týsdagur 30. januar 2007síða 9

9 tíðindi Nr. 21 - 30. januar 2007 Kavarar fingu nógv ymisk dýrasløg upp av Havnarvág sunnudagin og serliga børnini hugnaðu sær óført í Vágsbotni sunnudagin Hugnaløta Áki Bertholdsen aki@sosialurin.fo - Tey spurdu beinanvegin, nær tað verður aftur. Karl Robert Vang, for­ maður í froskmanna­fe­lag­ num í Havn er vælnøgdur við tiltakið hjá felagnum sunnudagin. Tað var á miðdegi sunnu­ dagin, at einir 10 kavarar løgdu frá landi ymsastaðni rundanum Havnina. Ørind­ ini vóru at leita eftir dýrum á Havnarvág at vita, hvussu mong sløg, teir kundu fáa við sær aftur til lands. Og klokkan 15 sunnu­ dagin, bar til hjá øllum áhug­aðum at síggja fongin niðri í Vágsbotni, har øll dýrini vórðu slept livandi í kørini, sum tey plagdu at selja fisk og fugl í, men sum vórðu fylt við sjógvi og sandi til hetta serliga høvið. Har var rættiliga fitt av fólkið komið saman at hyggja og tað var eisini nógv at hyggja at. Har vóru bæði kúvingar og krabbar, skrubbur og reyð­ sprøkur, sjómýs og kross­ fiskar í ymsum støddum og litum og annað. Tað skerst ikki burtur, at serliga børnini hildu hetta vera forvitnisligt og tey stuttleikaðu sær óført at fanga tey ymsu dýrini – ella bara nema við. Aftaná fekk akvariummið á Argjum øll dýrini og so vórðu tey dýrini tikin frá, sum áhugi var í og so skuldi restin sleppast aftur í havið. At fólk longu spurdu, nær tað verður aftur, tekur formaðurin sum eitt tekin um, at tað var vælydnað. Børnini vóru forvitin og hugnaðu sær óført í Vágsbotni seinnapartin sunnudagin. Og so var málið rokkið, tí ætlanin var júst, at hetta skuldi vera ein hugnaløta, umen ein heldur øðrvísi av slagnum Forðingar hjá kvinnum í politikki Mikukvøldið klokkan sjey verður almennur fundur á Parnassinum á Hotel Hafnia. Tað er Javnstøðunevndin og Demokratia, sum er nevndin fyri øktum kvinnuleikluti í politikki, ið skipa fyri. Og spurningurin, sum er til viðgerðar á hesum fundi, er, hvat forðar kvinnum at vera við í politikki. Á hesum fundinum fer Eyðgunn Samuelsen, forkvinna í Demokratia, at siga frá nevndararbeiðinum higartil og framtíðarætlanum. Eisini verður búmerkið hjá Demokratia lagt fram. Aftaná fara granskararnir, Beinta í Jákupsstovu og Eli Kjersem, at leggja fram úrslit frá spurnakanning ímillum tey, sum vórðu uppstillað til kommunuvalini í 2000 og 2004, við serligum atliti til kvinnuumboðan. Í hesi framløguni fara tær at vísa á nakrar forðingar hjá kvinnum í at vera við í politikki, og á nøkur stig, sum kunnu takast fyri at fáa fleiri kvinnur at stilla upp og verða valdar. Eisini hesin fundurin endar við kjaki og einum kaffimunni. áki Fingu alt møguligt upp av Havnarvág Eyðgunn Samuelsen fer at greiða frá framtíðarætlanini hjá demokratia-nevndini a almennum fundi á Hafnia í Havn mikukvøldið Nú er olja funnin tætt við hjá føroyska oljufelagnum, Atlantic Petroleum. Stjórin heldur, at sjálvandi er hugaligt, men veit kortini ikki, hvat tað kann merkja Nú um dagarnar bórust tey tíðindi, at stórar oljunøgdir eru funnar í Golden Eagle oljuleiðini í bretska partinum í Norðsjónuim Hetta økið er tætt við Ettrick- oljuleiðina, sum er størsta virkisøkið hjá før­ oyska oljufelagnum At­lan­ tic Petroleum. Eygleiðarar eru varnir, men teir meta, at hetta kann merkja, at meira olja er á Ettrick-leiðini, enn tey higartil hava hildið.  Eisini Vilhelm Petersen, stjóri í Atlantic Petroleum heldur, at tað er ov tíðliga at siga nakað um, hvønn týdning, hetta kann fáa. Hann hevur sjálvandi hoyrt tíðindini, men kennir ikki so nógv til tey annars. Men tað er greitt, at verður Golden Eagle-oljuleiðin tengd at Ettrick, kann hetta fáa stóran týdning fyri okk­ um, sigur hann. - Hetta liggur tætt við okkara øki og tað er sjálv­ sagt áhugavert, at olja er funnin í grannalagnum, sum hann tekur til. Eygleiðarar meta, at nú olja er funnin í Golden Eagle, er eisini sannlíkt at olja er í Ettrick og tað kanska í størri nøgdum enn higartil mett.  Kanningar higartil hava annars bent á, at einar 50 miliónir tunnur av olju eru á økinum, og við dagsins prísi eru tær verdar næstan 15 milliardir krónur Parturin hjá Atlantic Petroleum í Ettrick økinum 8,27%. Men tíðindini um, at olja er funnin í Golden Eagle, hava givið partabrøvunum í Atlantic Petrolum eitt kvink uppeftir. Torført at siga um tað fær týdning À vestara armi á Skálafirði er bara at telja, tí ongastaðni eru so nógv húsanummur sum á teimum fýra bygdunum Húsanummur Áki Bertholdsen aki@sosialurin.fo Ongastaðni í Føroyum eru so høg húsanummur sum á Selatrað. Tað vísir ein uppgerð, sum Matrikkulstovan hevur gjørt. À Selatrað kanst tú koma at búgva á Selatraðarvegi 895 og so høgt uppi eru húsanumrini ikki nakra aðrastaðni í landinum. Yvirhøvur eru húsa­numr­ ini sera høg í bygdu­num á vestara armi á Skála­ fjørðinum. Sostatt kann eis­ini onkur á Morskranesi eisini búgva á Selatraðarvegi 496 og á Strondum kann onkur búgva á Strandavegi 375. Og á Skála kann onkur búgva á Skálavegi 361. Suðuroyingar fylgja eisini eitt sindur við, tí har er ein bústaður á Froðbiarvegi 308. Í Havnini, har mesta fólk­ ið býr, sleppur ongin longur upp enn tey, sum búgva á Berjabrekku 208. Matrikkulstovan sigur á heimasíðuni, at orsøkin til høgu húsanumrini á vestara armi á Skálafirði, er, at har eru vegirnir merktir við húsanummari fyri hvørjar 10 metrar. - Ein fyrimunur við hes­ um er, at skalt tú finna Selatraðarveg 895, kanst tú stilla teg við bili­num á Raktanga, har Sela­traðar­ vegur byrjar og stilla tripp­ teljaran á null. - Tá ið tú so hevur koyrt 8950 metrar, stendur tú uttanfyri Selatraðarveg 895, sigur Matrikkulstovan. Kunnu brúka bilin at finna húsini við Á Vestara armi á Skálafirði hava tey sett eitt húsanummar fyri hvørjar 10 metrar og so kanst tú finna húsanummari við bilinum.