mánadagur 15. januar 2007síða 12

12 Nr. 10 - 15. januar 2007 Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. nøvn SAMBAND magnus gunnarsson maggi@sosialurin.fo tlf 341800 fax 341801 Kunngjørt verður fyri ætt, vinum og kenningum, at Margrethe Olsen ættað av Viðareiði, búsitandi í Havn andaðist 11 januar, 90 ára gomul. Jarðarferðin verður úr Vesturkirkjuni týsdagin kl. 13.00 Familjan Tey ið ynskja at minnast Margrethe, kunna lata eina gávu til Ellisheimið í Havn, á konta í Eik. Fríggjadagin var samkoma í Stóra Pakkhúsi í Vági í samband við, at Marianna Eystberg fer frá sum leiðari á posthúsinum í Vági Nøvn Dagfinn Olsen dagfinn@sosialurin.fo Nógv fólk var komið saman á samkomu í Stóra Pakkhúsi í Vági fríggjadagin. Sam­ kom­an var í samband við leið­araskifti á posthúsinum í Vági. Marianna Eystberg fer frá vegna aldur, eftir at hava starvast á deildini í Vági í útvið 26 ár. Joan Poulsen tek­ ur nú við sum leiðari. Stjóri og leiðsla á Post­ verkinum vóru á samkomuni og søgdu nøkur orð og takk­ aðu Marionnu fyri trúgva tænastu hesi mongu árini. Marianna byrjaði á post­ hús­inum 1. apríl í 1981 og hon hevur trivist væl í starvinum. Hon sigur seg hava havt góðar starvsfelagar og hon metir, at posthúsið hev­ur verið eitt sera gott arbeiðs­ pláss. Marianna sigur, at sera nógv er hent hesi árini, hon hevur starvast á deildini í Vági, men stórar broytingar eru fyri framman, sum hon eisini kundi hugsað sær at verið við til. Men nú er annað á skránni hjá Marionnu. Hon fer nú at taka sær av sínum 8 ommubørnum. Hon hevur eisini verið virkin bridgespælari og tað ætlar hon sær nú at taka uppaftur. Og so vónar Marianna, at hon eisini fær stundir at lesa nakað av tí, ið hon ikki hevur havt stundir at lisið. Marianna Eystberg havt síðsta starvsdag Joan Poulsen og Marianna Eystberg Mynd: D. Olsen Tað verður kunngjørt fyri ætt og vinum, at kæra góða mamma okkara Turið Elisabeth Kjølbro f. Thomsen, Klaksvík andaðist á Norðoya Ellis- og Vistarheimi leygarkvøldið 13. januar 2007, 88 ára gomul. Farið verður úr kapellinum á Klaksvíkar Sjúkrahúsi týskvøldið 16. januar kl. 18, heim í Christianskirkjuna. Jarðarferðin verður mikudagin kl. 13. Finn, Karin, Sjúrður, Poulina og Katrin Tey, ið vilja minnast mammu okkara, kunnu lata eina gávu til Norðoya Ellis- og Vistarheim, konta í Norðoya Sparikassa. Fyrrverandi tingmaðurin fyri Javnaðar­ flokkin í Sandoyar valdømi, Jógvan Adolf Johannesen í Dali, andaðist fríggja­dagin 12. januar. Hann var føddur 20. juli í 1936 og var sostatt 70 ára gamal, nú hann legði árarnar inn. Jógvan Adolf var dalbingur, og nú hann var eftirløntur, búði hann í barna­ heiminum í Dali, í Putlhús­inum. Jógvan Adolf var lærari, politikari og vinnulívsmaður. Hann leyk lærara­ prógv í 1962. Eftir at hava verið lærari í Rituvík í seks ár, flutti hann í 1968 til Skopunar, har hann var fyrsti lærari frá 1970 og til hann í 1997 legði lærara­starvið frá sær. Frá 1971 og til 1992 var hann kommunuskrivari í Skopun. Í 1988 varð Jógvan Adolf Johanne­ sen valdur í Løgtingið fyri Javnaðar­ flokkin í Sandoyar valdømi. Hann var tingmaður í tíggju ár. Í 1972 keypti Jógvan Adolf saman við øðrum 50 tonsaran Dalbúgvan. Hetta var byrjanin til reiðaravirksemið hjá Jógvani Adolfi og øðrum. Ikki minst, tá ið kreppan herjaði í níti árunum, høvdu politiska og vinnuliga dirvið og hugflogið hjá Jógvani Adolfi stóran týdning fyri Sandoynna. Jógvan Adolf verður jarðaður í Dali mikudagin kl. 13. Friður verið við minninum um Jógvan Adolf Johannesen. Sosialurin Jógvan Adolf farin Lesið -so eru tit við!