mánadagur 15. januar 2007síða 25

25 [ Nr. 10 - 15. januar 2007 ] Espanyol vann á Barcelona Lítlibeiggi sigraði á stórabeiggja, tá tey bæði feløgini úr Barcelona, FC Barcelona og Espanyol, brustu saman í grannauppgerðini í vikuskiftinum. Dysturin var leiktur á heimavøllinum hjá Espanyol, og áskoðararnir blivu vitnir til ein sera góan fótbóltsdyst. Luis Garcia legði uppiborið Espanyol á odda 1-0. Um miðjan seinna hálvleik javnaði Saviola fyri Barcelona, men ístaðin fyri at geva upp valdi Espanyol at kempa víðari, og hetta gav úrslit. Móti endanum fingu teir tvey mál aftur, sum Raul Tamudo og Rufete skoraðu, og sostatt vann Espanyol slagið um Barcelona ímóti stórabeggjanum, FC Barcelona. Fyrsti ósigur til Juventus Juventus rendi seg í sín fyrsta ósgiur í næstbestu deildini í Italia, tá teir møttu Mantova á útivølli. Úrslitið gjørdist 1-0 til Mantova, og hetta var ikki bert fyrsta tapið hjá Juventus. Hetta var eisini fyrstu ferð í hesum kappingarárinm, at Juventus mátti fara av vøllinum uttan at hava skotið nakað mál. Tapið ber við sær, at Juventus er dottið niður á 6. pláss í Seriu B, har Mantova við sigrinum fór fram við stórfelagnum. Svimjarar fingu gull­ nálir, okkurt før­oyskt met var sett, meðan aðrir svimjarar svumu und­ir kravtíðirnar til Oyggjaleikirnar í svimjikapping í Vági, sum hevur ver­ið síðstu tvey viku­skiftini SVIMJING Teitur Joensen teitur@sosialurin.fo Síðstu tvey vikuskiftini hevur svimji­høllin í Vági verið karmur um svimjikapping, har fleiri føroyskir svimjarar hava fingið stak góð úrslit. Kappingin fekk eina av­bera góða byrjan síðsta viku­ skiftið, tá tveir svimjarar úr Tvøroyrar Svimjifelag vunnu sær gullnál. Talan var um Juttu Thomsen og Monu Simonsen, sum báðar fingu gullnál á teininum 1500 m frí. Bæði Jutta og Mona svumu undir fyrrverandi før­oyska metið, men av tí at Jutta var eitt vet frammanfyri Monu, so er tað hon, ið eigur nýggja føroyska metið. Shaila til Oyggjaleikirnar Var byrjanin á kappingini góð fyrsta vikuskiftið, so helt henda gongdin fram seinna vikuskiftið. Shaila Millum Garðarnar frá Tvøroyrar Svimjifelag hevur í kappingini klárað kravtíðina til Oyggjaleikirnar komandi summar, og hetta verður sostatt fimta ferðin, at hon skal taka lut á Oyggja­ leikunum. Pál Joensen frá Vágs Svimji­­felag svam seg eisini fram til føroyskt met á tein­ in­um 1500 m frí. Hann kom á mál í tíðini 15.56.21, og sostatt gjørdist hann fyrsti føroyingurin, sum svam henda teinin undir 16 min­ uttir, og tað er eitt sera flott úrslit av honum. Met blivu sett – nálir vunnar Umframt føroysku metini hjá Juttu Thomsen og Pál Joensen á ávikavist 800 m frí og 1500 m frí, so vóru eisini fleiri bólkamet sett í kappingini í Vági. Pál Joensen setti m.a. bólka­met á teininum 100 m firvald í bólki 5 við tíðini 1.00.10, men eisini Høgni Minét Rasmussen úr Havnar Svimjifelag setti okkurt bólka­met. Á teininum 1500 m frí setti Høgni bólkamet í bólki 4 við tíðini 17.21.10, og eisini á teininum 400 m frí setti hann bólkamet í bólki 4 við tíðini 4.21.78. Kravið til luttøku í FM er bronsunál, og onkrir svimj­­ arar vunnu sær eisini brons­ u­nál í kappingini í Vági. Jan Hofgaard frá Tvøroyrar Svimjifelag vann bronsunál á teininum 50 m bringa í tíðini 0.38.80. Afturat honum vann eisini Sofus Beck úr Vágs Svimjifelag bronsunál. Hann vann á teininum 50 m frí í tíðini 0.31.31. Næsta svimjikapping verð­ ur á Toftum 20. januar fyri bólkarnar 1 og 2. Svimjikapping í Vági Heiðursmerkjabýtið Felag Gull Silvur Bronsu Tvøroyrar Svimjifelag 11 10 6 Vágs Svimjifelag 8 1 8 Flot 7 7 4 Fuglafjarðar Svimjifelag 4 1 2 Havnar Svimjifelag 1 4 1 Ægir 0 4 5 Kyndil vann seg av aftasta plássi, tá teir vunnu tryggan sigur í grannuppgerðini ímóti Neistanum í Atlantic Airways deildini sunnudagin. Við sigrinum hava teir lagt seg undir liðina á Neistanum HONDBÓLTUR Teitur Joensen teitur@sosialurin.fo Bæði Kyndil og Neistin fingu eina heldur keðiliga byrj­an uppá endaspælið í Atlantic Airways deildini hjá monnum. Kyndil var á vitjan í Hoyvíkshøllini hjá botn­ liðnum, H71, og her eydn­aðist hoyvíkingum at vinna dystin. Neistin hevði heimavøll ímóti hin­um botnliðnum, KÍF, og eis­ini teir máttu lúta fyri koll­ firð­ing­unum. Sostatt vóru tað tvey lið, sum skuldu royna at fáa vind í aftur seglini, sum møttust í grannuppgerðini í høllini á Hálsi sunnudagin. Undan hesum dystinum hevði Neist­in havt takið á Kyndli í hesum kappingarárinum við einum sigri og einum javnleiki, og tí hevði Kyndil nú møguleikan at fáa sín fyrsta sigur á Neistanum í hesum kappingarárinum. Kyndil dró frá síðstu minuttirnar Í fyrra hálvleiki var næst­ an alt, sum bendi á, at áskoð­ararnir fóru at vera vitni til ein sannan gysara í grannauppgerðini millum Kyndil og Neistan. Fyrstu løt­una fylgdust liðini væl at, og sjálvt um Neistin helst var heldur oman á, so var munurin ongantíð meir enn 2 mál á liðunum. Spælið var eisini til tíðir skjótt og gott, og hetta gjørdi, at fólk fingu valuta fyri pengarnar. Spælið gekk skjótt frá enda í annan, og hetta gjørdi, at liðini fingu nógv mál í fyrra hálvleiki. Tá fimm minuttir restaðu av fyrra hálvleiki, stóð enn á jøvnum ímillum liðini, men so tók Kyndil veruliga dik á seg. Síðstu løtuna av fyrra hálvleiki skoraðu teir fimm ferðir, meðan Neistin bert fekk eitt mál. Kyndil varðveitti leiðsluna Høvdi liðini fylgst væl at at kalla allan fyrra hálvleik, so leyp Kydil avstað fyrstu løtuna av seinna hálvleiki. Eftir 10 minuttir høvdu teir økt um leiðsluna, soleiðis at teir nú vóru heili 6 mál frammanfyri, og nú sá ikki gott út hjá Neistanum. Brádliga byrjaðu leikar­ar­ nir hjá Neistanum at gera um seg. Teir tóktust síggja veruleikan í eyguni, og teir byrjaðu at leggja Kyndil und­ ir eitt ávíst trýst. Eitt mál fyri og annað mál eftir bleiv tikið av kyndilsleiðsluni, og knappliga vóru aftur bert tvey mál á muni. Nú var dyst­urin púra opin, men so kúvendi aftur. Næstu langu løtuna steðg­ aði fullkomiliga upp aftur hjá Neistanum, og hesa løt­ una gagnnýtti Kyndil til at avgerða dystin. Teir megnaðu at vinna sær eina 6 mála leiðslu, og so var dsturin í roynd og veru avgjørdur, tí nú vóru bara knappir 10 minuttir eftir at leika. Kyndil megnaði eisini at varðveita leiðsluna, soleiðis at tryggi sigurin varð fingin til høldar. Við sigrinum hev­ ur Kyndil vunnið seg av aft­asta plássi, og nú hava teir lagt seg undir liðina á grannunum úr Neistanum á stigatalvuni. Kyndil-Neistin 35-30 (20-16): Kyndil vann slagið um Havnina Kyndil vann slagið um Havnina, tá teir møttu Neistanum í Atlantic Airways deildini. Við sigrinum hava teir nú lagt seg undir liðina á Neistanum á stigatalvuni Kyndil-Neistin 35-30 (20-16) Málskjúttar: Kyndil: Janus Einar Sørensen 8 (1), Rókur Akralíð 7, Høgni Klein 6 (2), Ragnar Stakksund 5, Kenn Zachariassen 4, Hans Áki Dal Christiansen 3, Hanus Johansen 1, Hjalti Jacobsen 1 Neistin: Blagoje Buha 7 (2), Carl Herup Olsen 7, Tróndur Kragesten 4, Birgir Poulsen 4, Jugoslav Djumic 3, Áki Mørk 3, Roar Dalsgarð 2 Brotskøst: Kyndil 7, Neistin 2 Útvísingar: Kyndil 2, Neistin 6 Dómarar: Hannis Wardum & Uni Wardum FAKTA