týsdagur 30. januar 2007síða 14

14 Nr. 21 - 30. januar 2007 Leygardagin 20. januar royndasigldi Vestmanna Sløkki- og Bjarginarlið ein gummibjargingarbát, ið kann sigla við yvir 40 míla ferð. Eingin ivi er um, at bygdini tørvar ein slíkan bát, sigur Fríðálvur Bláhamar, sløkkiliðsleiðari Trygd Magnus Gunnarsson maggi@sosialurin Myndir: Birgir Waag Høgnesen Vestmanna Sløkki- og Bjargingarlið hevur í umbúnað at keypa ein skjóttgangandi gummi­ bjargingarbát við føstum botni, ið kann sigla við yvir 40 míla ferð. Báturin, ein portugisiskur Valiant Vanguar, er góðkendur til 15 fólk, men kann taka 20-25 fólk umborð um ikki siglt verður – um t.d. bíðað verður eftir hjálp á einum vanlukkustað. Motorurin er ein 115 hk Mercury. Tá hugsað verður um fjølbroytta virksemið á sjónum og við sjógvin, har ofta nógv fólk samlast, er eingin ivi um, at bygdini tørvar ein slíkan bát, sigur Fríðálvur Bláhamar, sløkkiliðsleiðari í Vestmanna. Nevnast kunnu eitt nú útróðurin, alsamt vaksandi ferðavinnan við bátum her úr bygdini og stevnurnar – Fjarðastevnan og bátastevnan, har rættuliga nógv fólk savnast á og við sjógvin! Báturin kann eftir 10 minuttum verða á nærmastu útróðrarleiðunum. Eisini kann báturin brúkast til at leggja forðingar út í samband við oljudálking á sjónum. Her kann nevnast, at Vestmannahavnar Havn eigur neyðugu forð­ing­ arnar. Sløkkiliðið hevur júst útvegað pumpu, sum skjótt kann siglast á vanlukkustað á sjónum, har hon bæði kann brúkast til at sløkkja og lensa við. Fríðálvur Bláhamar sigur, at ætlanin er at vinnululívið og aðrir instansir, sum hava við sjógvin at gera, koma at fíggja bjargingarbátin. Við allari nautiskari útgerð og búnum til manningina kann sløkki- og bjargingarliðið fáa bátin fyri 250.000 kr frá P/f Stubbanum í Vestmanna, sigur Fríðálvur Bláhamar. Vestmanna Sløkki- og Bjargingarlið: Skjóttgangandi gummibjargingarbát Manningin á sløkki- og bjarginarliðnum við bátinum framman fyri brandstøðini Vestmanna saman við Kára Hansen frá P/f Stubbanum Vestmanna Sløkki- og Bjarginarlið royndasigldi gummibjargingarbátin leygardagin 20. januar Tað er slíkur grav­ gangur eftir at byggja ídnaðarvirki í Klaks­vík, at lendið, sum Klaksvíkar Kommuna hevur tikið til endamálið, er alt ov lítið Í Klaksvík hava tey bjartar vónir um framtíðina. Tað má ásannast, skulu vit døma eftir tí virkis­ fýsni, sum er í okkara norð­asta býi. Og tað hevur givið bý­ráð­num í Klaksvík ein trupul­leika at dragast við. Men hetta má sigast at vera ein trupulleiki av tí slagnum, sum tey nógva staðni kring landið munnu øvunda klaksvíkingum, tí hann er av tí meiri hugaliga slagnum. Klaksvíkar Býráð hevur tikið eitt økið, sum er sett av til at byggja ídnaðar­ virki á. Hetta økið er á vestara armi á Borðoyarvík, frá bátahylinum og úteftir. - Býráðið hevði umsókn­ ir um grundstykki at byggja ídnað­ar­virki á og tí útveg­ aðu vit hetta økið til enda­ málið, sigur borgarstjórin, Steinbjørn O. Jacobsen fyri Portalinum. Á hesum stykkinum er pláss fyri sjey grund­stykkj­ um til virkisbygningar. - Men tað er alt ov lítið, tí nú tørvurin er gjørdur upp, vísir tað seg, at tøvur er á minst 14 stykkjum. Borgarstjórin sigur, at sostatt má býráðið útvega meiri lendið til ídnaðar­ øki. - Eftir ætlan fer býráðið sostatt aftur í samráðingar við hagan um at fáa meiri lendi til ídnaðarøki, sigur hann. Men hann væntar ikki, at tað verður nakað spøri í tí og tað fer býráðið í holt við nú. Steinbjørn O.Jacobsen heldur, at hetta er ein spenn­andi trupulleiki, býráðið hevur. - Hetta má sigast at vera hugaligt, tí tað er tekin um at tað er lív í her norðuri og at bjartskygnið er stórt. Borgarstjórin sigur, at talan er um alt handa slag av fyritøkum, sum ætla at byggja. Tey, sum ætla at byggja ídnaðarøki, hava gjørt eitt felag og standa sjálvur fyri at gera lendið byggi­ búgvið. Klaksvíkingar fingið ein huga­ ligan trupulleika Klaksvíkingar eru bjartskygdir og tað gevur býráðnum ein hugaligan trupulleika at loysa