mánadagur 5. februar 2007síða 26

26 [ Nr. 25 - 5. februar 2007 ] Týskland livdi upp til rolluna sum favo­ rittur í HM-finaluni, tá teir vunnu tryggan sigur á Póllandi. Sostatt gjørdust teir heimsmeistarar á heimavølli framman fyri 19.000 larmandi áskoðarum í Køln­arena HONDBÓLTUR Teitur Joensen teitur@sosialurin.fo Heimsins størsta endaspæl í manshondbólti kom til sín enda sunnudagin, tá ið finalu­dysturin ímillum Týsk­land og Pólland var á skránni út á seinnapartin. Fyrr um dagin hevði Dan­ mark vunnið bronsudystin ímóti Fraklandi, so nú var bert eftir at avgera, hvat lið skuldi vinna gull, og hvat skuldi vinna silvur. Undan gulldystinum var Týskland mett at vera favo­ rittur. Teir høvdu steðga tveim­um av heilt stóru favo­ rittunum á vegnum til final­ una, tá teir vunnu á ávikavist Spania og Fraklandi í fjórð­ ingsfinaluni og hálvfinaluni, og við 19.000 áskoðarum í rygginum hevði Týskland óivað ein áttanda mann, sum kundi hjálpa teimum efitr gullinum. Pólland hevði tó víst fyrr í kappingini, at teir kundu vinna á Týsklandi, tí í inn­ leiðandi bólkinum vunnu teir nevniliga við tveimum málum á týsku vertunum, so teirra møguleikar vóru uttan iva til staðar. Týskland fekk flúgvandi byrjan Ikki kann sigast annað, enn at týsku vertirnir fingu eina fantastiska byrjan uppá finaludystin ímóti Póllandi. Teir vístu frá byrjan av, at teir vildu vinna dystin, og hetta fingu polakkarnir veru­liga at føla. Eftir 10 minuttir hevði Týskland rætti­liga lagt grundina fyri einum sigri, tá teir førdu heili 8-3, og hesa løtuna tókt­ust profilarnir hjá Pól­ landi at vera sera troyttir eftir eina langa og strævna kapping. So við og við kom Pól­ land tó betur við í dystin. Spæl­ararnir tóktust meir klárir til uppgávuna út á dystin, og seint í fyrra hálv­ leiki minkaðu tveir av størstu polsku profilunum, Marcin Lijewski og Karol Bielecki, um munin niður í tvey mál. Nú var munurin at kalla eingin, men síðstu løtuna undan steðginum slapp Týsk­land aftur eitt sindur frá Póllandi við tveimum góð­um málum fá Holger Glan­dorf, so munurin í hálv­ leikinum var fýra mál. Pólland var líka við Í øðrum hálvleiki fekk Pól­ land betru byrjanina. Leikar­ arnir tóktust meir greiðir yvir, at hetta var ein HM- finala, og skuldu teir hava nakran møguleika at vinna dystin ímóti favorittunum úr Týsklandi, so skuldi okk­ urt henda beinanvegin. Pólland byrjaði eisini at eta meir og meir av leiðsluni hjá Týsklandi, og mitt í hálv­leikinum høvdu teir minka so nógv um munin, at nú var týsku leiðslan bara eitt­ans mál. Tá var støðan 22-21. Hesa løtuna lá dyst­ urin rættiliga og vippaði, og bæði liðini høvdu stórar trupulleikar við at fáa mál í eina løtu. M.a. hevði polski høgri vongurin, Juracik, eitt skot á stongina, og hevði hesin bólturin farið í málið, so er ilt at meta um, hvussu finalan hevði endað. Í staðin var tað Týskland, sum aftur byrjaði at økja um munin, og so var liðugt hjá Póllandi. Teir høvdu ikki fleiri kreftir at koma inn aftur í dystin, og at enda vann Týskland ein uppi­ bornan 29-24 sigur. Enn einaferð var sigurin bygdur á einki minni enn fantastiskt málmansspæl frá tí fantastiska Henning Fritz, sum tó mátti fara av vøllinum við eini fipur­ spreing­ing síðstu løtuna eftir eina av sínum stórbjarg­ ingum í dystinum. Hetta vísti seg tó ikki at nerva Týsk­land, tí Johannes Bitter kom inn í málið og spældi eisini ein fínan dyst. Heldur óvæntað hevur Týskland nú vunnið heims­ meistaraskapin í mans­hond­ bólti framman fyri Pólland og Danmark og ávíkavist øðrum og triðja plássi. Favo­ ritt­arnir undan kappingini, Frakland, Kroatia og Spania, endaðu á ávikavist fjórða, fimta og sjeynda plássi, so hetta endaspælið hevði fleiri óvæntað úrslit við sær. Týskland hevur verið við til at mynda oddin í mans­ hondbólti, frá tí at hond­ bólturin byrjaði. Teir hava eisini fingið nógv góð úrslit seinastu árini, men HM- endaspælið hava teir ikki vunn­ið síðani 1978, tá táver­ andi Vesturtýskland vann finaluna ímóti Sovjet­sam­ veldinum. Eftir næstan 30 ára bíðitíð hevur Týskland nú aftur vunnið heims­meist­ araskapin, so nú kunnu fólk bara bíða spent til næsta enda­spæl, sum verður EM í januar 2008. Lyngby vann á Brøndby Oddaliðið í næstbestu donsku fótbóltsdeildini, Lyng­by, vann leygardagin venjingardyst ímóti super­­liga­liðnum hjá Brøndby, sum hevur havt stórar trupulleikar í hesum kappingarárinum. Venj­ arin er skiftur, men fyrsti venjingardysturin í ár endaði við tapi. Føroyski landsliðsspælarin Christ­ ian Lamhauge Holst spældi ikki hjá Lyngby, sum vann 3-2, tí hann stríðist við ein skaða. Eingin føroyingur við hjá AaB Superligaliðið AaB spældi leygardagin venjingardyst ímóti Jetsmark, og AaB vann greiðan sigur. Úrslitið gjørdist 5-0. Føroyski landsliðsspælararnir Jón Rói Jacobsen og Súni Olsen eru partur av hópinum hjá AaB, men hvørgin teirra spældi við leygardagin. Jón Rói stríðist við at koma fyri seg eftir skaða, og Súni lá sjúkur. Simon Bræmer og Jeppe Curth skoraðu tvey mál hvør, og fimta málið gjørdi Mathi­ as Lindstrøm. Úrslitið í HM 1 Týskland 2 Pólland 3 Danmark 4 Frakland 5 Kroatia 6 Russland 7 Spania 8 Ísland 9 Ungarn 10 Slovenia 11 Tunesia 12 Kekkia 13 Noreg 14 Ukreina 15 Korea 16 Argentina 17 Egyptaland 18 Kuwait 19 Brasilia 20 Marokko 21 Angola 22 Grønland 23 Qatar 24 Avstralia Týskland-Pólland 29-24 Týskland er heimsmeistari All star liðið: Málverji: Henning Fritz, Týskland Vinstri Vongur: Edouard Kokcharov, Russland Vinstri bakkur: Nikola Karabatic, Frakland Miðja: Michael Kraus, Týskland Høgri bakkur: Marcin Lijewski, Pólland Høgri vongur Mariusz Juracik, Pólland Strika: Michael V. Knudsen, Danmark Fagnaðurin var ovurstórur, tá HM- gullið varð fingið til høldar. Teir 19.000 áskoðararnir í Køln- arenuni skaptu fantastiskar karmar, og so var tað upp til spælararnir at fylla hesar Mynd: Scanpix