mánadagur 5. februar 2007síða 24

24 [ Nr. 25 - 5. februar 2007 ] – Vit máttu vinna dystin Eftir sigurin á VÍF fingu vit orðið á Hans Áka Dal Christiansen hjá Kyndli. Hann helt, at Kyndil vísti sera góð­an vilja síðstu løtuna. – Hatta var ein harður dystur, har vit máttu kempa alt tað, vit áttu. Vit skuldu jú helst vinna dystin fyri at kunna blanda okkum í odd­in, og hetta gekk akku­rát. Vit eru aftan fyri at kalla allan vegin, men vit vistu, at hetta var síðsti út­vegur. Móti endanum kemur verjan hjá okkum ótrú­liga væl við, og so fer álopið eis­ini at koyra. Magnus kem­ur eisini inn í málið og stendir ein brand­­dyst, og hetta smitt­ ar av á hinar leikararnar. Sjálvt um vit vunnu henda dystin, so síggji eg okkum enn sum out­ sidarar at røkka einum finlu­plássi. – Hetta má bara gloymast Agnar Joensen há VÍF var alt annað enn nøgd­ur við tapið ímóti Kyndli. – Hatta kunnu vit ikki brúka til nakað sum helst. Vit mugu bara royna at gloyma dyst­­in bein­­an­vegin, áðr­enn steypa­final­una næsta viku­skiftið. Vit spæla ein góðan dyst og føra við fýra mál­um, tá 10 minuttir eru eftir. Móti end­an­um byrja vit tó at spæla ov individu­elt, og hetta kostar. Hetta er sjálv­andi ein keði­lig upp­ takt undan steypa­final­ uni, men vit kunnu spæla nógv betri enn tað, vit vístu í dag, so tað verður heilt øðr­vísi leygar­ dagin. VÍF førdi trygt allan dystin, tá teir vitjaðu hjá Kyndli í Atlantic Airways deildini, men síðstu 10 minuttirnar vendi Kyndil dystin, sum teir at enda vunnu trygt. Við sigrinum blandar Kyndil seg nú rættiliga í oddin HONDBÓLTUR Teitur Joensen teitur@sosialurin.fo Tann sokallaði klassikarin í føroyskum hondbólti var á skránni leygardagin, tá Kynd­il tók ímóti VÍF. Fyrr í ár hevur einki klassikarakent verið yvir dystunum ímill­ um Kyndil og VÍF, tí VÍF snøgt sagt hevur verið væl betri, men undan hesum dyst­in­um var øðrvísi. Vann Kyndil leygardagin, so kundu teir leggja seg undir lið­ina á StÍF á øðrum plássi, og harvið veruliga blanda seg uppí oddastríðið. VÍF skuldi í sínum lag royna at vinna dystin, so teir kundu koma enn nærri einum plássi í FM-finaluni, sam­ stund­is sum teir kundu fáa Kyndil enn longri frá einum finalu­sessi. VÍF streyk avstað VÍF hevur havt munin á Kyndli í ár, og í báðum dyst­ un­um í grundspælinum vann VÍF rættiliga sannfør­ andi. Leygardagin var eisini líkt til, at gongdin fór at vera júst tann saman, sum í undanfarnu dystunum. Fyrstu 10 minuttirnar fylgd­ust liðini væl, og kanska hevði Kyndil eina lítla yvirvág í spælinum, men so tók VÍF fullkomiliga yvir. Næstu 10 minuttirnar fóru teir frá at vera aftanfyri 5-4 til at leggja seg á odda 10-7, og nú høvdu teir líka sum lagt støðið. Hesa løt­ una var verjan hjá VÍF sera góð, og Kyndil tóktist hava stórar trupulleikar við at sleppa til skot. Tá teir endi­ liga fingu bóltin fram við verj­uni, so stóð ein vælleik­ andi Eli Müller í vegin. Eisini í álopinum riggaði væl hjá VÍF, og áðrenn nak­ ar veruliga hevði varnast tað, so høvdu teir økt enn meir um munin, soleiðis at teir nú førdu við seks mál­ um. Kyndil vildi tó ikki geva seg. Síðstu løtuna av fyrra hálvleiki komu teir aftur betur við í dystin, soleiðis at munurin bert var trý mál, tá liðini fóru til hálvleiks. Leiðslan hjá vestmenning­ um var fult uppiborin, tí teir vóru væl betri í fyrra hálv­ leiki. Dysturin tóktist avgjørdur Fyrstu løtuna av seinna hálv­leiki helt VÍF fram, har teir sleptu í fyrra hálvleiki. Við eini góðari verju og skjót­um og góðum álops­ spæl­i eydnaðist teimum at økja um leiðsluna, soleiðis at heili 7 mál vóru á muni, tá 10 minuttir vóru farnir av seinna hálvleiki. Nú sá dysturin út til at vera avgjørdur, tí eingin mundi vænta, at VÍF fór at tveita eina 7 mála leiðslu burtur. Kyndilsleikararnir tóktust tó enn at liva í vónini, tí teir skuldu helst vinna dystin, fyri at hava ein møguleika at koma í FM-finaluna. Við Róki Akralíð og Janusi Ein­ ar Sørensen á odda byrjaðu teir at kempa seg innaftur í dystin, og tá eitt knapt kor­ ter var eftir at leika, vóru aftur bert trý mál á muni. Magnus avgjørdi dystin VÍF sá tó ikki út til at taka hetta so øgiliga tungt, tí teir blivu bara við at spæla teirra spæl, og løtu Teir høvdu tó ikki tikið hædd fyri einum kyndilsleikara, og hann kom eisini inn á vøllin og avgjørdi dystin. Tá góðir 10 minuttir vóru eftir at spæla, valdi Kyndil at skifta málverja, har teir settu unga Magnus Matras inn í málið í staðin fyri Lars Black, og nú byrjaði Kyndil eitt ordans comeback. Ferð aftaná ferð bjargaði Magnus í stórum stíli skot­ um frá fríum vestmenning­ um, og so kundi Kyndil minka meir og meir um mun­­in. Við seks málum uppá færri enn fýra minuttir hevði Kyndil brádliga lagt seg á odda við tveimum mál­um, tá fimm minuttir vóru eftir, og nú var VÍF knekk­að. Síðstu løtuna øktist kyndilsleiðslan bara meir og meir, og takkað verið ein stórspælandi Magn­us í málinum, eydnað­ ist Kyndil at enda at vinna ein flottan 35-30 sigur. Við sigrinum er Kyndil nú veruliga við aftur í odda­ stríðnum, har teir liggja javn­ir við KÍF og StÍF á øðr­ um plássi. NSÍ bukaði føroya­meistararnar Nýggju spælararnir hjá NSÍ syrgdu fyri, at felagið vann greiðan sigur á HB í venjingardysti leygardagin. HB var rættiliga tikið á bóli í Runavík, tí NSÍ skoraði trý mál fyrstu 10 minuttirnar. NSÍ økti eisini upp í 4-0 fyri steðgin, og tað var ikki fyrr enn stutt fyri leiklok, at HB svaraði aftur við einum máli. Føroyameistararnir fingu tí okkurt at hugsa um á ferðini aftur til Havnar. Málini hjá NSÍ skutu tríggir nýggir spælarar í felagnum. Anderson gjørdi tvey mál, og Hjalgrím Elttør og Jónhard Frederiksberg gjørdu hvør sítt. Málið hjá HB skoraði Bárður Mittelstein.222 Atli og teir vunnu í Malmø Atli Danielsen spældi allan dystin í miðverjuni hjá Frem, sum vann venjingardyst ímóti svenskum liði leyg­ ar­dagin. Frem spældi ímóti IFK Malmø, ið spælir í næstbestu svensku deildini, og dysturin endaði við 2-1 sigri til danska 1. deildarliðið. Atli Danielsen hevur gjørt sáttmála við Frem, og hann hevur spælt við í seinastu trimum venjingar­dyst­ unum. Alti hevur bæði spælt í miðverjuni og á mið­ vøllinum, men leygardagin spældi hann allar 90 minutt­ ir­­nar í mið­verjuni. Kyndil-VÍF 35-30 (13-16): Kyndil steðgaði oddaliðnum Kyndil-VÍF 35-30 (13-16) Málskúttar: Kyndil: Rókur Akralíð 10, Høgni Klein 8 (3), Hans Áki Dal Christiansen 5 (1), Janus Einar Sørensen 4, Ragnar Stakksund 4, Rani Ellingsgaard 2, Brian V. Poulsen 1, Hjalti Jacobsen 1 VÍF: Sámal Joensen 8 (1), Harald Bjørgvin 7, Áki Olsen 6, Agnar Joensen 4, Áki G. Olsen 2 (1), Ingi Olsen 1, Rói Lamhauge 1, Regin Joensen 1 Brotskøst: Kyndil 5, VÍF 4 Útvísingar: Kyndil 4, VÍF 5 Dómarar: Andreas F. Hansen & Eyðun Samuelsen FAKTA Kyndil var aftan fyri at kalla allan dystin ímóti VÍF, men við stórspælið frá Magnus Matras í málinum, eydnaðist teimum at venda dystinum, sum teir at enda vunnu rættiliga trygt. Mynd: Álvur Haraldsen