mikudagur 13. desember 2006síða 23

Nr. 241 - 13. desember 2006 23 tíðindi Sjónvarpsvertur úr Hvíta Russlandi og GBOB luttakarin úr Danmark vóru ikki nøgd við úrslitið av GBOB finaluni, ikki tí teirra lond ikki vunnu, men tí Deja Vu ikki vunnu. GBOB Niels Uni Dam nielsuni@sosialurin.fo - Eitt fimta pláss er full­ komiliga líkamikið fyri okk­um, segði ein av tón­ leikarunum í danska bólk­ inum Cody, og helt fram - So leingi sum Deja Vu ikki vinnur, so hava dóm­ ararnir ikki skil fyri, hvat teir gera. Teir vóru eisini alt ann­­að enn sannførdir av ameri­­kanska bólkinum Heavy Mojo. Eftir ljóðroyndina fyrr um dagin, gjørdi Líggj­ as Olsen úr Deja Vu sam­røðu við sjónvarp úr Hvíta Russlandi. Vit fingu orð á sjónvarpsvertin um kvøldið, tá konsertin leið móti endanumm. Hon av­­ dúk­aði, at hennara boð upp á ein vinnara var Deja Vu, tí bólkurin var veruliga góður. Men tey vóru ikki teir einastu, ið ikki vóru nøgd. Eftirveitlan í alt ov lítla dansistaðnum Thirst var merkt av, at fólk vóru í eitt sindur ringum lag og skuffaði. Men hetta er natúrligt í eini kapping. Her er jú talan um 24 bólkar og hjálpar- og vin­ fólk teirra, ið hava tapt. Tað var ein tøtt kapping og eingin skaraði veruliga framúr, so meiningarnar vera altíð deildar, um hvør átti at vunnið, og hvør ikki átti at vunnið. Hetta sama var galdandi í fjør, tá Kopek vann. Eg var staddur á tí konsertini, og stóð púra óskiljandi mótvegis tí úrslitinum, og eftir at hava hoyrt bólkin aftur í ár, skilji eg enn ikki, at hesin bólkur kundi vinna í fjør. Flestu londini høvdu góð­­ar framførslur, bert Tei­­land datt veruliga niður ímill­um við einum sera sera vánaligum bólki, har sangarin uttan iva var versta song­rødd á kvøldinum, og Mol­dova, ið ljóðaði sum eitt boð uppá ein moldovskan Euro­vision vinnara. Áðrenn úrslitið varð al­mannakunngjørt, var bólk­urin, ið eg metti hava bestan møguleika fyri at vinna, Deja Groove úr Avstralia, við blásarum, rappi og jass- og reggae kendum tónum, skapti bólkurinThe London Astoria um til eina stóra veitslu. Men hesin bólkur varð ikki nevndur millum teir fremstu. Eg var eisini sannførdur um at Deja Vu kundi gera seg galdandi, men so varð heldur ikki. ttle Of The Bands Hvíta Russland og Danmark hildu við Deja Vu lov­andi. Rættiliga fitt av fólki var komið saman, tá Deja Vu fór á pallin, og tey sluppu at uppliva ein bólk, ið breyt frá tí annars fjøllbroyttu skránni higartil. Deja Vu var sætti bólkur á pallin og tá høvdu vit longu hoyrt: Harðan skitnan rokk úr Niðurlondum og Serbia, penan fólka rokk úr Danmark, siðbundnan blús og rokk’n’roll úr Hvíta Ruslandi og eletriskt kendan rokk úr Spania. So sveimandi rokkurin hjá Deja Vu vísti bara enn eina síðu av ríku tónleikaumboðanini á konsertini. Limirnir í Deja Vu vóru ymsir á máli um avrikið, tá teir komu av pallinum. Rúni Højgaard trummuleikarin helt, at konsertin fyri hans­ ara viðkomandi hevði ging­ ið sera væl, meðan Flóvin Viderø var eitt sindu verri nøgdur. - Fyri mítt viðkomandi føldi eg tað ikki veru­liga, segði hann. Jan Zacha­ riassen umboðsmaður var illa nøgdur við ljóðið, ið hansara bólkur hevði fing­ ið, men samstundis helt hann, at hetta tó ikki var ein trupulleiki, ið Deja Vu vóru einsamallir um, tí eingin bólkur hevði serliga gott ljóð. Hetta er púra satt, men samstundis krevur sveimandi tónleikurin hjá Deja Vu munandi meira av ljóðinum fyri at virka optimalur, meðan skitin rokkur ikki á sama hátt hevur tørv á góðum ljóði. Ljóðtrupulleikarnir vóru ein natúrlig avleiðing av mátanum, ið GBOB verð­ ur avviklað. Somu ljóð­ menn skuldu taka sær av ljóðinum hjá øllum bólk­ um, hetta merkti, at teir stóðu í hørðum tónleiki allan dagin í sambandi við ljóðroyndirnar, og síðan 6 tímar í sambandi við kon­ sertina. Menninir vóru deyv­ir áðrenn tiltakið fór í gongd. Japanska framførslan var tann mest orginala á kvøldinum Donsku Cody fingu 5. pláss, men hóast hetta, vóru teir keddur um, at Deja Vu ikki vann