týsdagur 23. januar 2007síða 17

Nr. 16 - 23. januar 2007 17 tíðindi Røðan, sum Heðin Mortensen, borgarstjóri helt við hátíðarhaldið í Kollafirði leygardagin Góðu kollfirðingar – góðu gestir Endiliga upprann dagurin, ið tit í Kollafirði og KÍF leingi hava bíðað eftir. Tað kann av sonnum sigast, at dagurin í dag er há­tíð­ar­dag­ur í Kollafirði. Byrjað varð í skúlanum, har vit sóu ein mest sum nýggjan skúla. Síðani fóru vit í nýggju læknahølini, og nú eru vit komin til triðja stóra hátíðarhaldið í Kollafirði í dag, nú ið Ít­rótta­høll­in alment verður tik­in í nýtslu. Eitt av stóru ynskjunum hjá kollfirðingum seinastu árini hevur verið at fingið eina ítróttahøll til vaksandi virksemið hjá KÍF, og ikki minst, at felagið í hondbólti og flogbólti kann venja og spæla sínar heimadystir á egnum vølli fyri sínum trú­ føs­tu áskoðarum og fjeppa­ r­um. Striltið hevur gingið, men sum orðatakið sigur: Tolin trívst. Nú er ynskið uppfylt, og stendur henda stásiliga høll liðug, og skal tað vera mín vón, at høllin fer at vera góður karmur um virksemið, ið fer at verða her. Eg ivist ikki í, at tit, ið varða av, og eru virkin í ítróttafelagnum í bygdini, og fólkið alt, fara at njóta gott av, at bygdin hevur fing­ ið eina stóra og stásiliga ít­rótta­høll, har møguleikar verða fyri ítróttatiltøkum og fel­ags­lí­vi av ymsum slagi. Tað, at samansjóða skúla og í­trótta­høll tykir mær at vera gott hugskot, tí nú kann m.a. ítróttaundirvísingin í skúlanum gerast uppaftur fjøl­broytt­ari og meira spen­ n­andi. Havi hug at nevna í hesi heilsan, at í Kolla­fir­ði hava verið og eru un­dan­gongu­ fólk, ið hava torað og havt áræði at bróta upp úr nýggj­ um og royna nýggjar leiðir og avbjóðingar. Hugsi um “Hallarstuðlar”, sum við eldhuga og á­grýt­ ni hava gjørt eitt stórt og týðandi arbeiði at full­føra hesa verkætlan, sum eg veit, fer at hava ó­meta­lig­ an týdning fyri triv­nað­in og fjølbroytnið í í­trótta­ til­boð­un­um í bygdini, og sum ikki minst fer at verða týdningarmikil fyri sam­leik­ an, samveruna og sam­an­ hald­ið. Um virksemið hjá Hallar­stuðl­um fer Vagnur Jo­hanne­sen at greiða frá. Lítið veiggj hevði verið í før­oy­ska ítróttinum, um ikki tær mongu sjálvbodnu eld­sál­ ir­nar: felagsnevndir, ít­rótta­leið­ar­ar, venjarar, leik­ar­ar, viðhaldsfólk, stuðl­ ar og í hesum føri “Hallar­ stuðl­ar”, høvdu lagt so stórt ar­beiði í ítróttin, sum teir og tey gera. Hesi fólk eru lív­æð­rin og hjartatátturin í einum virkisfýsnum ítrótta­ felags­skapi og í arbeiðinum at skapa fyritreytir og menn­ ing í eini bygd ella komm­ unu. At byggja eina tílíka ítróttahøll kostar. Og tað kos­t­ar nógv. Men eg haldi, at hetta er ein skilagóð ílø­ ga, sum kemur øllum sam­ felag­num til góða. Tí hetta er ikki bara ein íløga í eina høll, sum børn og ung­dóm­ ar okkara kunnu nýta at íðka ítrótt í. Nei, ein tílík ítróttahøll er ein savningardepil, ein men­ta­nar­mið­dep­il í nær­um­ hvørv­in­um. Eitt skulu tit vita: Tórs­ havn­ar býráð hevur stóra virð­ing fyri tí arbeiði, ið tit hava gjørt, og teirri orku, tit hava brúkt at gera umstøðurnar betri at íðka ítrótt í bygdini. Tí ítróttur er okkara størsta ein­sta­ka mentanarliga grein. Ong­in onnur mentanargrein hev­ur so nógv virkin fólk. Ítrótt­ur er besta trygdin fyri eini sunnari sál í ein­ um sunnum likami, og ovur­stóri týdningurin, ið ítrótt­ur hevur í barna- og ung­dómsarbeiði, skal ikki verða undirmettur. Um rætt verður atborið, stimbrar og styrkir ítrótturin uppalingina og fólkaheilsuna og er bes­ ta trygdin, verndin at fyri­ byrg­ja, at ungdómur okk­ara ikki kemur út í rús­evn­is­­mis­ nýt­slu ella aðra skaðiliga á­virk­an. Í mínum arbeiði sum for­ seti í Ítróttarsambandi Før­ oya og við mentanarpolitikki ha­vi eg sæð stóra týdningin, tað hevur fyri trivna og menn­ing í landi okkara, at vit eiga ein virknan ung­ dóm, sum ikki sparir seg, men leggur tíð og orku í at kappast móti javnlíkum í báti, hyljum og á leik­vøll­ um. Vit, sum fáast við ítrótt og tí­skil hava dagligt samband og samstarv við fjøld av fólki í øllum aldri, ið er virk­in í ítróttinum - serliga ung­dóm, kvinnu sum mann - und­rast og fegnast støð­ugt, hvus­su eldhugi og sjálvs­ofr­ an kunnu flyta fjøll - og gera tað! Tað er við gleði, at eg sum borgarstjóri, í dag kann staðfesta, at Í­trótta­ høll­in í Kollafirði er vorð­in veruleiki, og at vit í komm­ un­uni eru komin enn eitt stig á leiðini at nøkta hallar­ tørv­in í kommununi. Eg skal at enda takka øllum, sum hava verið við í arbeiðinum at byggja høll­ ina, og fari eisini at ynskja koll­firð­ing­um og KÍF, Kolla­f­jarð­ar skúla og øllum borgar­um í Tórshavnar komm­unu hjartaliga til luk­ ku og góða eydnu við hesi stá­si­li­gu ítróttahøll. Heðin Mortensen, borgarstjóri: - Hjartaliga tillukku og góða eydnu við hesi stásiligu ítróttahøll