týsdagur 30. januar 2007síða 29

29 [ Nr. 21 - 30. januar 2007 ] Sivic sendir varamannin Sjúka í nærmastu familjuni hevur forðað fyri, at Tomislav Sivic kundi byrjað venjarayrkið eftir ætlan, nú hann aftur skal venja VB/ Sumba. Við Dimmalætting sigur Bogi Mortensen, nevndarlimur í VB, at tað í fyrsta umfari verður hjálparmaðurin hjá Tomislav Sivic, sum kemur hendavegin. – Vit hava ein sáttmála við hann, sum gongur yvir tvey ár, og tann sáttmálin er framvegis galdandi. Hann er í eini ringari støðu heima og sær seg ikki føran fyri at koma, sum nú er, men her er eingin panikkur, og hetta hevur heldur ikki órógvað leikarahópin so øgiliga nógv, sigur Bogi Mortensen við Dimmalætting. Materazzi aftur skallaður Uttan iva var mest umtalaða hendingin í HM-kappingini í fjør, tá Zinedine Zidane stútaði italska Marco Materazzi, og harvið fekk reytt kort í sínum seinasta altjóða dysti. Um vikuskiftið var Materazzi aftur partur av líknandi hending, tá Gennaro Delvecchio úr Sampdoria skallaði verjuspælaran hjá Inter. Hetta eftir at Materazzi hevði skeldað um fyrilitarleyst spæl frá Sampdoria-áleyparanum. Útvísingin gjørdi annars uppgávuna hjá Inetr lættari. Liðið vann sí n14. dyst á rað, og teir tykjast hava snórabeina kós móti italska meistaraheitinum. Líkt var til, at Veselin Topalov fór at vinna ársins fyrstu superstórmeistara­ kapping, men hann snávaði somikið seinastu umførini, at Teimour Radjabov og Levon Aronian fingu hægstrataða telvaran í heiminum aftur Talv Carl Eli Nolsøe Samuelsen carl_eli@hotmail.com 19 ára gamli Teimour Radja­ bov leyp hvøkk á tey flestu við sínari flúgvandi byrjan. Hvørki Veselin Topalov, Vis­wanathan Anand ella Vladimir Kramnik megnaðu at fylgja við. Og tað varð eisini ein annar maður, ið fekk steðgað Radjabov; nevni­liga Levon Aronian. Aronian hevði svarta fólkið í 8. umfari ímóti odda­mann­ in­um, men fekk kortini skjótt fyrimun og vann eisini trygt. Topalov blandaði seg síð­ ani av álvara í oddastríðið, og hevði Radjabov og Aronian í hølunum alla kappingina. Kompromileysa telvingin á breddan Topalov vann sær miðskeiðis í kappingini 3,5 stig av 4 og áðrenn 11. umfari varð bulgarska stórmenni fremst við 7,5 stigum. Topalov hevði tá vunnið fimm talv og leikt fimm javnleikir. Serliga sigrarnir á Anand og Alexei Shirov vóru vakrir. Og tá Topalov hevði vinn­ andi fyrimun í talvinum ímóti Peter Svidler, sá alt sera ljóst út hjá honum. Men eitt mistak vendi gongdini, og Svidler vann talvið. Kramnik hevði undan talv­ inum ímóti Topalov í 12. umfari vunnið tvey talv og leikt níggju javnleikir. Eitt rættiliga vanligt úr­slit hjá tí altíð støðuga Kram­nik, sum sjáldan telvar kom­promi­ leyst. Kramnik hevði ongan trupul­leika at fáa javnt við svørtum ímóti Topalov. Ein uppgerð sum nógv gleddu seg til, tí í HM-dysti teirra í heyst vóru jú ákæringar um snýt og trlduhjálp í sentr­ um. Teir heilsaðu ikki uppá hvønn annan áðrenn talvið í Wijk, sum siðvenja annars er. Meðan Topalov steðgaði upp ímóti endanum, vunnu Aronian og Radjabov seg upp á liðina á Topalov. Serliga er úrslitið hjá Aroni­ an og Radjabov framúr­skar­ andi, meðan Topalov svaraði væl aftur eftir HM-tapið ímóti Kramnik. Magnus Carlsen hevði tað torført í Wijk. Hann leikti níggju javnleikir og tapti fýra talv. Kramnik og Aronian vóru teir einastu, sum ikki taptu nakað talv. Javnt í Klaksvík Seinasta vikuskiftið vóru tveir dysti í 1. deild á skránni. Í Klaksvík var odda­brak millum Klaksvík 1 og Vestmanna, og úrslitið varð 2-2. Bæði liðini høvdu avboð; Steintór Rasmussen á heimaliðnum og Carl Eli Nolsøe Samuelsen, Vest­ manna. Vestmenningar høvdu vinn­andi støður á øllum fýra borðunum, men klaks­vík­ ingar stríddust manniliga. Eitt nú vendi Ólavur Simon­ sen gongdini á 3. borði, tá hann leingi hevði havt vánaliga støðu ímóti Jákup á Rógvu Andreasen. Heini Olsen og Rani Nolsøe høvdu ivasamar støður ímóti John Rødgaard og Sjúrði Thorsteinssyni, men báðir fingu kortini javnt. Samson Højgaard fekk tíð­ liga greiðan fyrimun ímóti Finnbjørn Vang, og við hin­um trimum úrslitinum, endaði dysturin tískil 2-2. Klaksvíkingar eru 1 stig framanfyri vestmenningar undan seinastu tveimum umførunum. Sandavágsmenn vunnu 2,5 – 1,5 á einum skerdum havnarliði. Hvørki Mart­in Brekká, Finnbjørn Zachari­ as­sen ella Andrias Ziska vóru við. Kappingin er nú býtt í tvey: Klaksvíkingar og vest­ menningar telva um gullið, meðan restin telvar um bronsuna. Einki lið flytur niður, tí kollfirðingar tóku seg úr kappingini í heyst. Hans Kristian vann á Oyrarbakka Kollfirðingurin var greið­ ur favorittur at vinna viku­ skiftiskappingina Rókur Open, og Hans Kristian Simon­sen vann eisini rími­ liga trygt. 4,5 stig av 5 ogn­aði hann sær. Rógvi E. Niel­sen leikti javnt ímóti vinnaranum, og Rógvi fekk eisini eitt flott 3. pláss við 3,5 stigum. Ein av javnleikum hansara var ímóti pápa sínum, Torkili Nielsen. Tork­ il hevði eina soltna kapping við 3 stigum. Aðrir telvarar við 3,5 stig­ um vórðu Jákup F. Joensen (vann á Torkili) og Jón Greger­sen. Hesir vunnu rating­virðislønirnar. Heldur óvæntað varð Margar Berg nr. 2 við 4 stigum. Hóast evnini eru har, hevur Margar ikki rættiliga fingið sítt gjøgnumbrot. Møguliga varð Rókur Open hansara gjøgnumbrot. 24 telvarar telvaðu við, og tað er á gongdari leið. Sagt verður frá Talvfelagnum Róki, at ætlanin er, at kapp­ ingin verður afturvendandi. Støðan, Wijk aan Zee 1 V. Topalov 8,5 1 L. Aronian 8,5 1 T. Radjabov 8,5 4 V. Kramnik 8,0 5 V. Anand 7,5 6 P. Svidler 7,0 7 S. Karjakan 6,5 7 D. Navara 6,5 9. R. Ponomariov 6,0 10. L. van Wely 5,0 10. S. Tiviakov 5,0 10. A. Motylev 5,0 13. A. Shirov 4,5 13. M. Carlsen 4,5 Tríggir vinnarar í Wijk aan Zee Topalov, sum her telvar móti Radjabov, hevði eina trygga leiðslu í Wijk Aan Zee, men at enda komu bæði Aronian og Radjabov ájavnt við hann í stigum