hósdagur 1. februar 2001síða 8

14 Nr. 22 - 1. februar 2001 Kyndil hevði tørv á einum unduri, um tað skuldi eydnast teim- um at spæla seg fram til finaluna í Coca- Cola kappingini, men hetta var onga staðni at hóma í Ítrótta- høllini á Hálsi týskvøldið HONDBÓLTUR Jákup Mørk Høvdu kyndilsmenn eina lítla vón um víðari luttøku í kappingini, tá teir týskvøld- ið fóru á vøllin, so var tað skjótt, at vestmenningar høvdu køvt hesa burtur í einki. VÍF buldrandi avstað VÍF legði beinan vegin nógv betri fyri, og ikki minst í verjupartinum var nærlagni stórt. Meðan teir nýttu fyrstu løtuna at skjóta seg fýra – og samanlagt 16 – mál framum, vildi einki rigga hjá Kyndli. Fyrstu 10 minuttirnar skoraðu teir ikki, og hóast teir hesa løt- una fingu eitt mál skeivt kolldømt, og hareftir mis- nýttu eftirfylgjandi brots- kastið, so gekk tað meira enn striltið at spæla seg ígjøgnum tøttu og hart spælandi vestmannaverjuna. Bjarni varð sera væl ans- aður av Inga, og slapp als ikki at seta sín vanliga dám á dystin. Miðverjan tóktist at ansa sera væl eftir Jónleif og fríspælingum hansara, og á veinginum tóktust leikarar ikki at hava neyð- ugu styrkina til at bróta ígjøgnum mótstøðuverjuna. Tað var eisini rættiliga skjótt, at hetta fór at geva seg til kennar við frustra- tiónum á kyndilsliðnum. Vestmenningar spældu, sum nevnt, hart í verjupart- inum. Teir fingu eisini loyvi til tess frá dómaraparinum, og royndu kyndilsleikarar- nir at geva aftur úr somu skuffu. Spakuliga ressaðust teir grønu aftur, og tað eydn- aðist teimum eina lítla løtu at koma upp á javnt, men so svaraði VÍF aftur. Eli læsti Seinna umfarið var yvir- vágin hjá vestmenningum kanska ikki so sjónlig at byrja við. Serliga fyrstu løtuna royndi Kyndil at toga nakað aftur, so teir um ikki annað kundu vinna annan dystin, men brádliga traðkaði Eli Müller í VÍF málinum á bremsuna. Hetta hendi annars beint eftir at liðskiparin hjá VÍF, Ingi Olsen, um miðjan hálvleikin fekk reytt kort fyri at toga Hans Áki Dal Christiansen í armin. Kynd- il hevði tá møguleikan at minka niður í eitt mál, og við Inga burtur úr spælin- um tóktust útlitini góð fyri at pynta um samlaða úr- slitið. Eli tók tó skotið, og so var hann annars heitur. Seinasta korterið av dyst- inum fingu kyndilsmenn bert tað eina málið, hóast teir í løtum vóru bæði ein og tveir mans í yvirtalið. Tað kundi snøgt sagt gera tað sama, hvussu fríir teir vóru, tí Eli megnaði hvørja ferð at bjarga. Undantakið var, tá Bjani smekkaði brotskast heilt upp í hornið, men annars tók hann bara alt, meðan vestmenning- arnir javnt og samt kundu økja um leiðsluna. Óneyðugur dramatikkur Um tað var orsakað av frustratión frá kyndilsleik- arunum um ikki at skora, ella tað var tí VÍF leikarar- nir vóru illir um útvísingina av liðskiparanum, er ilt at gita. Kanska var talan um eina blanding av báðum, men seinasta korterið gjørdist undir øllum um- støðum sera rokmikið. Betri gjørdist tað ikki av, at dómaraparið fullkomu- liga misti takið á tí, sum fyrifórst á vøllinum. Til tíðir hevði hetta sera lítið við hondbólt at gera. Í fleiri førum var heldur farið eftir manninum enn bóltinum, og ógvusligar kropstakling- ar og hevnisøkur stóðu ovar- laga á dagsskránni. Gerðir, sum uttan stórvegis hóvasták kundu borið eini fýra beinleiðis reyð kort við sær, vórðu at kalla ikki sektaðar. Ístaðin fekk Hans Áki eitt heldur bíligt reytt kort, tá hann fekk sína triðju útvísing í dystinum, og spurningurin er kanska, um hann yvir høvur gjørdi nakað brot á hondbóltsregl- urnar, tá hann fekk seinastu útvísingina. Stolta siðvenjan Hetta við harða og til tíðir beinleiðis vandamikla spælinum sýnir tó eisini, hvussu nógv æran kann hava at siga, tá hesir báðir risarnir í føroyskum mans- hondbólti bresta saman. Týskvøldið vóru langt ífrá so nógvir áskoðarar, sum tað vanliga eru til hesar dystir, men væntandi intensiteturin á áskoðara- plássunum gjørdi kanska, at tú betri legði til merkis, hvussu nógv leikararnir løgdu í dystin. Hóast teir ongan møgu- leika høvdu at vinna sam- anlagt, so sýndi Kyndil í longum løtum, at teir fyri alt í verðini ikki vildu tapa dystin. Hinvegin vístu vest- menningar eisini, at hóast teir høvdu eina 12-mála leiðslu í skjáttuni, so høvdu teir ongar sum helst ætlanir um at taka sær av løttum. Betri bleiv tað kanska heldur ikki av, at í lítlu áskoðarafjøldini hoyrdust viðmerkingarnar frá benkrunum enn betri, og ikki kann sigast, at hesar høvdu til endamáls at sissa leikararnar. Ivaleyst kundi ein heil bók verið skrivað um tær meira og minni begávaðu viðmerkingarnar, sum vórðu slongdar út á vøllin. Onkuntíð hevði ein hug at øtast, aðrar ferðir at flenna, men alt í alt hoyrir hetta jú eisini við til undirhaldið. Undirhaldandi Og júst undirhaldandi, var helst tað, sum dysturin var fram um alt. Rokmikil og dramatiskur, hóast spenn- ingurin ikki var í hæddini, og tað sigast at vera stuttligt hjá áskoðarunum, at liðini leggja slíka orku í ein dyst, sum á pappírinum bert skuldi verið ein avgreiðslu- spurningur. Hetta gav úrslit í einum spennandi og undirhaldandi dysti, tó at dramatikkurin gjørdist heldur nógvur, tá spælið fram móti endanum gjørdist ov hart. Tað er tó stórt spell fyri hesi, at nýtta orkan var somikið stór, at tvey reyð kort stóust av. Hjá VÍF hevur Ingi nú leikbann til komandi dyst, sum er móti H71. Hjá Kyndli hevur Hans Áki leikbann til dystin móti KÍF, við tað at hetta var triðja ferðin í ár, at hann fekk reyða kortið. Tvær ferðir av hesum hevur talan verið um tríggjar ferðir tveir minuttir, men smb.kappingarstjóranum hjá HSF telur reglan um leikbann kortini. Dysturin í tølum Málskjúttar: Kyndil: Hans Áki Dal Christiansen 6(2), Uni Wardum 2, Jónleif Sólsker 2(1), Høgni Klein 2, Bjarni Wardum 2(1), Heini Bendtsen 2 VÍF: Áki Olæsen 10(4), Danut Negro 5, Ingi Olsen 3, Rógvi Nielsen 2, Harald Bjørgvin 2, Agnar Joensen 1, John Zachariasen 1 Brotskøst: Kyndil 7, VÍF 5 Útvísingar: Kyndil 5, VÍF 4 Diskvalifikatiónir: Kyndil 1 (3X2 minuttir), VÍF 1 (beinleiðis reytt) Dómarar úr Tjaldri: Dánjal Hansen og Kári Hansen. Mistu tamarhaldið á dyst- inum seinasta korterið, og gav hetta úrslit í óneyðuga hørðum og ófantaligum spælið. Vónandi ikki eitt fyribrigdi, sum fer at end- urtaka seg. Nr. 22 • hósdagur • 1. februar 2001 • 75. árgangur • www.sosialurin.fo Kyndil-VÍF 16-24 (8-12) Ikki bønhoyrdur Serliga eftir útvísingina av Inga Olsen var dramatikkur ovarlaga á skránni. Hart spæl og hevnisøkur vóru loyvd, uttan at dómararnir sektaðu hetta nóg harðliga Myndir: Álvur Haraldsen GÓÐIR BRÚKTIR BILAR Tjaldursvegur • Postsmoga 3171 • 110 Tórshavn • Tel. 31 61 61 Bilarnir finnast eisini á: www.nissan.fo Nissan Primera 1.6 Player, vínreyður, 4 hurðar, árg. 1995, 99.000 km. 98.000 Nissan King Cab 4x4 TD Hvitur, 2 hurðar, árg. 1995, 75.000 km. 105.000 Nissan Patrol 3.3 Turbo H/T, Reyður, 3 hurðar, árg. 1988, 98.000 km. 25.000 Opel Corsa 1.4i Sport 5sp, reyður, 3 hurðar, árg. 1996, 64.000 km. 79.000 Citroen Saxo Diesel 1.5D Gráur, 3 hurðar 51.000 km 90.000 Corsa Joy Gráur, 5 hurðar, árg. 1995, 56.000 km 76.000 Corsa Swing 1.4 16v Bláur, 5 hurðar, árg. 1997, 57.000 km. 93.000 Honda Accord 1.8 Grønur, 4 hurðar, árg. 1996, 100.000 km. 117.000 Nissan Primera 1.6 SLX St. car, gráur, 5 hurðar, árg. 1993, 85.000 Opel Astra ST. Car Bláur, 5 hurðar, árg. 1997, 115.000 km. 105.000 Opel Corsa 1.4 Swing Reyður, 3 hurðar, árg. 1998. 90.000 Opel Corsa 1.4 16V, Swing Grønur, 5 hurðar, árg. 1997, 42.000 km. 95.000 Opel Corsa 1.4 Swing Bláur, 3 hurðar, árg. 1998, 36.000 km. 85.000 Peugeot 306 XS 2.0 St. Car, bláur, 5 hurðar, árg. 1998, 29.000 km. 128.000 Toyota Carina E, Diesel Grønur, 4 hurðar, árg. 1995, 201.000 km. 110.000 Toyota Hi Ace, Diesel Hvítur, 5 hurðar, árg. 1990, 201.000 km. 60.000 Sosialurin Høvuðsreingerð Privat, virkir, fyritøkur, stovnar, skip og bussar Vaskarí & Reingerð tlf. 316300 gsm 211312 Fái eina høvuðsreingerð nú áðrenn sólin sær! TILBOÐ Nú kanst tú ogna tær tað mest framkomnu BERNINA seymimaskinuna til ein sera lágan prís. Vanligur prísur fyri BERNINA Artista 180 er kr. 20.995,- Vanligur prísur fyri broderemoduli er kr. 4.155,- Íalt kr. 25.150,- BERNINA Artista 180 + broderemodul nú einans íalt kr. 17.500,- SPARIÐ kr. 7.650,- Bátur til sølu Føroyskt bygt 7 mannafar í góðum standi,bygdur í 1986,29 hestakreftir,Ruggini 29 Diesel. Tlf.444846 Sosialurin - 311820 Stóra bringu -ella lítla? Dr. Jacobsensgøta 18 100 Tórshavn Tel./Fax 316610 Visti tú at 80% av øllum kvinnum ganga í skeivari BH-stødd? Vælkomin inn á gólvið hjá okkum og vit hjálpa og vegleiða tær at finna júst tína stødd. Ring til okkum og avtala tíð. Vit hava BH í støddum úr 65 til 110 cm. í ummáli, og frá AA til H skál. Vit hava eisini korsilett í stórum støddum -har tað hendir Rætti bilurin til mong endamál. Pláss fyri 7 fólkum og hópin av viðføri. 2.9 Dohc Turbo-Diesel16 V, 126 HK, 5 hurðar CARNIVAL Sosialurin - 311820 Tel. 310 600 Bókhald Føroya Shell søkir starvsfólk til bókhaldið á høvuðsskrivstovuni í Tórshavn. Arbeiðið fevnir um: • ábyrgd av ognara- og skuldarabókhaldinum • vera við til at gera mánaðarroknskapir v.m. • avgreiðslu av viðskiftafólki • annað fyrisitingararbeiði Vit vænta at tú: • hevur HA,HH ella líknandi útbúgving • hevur royndir innan bókhald og skrivstovuyrkið • er hollur teldubrúkari • hevur innlit í roknskaparlig viðurskifti Vit kunnu bjóða: • eitt fjølbroytt og sjálvstøðugt starv við avbjóðingum • møguleikar fyri útbúgving og persónligari menning • góða løn við eftirlønarskipan í samsvar við útbúgving og royndir. Hevur tú hug at vita meira um starvið, ert tú væl- komin at ringja á telefon 34 74 00 lokal 213. Fyri- spurningar og umsóknir verða viðgjørd í trúnaði. Umsókn við prógvum og viðmælum, merkt »bókhald« skal sendast til P/F Føroya Shell,Postboks 188, 110 Tórshavn, og má vera okkum í hendi í seinasta lagi mánadagin 19.februar 2001. KONSERT Alexander Vaulin – klaver í Vestmanna skúla hósdagin 1. febr. kl. 19.30 Norðurlandahúsið sunnudagin 4. febr. kl. 16:00 Skrá: N.W. Gad sonata í e-moll Stenhammer tre fantasier Steðgur Grieg sonata í e-moll Ilja Bergh Spanske indtryk KONSERTFELAGIÐ NORÐURLANDAHÚSIÐ