terji Poulsen 1 Brotskøst: Kyndil 6. StÍF 1 Útvísingar: Kyndil 4, StÍF 6 Dómarar: Uni Wardum & Hannis Wardum FAKTA