mánadagur 15. januar 2007síða 6

6 Nr. 10 - 15. januar 2007 Tað eru boðini av løgreglustøðini, har rapportin einans var tíggju síður long. Og tað sum fylti hana vóru smáting. Stuldur, okkurt minni ferðsluóhapp, eldur í eini garasju, fullir menn og herverk á tveir bilar LØGREGLUTÍÐINDI Rólant Waag Dam rolant@sosialurin.fo Tað er onki óvanligt, at rapportin hjá løgregluni er 30 síður long eftir eitt vikuskifti. Í so máta var talan um eitt serstakliga friðarligt vikuskifti, har samlaða frágreiðingin var tíggju síður til longdar. Stuldur, okkurt minni ferðsluóhapp, eldur í eini garasju, fullir menn og her­verk á tveir bilar var tað, sum fylti mest í viku­ skiftisrapportini. Ferðsluóhapp við Landsfjósið Seinnapartin fríggjadagin ringdi ein maður í vestur­ býnum í Havn og boðaði frá, at nakrir óbodnir gestir høvdu tikið tríggjar kassar av øl frá honum. – Her hava vit so onkur spor og okkurt navn at arbeiða, sigur vakthavandi á løgreglustøðini í morgun. Nakað seinni fríggjadagin – um hálvgum sjeytíðina – fór ein bilur út av veg­ num millum Kollafjørð og Hósvík, beint við Lands­ fjósið. Bilurin fór sera illa, men kvinnan í bilinum slapp snikkaleys. Eldur og fýrverk Leygarnáttin var friðarlig og er millum lítið og onki skrivað í frágreiðingini frá midnátt og út eftir. Men tá klokkan var hálvgum átta leygarmorgunin var aftur boð eftir løgregluni. Úr vesturbýnum í høv­uðs­ staðnum vóru fólk vaknaði við kaldan dreym, tá ein hvøllur brestur brádliga var at hoyra. Fólk fóru at hyggja hvat hetta mundi vera og gjørdust tá varug við, at eldur var í eini garasju. Mað­urin, ið átti garasjuna, sløkti sjálvur eldin við ein­ um eldsløkkjara. – Her bera nærri kann­ ingar á tað borðið, at onk­ ur hevur tveitt fýrverk inn í garasjuna, sum so er orsøk til eldin, verður sagt av løgreglustøðini, har tey arbeiða víðari við máli­ num. Kundi verið klíptur av Seinnapartin leygardagin fekk løgreglan, umvegis alarmsentralin, fráboðan um eitt ferðsluóhapp mill­ um Kambsdal og Fugla­ fjørð. Trý fólk vóru í bili­ num, tvey vaksin og ein 11 ára gamal drongur. Bilurin fór niðan av veg­ num og inn í eitt berg. Ann­að av teimum vaksnu breyt beini og hitt fekk heila­­skjálvta, meðan drong­ urin, sum sat óbundin á baksetrinum, slapp uttan stór­vegis mein. Hetta var ómeta­liga væl sloppið, tí drongurin varð slongdur út í gjøgnum síðurútin, men ikki tí megin har bergið var. Hevði tað verið støðan, hevði drongurin helst verið klíptur av, tá bilurin og bergið brustu saman. Tríggir sjúkrabilar komu. Ein úr Eysturoynni og tveir úr Klaksvík, og var løg­reglan úr Runavík og Klaksvík skjót á staðið. Eitt frálíkt dømi um, hvussu gott tað er at samferðslunetið er so væl útbygt. Seint leygarkvøldið fekk løgreglan í Havn eina frá­ boðan um stuldur við Kiosk­ina uppi undir Varða í Havn. – Har høvdu nakrir ótang­ ar tikið fløggini, sum hingu uttan fyri, men 17 minuttir eftir at vit høvdu fingið fráboðanina, hingu fløggini aftur har tey skuldu. Okkara menn vóru úti, og sóu dreingirnar við fløggunum í býnum. Fløgg­ini vóru sett upp á pláss aftur, og so verður ikki meiri gjørt burtur úr tí, sigur vakt­ havandi. Friðarlig nátt Sunnunáttin var friðarlig. Løgreglan vakti nøkur full fólk, sum lógu og svóvu í býnum, men annars hevði løgreglan ikki so nógv at takast við, sum eina vanliga sunnunátt. – Kanska eru tað onkur, sum hava gjørt nøkur nýggj­ árslyftir, heldur vakthavandi skemtandi fyri. Sunnumorgunin ringdu tey á Farstøðini og vildu hava løgregluna oman. – Har svóvu nøkur full fólk, og vit noyddist tí oman at reka á dyr, sigur løgreglan, sum leggur aftrat, at hetta er við at vera ein afturvendandi trupulleiki. Sunnudagin fekk løg­ reglan eisini fráboðan um herverk á tveir bilar, har speglið á tí eina var brotið av, meðan onkur hevði spark­að inn á síðuhurðina á hinum bilinum, sum so hevði fingið eina buglu. Hetta er í høvuðsheitum tað, sum stendur í tíggju síðu stuttu frágreiðingini hjá løgregluni í høvuðsstað­ num, sum samanumtikið hevur havt eitt stak friðarligt vikuskifti. Fongslaður í Keyp­manna­ havn fyri rús­evnis­ smugling Ein 25 ára gamal føroy­ ingur varð leygardagin varðhaldsfongslaður í Keypmannahavn, skuld­ settur fyri at hava smugl­ að rúsevni til Føroya. Dómarin gjørdi av, at maðurin skal sita í varðhaldi í seks dagar, og sum skilst verður hann sendur til Føroya. Sambært ákæru­valdi­ num hevur maðurin sent rúsevni við postinum til Føroya, og løgreglan sigur hann hava smuglað 400 ecstasytablettir til tveir persónar í Føroyum síðani august í fjør. Løg­ reglan veit, hvørjir teir báðir móttakararnir eru. Grundlógar­av­hoyr­ing­ in í Keyp­manna­havn í dag var fyri afturlatnum hurðum, men sambært TV2 noktaði maðurin seg sekan og kærdi av­gerðina um varðhald til lands­rættin. Í morgun var onki nýtt at frætta í málinum, tá vit spurdu á løgreglustøðini í Havn. Martin hugleiðir Í annaðkvøld, týskvøldið, fer leiðarin í Føroya­ húsinum í Keypmannahavn, Martin Fjallstein, at at líta aftur um bak við hugleiðingum, sum hann kallar ”Eitt stutt tíðarskeið - ein fjølbroyttur skari. Heitið sipar til, at Martin hevur gjørt av at siga seg úr leiðarastarvinum í Føroyahúsinum eftir 11 ára starvstíð. Í hugleiðingunum fer hann millum annað at siga frá hendingarríkum árum við bæði frustrasjónum og løttum løtum. Stak friðarligt vikuskifti Skúlaskip onga hjálp Tey, sum varða av danska skúlaskipinum ”Danmark”, hava ætlanir um at senda skipið á eina ferð kring Jørðina. Millum annað er ætlanin, at skipið skal vera í Beijing, tá olympisku summarleikirnir verða har í 2008. Ferðin er mett at kosta 14 mió. krónur, meðan hóast stigtakararnir hava fingið nógv rós fyri hugskotið, er áhugin fyri at stuðla ætlanini so sum so. Hóast nógvar umsóknir um stuðul hevur skipið bara fingið eina hálva mió. krónur. Bilurin fór sera illa, men kvinnan slapp snikkaleys, tá hon í bili sínum fór út av vegnum í hálkuni leygarkvøldið og mundi rent á Landsfjósið Mynd: Jens Kr. Vang tíðindi