mikudagur 24. januar 2007síða 27

9 Fjølbroyttir sangarar í uppskoti Fimm góðir, men ymiskir føroyskir sangarar eru í uppskoti til virðislønina sum besti sangari í Føroyum í 2006 Besti sangari Eyðun Klakstein eydun@sosialurin.fo Tað er eitt fitt petti frá Róki Jákupssyni til Kára Sverrson, tá leiðini eisini skal ganga umvegis Ólav Jákupsson, Teit Lassen og Hans Marius Ziska. Men hesir fimm sangarar eru teir, sum eru tilnevndir til Planet virðislønina sum besti sangari í 2006. Hans Marius Ziska er sangari í bólkinum Marius. Hans Marius er rocksangari, sum klárar at fáa tey góðu løgini at sita, sum tey skulu. Útgávan hjá Marius vísti ein sangara, sum er væl fyri, og sum dugir at syngja tað, sum hann skal. Kári Sverrison hevur verið virkin í føroyskum tónleiki í nógv ár, og hann fann fyri nógvum árum síðani sín serstaka stíl sum sangari og tónleikari. Hann syngur og spælir við íblástri úr gomlum føroyskum og heimstónleiki, og tað tykist, sum at hann altíð fær tað at rigga. Ólavur Jákupsson er tann eyðkendi sangarin í bólkinum Gestir. Tað kann verða trupult at pástanda, at Ólavur er ein góður sangari ella ein minni góður sangari, tí hansara stílur er so serstakur, at tað er trupult at samanlíkna hann við nakran, og so hevur hann vælsaktans klárað at funnið seg sjálvan sum sangar og oddmann í Gestum. Rókur Jákupsson hevur verið lagd rødd til tónleikin hjá eitt nú MC Hár og All That Rain, men samstundis hevur hann eisini skrivað og sungið sín egna tónleik sum solistur. Hann gav í fjør út eina EP-fløgu við sínum sangum, og á við ymiskum framførslum hevur hann víst sítt potentiali sum sangari. Seinasti sangarin í uppskoti til hesa virðislønina er Teitur Lassen. Hann er fremsti singer/songwriter, sum vit eiga, og røddin hjá honum hevur allatíðina verið í miðdeplinum. Teitur kemur víða við sínum tónleiki, og ongum nýtist at ivast í, at røddin hjá honum heldur allan vegin. Kvæðarokkur, hittpunkur og Teitur Kappingin um Planetina til besta føroyska bólkin ella einstaklingin er hørð. Fimm góð nøvn bjóða seg fram Besta útgáva Eyðun Klakstein eydun@sosialurin.fo Gestir, Makrel, The Dreams, Teitur og Týr eru tilnevnd til virðislønina sum besta fløgan í 2006. Burtur úr rúgvuni er Teitur tann, sum er komin longst uttanlands, hóast Týr støðugt taka seg fram uttanfyri Føroyar. Teitur kvetti fjør sambandið við stóra amerikanska plátufelagið Universal, men tað forðaði honum ikki í at geva eina nýggja fløgu út, sum kanska er enn betri enn tann, sum hann gav út hjá Universal. Stay Under The Stars kallast fløgan, sum tekur eitt fet longri enn undanfarna fløgan hjá Teiti. Teitur hevur eisini vunnið fram í Danmark, og har er hann í uppskoti til eina virðisløn á Danish Music Awards, og tað er eitt bragd í sær sjálvum. Tað tók sína tíð hjá Gestum, at gera útgávuna hjá sær lidna, men tá hon so kom, var tað ein spennandi fløga, ið fekk góð ummæli – bæði heima og burturi. Gestir eru serstakir, teir hava funnið sín egna stíl, og tað er altíð eitt gott útgangsstøði at hava. Markel tók við útgávuni Transcend tráin upp eftir Wonderland, og bólkurin vísir við tónleikinum á hesari útgávuni enn bleytari síður av sær sjálvum. Útgávan ger eisin, at Makrel helst hevur ein breiðari áhoyrarskara enn áður. The Dreams vóru stóra hittið í føroyskum tónleiki í 2006, og tí tað er tað ikki meira enn sjálvsagt, at teirra fløga verður tilnevnd á Planet Awards. Punkað hitt hjá føroyskum bólkum góvu The Dreams sítt veruliga gjøgnumbrot í Føroyum, og nú kunnu teir vinna eina virðisløn fyri hetta avrik. Seinasta fløgan í rúgvuni er Ragnarok hjá Týr. Kvæðarockurin hjá Týr hevur altíð verið spennandi, men bólkurin hevur støðugt tikið seg fram. Ljóðið er blivið betur, framleiðslan meira sannførandi, og við Ragnarok hevur bólkurin helst avrikað sína bestu útgávu higartil. Rókur Jákupsson hevur í bólkum og sum solistur víst, at hann er ein frálíkur sangari The Dreams fekk veruligt gjøgnumbrot og var millum best umtóktu bólkarnar í Føroyum í fjør Besti sangari Hans Marius Ziska pla bs 1 Kári Sverrison..... pla bs 2 Ólavur Jákupsson pla bs 3 Rókur Jákupsson.. pla bs 4 Teitur.................. pla bs 5 Send til tlf. nr. 1930 Besta útgáva Gestir – Burtur Frá Toftunum.. pla bu 1 Makrel – Transcend............ pla bu 2 The Dreams – Tazy................... pla bu 3 Teitur – Stay Under The Stars pla bu 4 Týr – Ragnarok ............. pla bu 5 Send til tlf. nr. 1930