mánadagur 5. februar 2007síða 27

27 [ Nr. 25 - 5. februar 2007 ] Claus og teir snávaðu Tað gekk ikki eftir vild hjá Blackpool í triðbestu ensku fótbóltsdeildini leygardagin. Blackpool heðvi vitjan av Brentford, sum liggur næstniðast í deildini, og púra óvæntað tapti Blackpool heili 3-1. Brentford skoraði øll málini í fyrra hálvleiki, og hóast Blackpool, har Claus Bech Jørgensen er ein av spælarunum, stríddist fyri at koma afturíaftur, gekk tað ikki. Blackpool fekk eitt troystarmál í yvirtíðini. Blackpool liggur nú nummar 7 av teimum 24 liðunum í League One. Uppflytarar og niðurflytarar spældu javnt Leygardagin spældu AB og B68 venjingardyst í Gundadali. AB flutt í fjør úr 1. deild og upp í Formuladeildini, meðan B68 fór øvugtan vegin og skal spæla í næstbestu deildini í ár. Dysturin millum liðini við javnleiki 3-3. Líkt var annars til, at B68 skuldi vinna dystin, tí liðið var á odda 3-1, men tað eydnaðist AB at javna til 3-3. Sagt eftir dystin Stór frøi var á donsku leikarunum eftir sigurin á Fraklandi í dystinum um bronsuheiðursmerkini. Fyri fyrstu ferð í 40 ár eydnaðist Danmark at vinna heiðursmerki í einum HM-endaspæli, og sum ikki einaferð fekk Ulrik Wilbek rætt. Undan dystinum ímóti Fraklandi segði hann: “Eg havi ongantíð verið til eitt endaspæl og ikki vunnið heiðurmerki, so tað ætli eg mær heldur ikki hesa ferð.” Ulrik Wilbek fekk rætt í sínum dómi. Danmark vann bronsuna, og nú kann liðið byrja at hyggja fram ímóti bæði EM og OL í 2008. Her er okkurt av tí, sum leikararnir søgdu við donsku HM-síðuna vm.tv2.dk eftir dystin. – Hesin dysturin vísir, at vit kunnu vera við ímillum tey bestu. Vit hava eisini eitt ungt lið so framtíðin sær góð út Jesper Jensen, Danmark – Tað var keðiligt at tapa hálvfinaluna, men spælararnir spældu ein sera góan dyst í dag. Serliga verjan stóð ótrúliga væl. Kasper Hvidt, Danmark – Vit høvdu so nógva vreiði at sleppa av við eftir hálv­ finalutapið, og tað sluppu vit so sanniliga. Vit høvdu fult tamarhald á teimum allan dystin, so sigurin var fult uppiborin. Per Leegard, Danmark – Hetta var fantastiskt. Eingin spælari hevur verið betri enn nakar annar í endaspælinum. Allir hava víst gott spæl, og hetta var ein liðinnsatsur, sum førdi til bronsuheiðursmerkini. Joachim Boldsen, Danmark – Málmasspælið hjá Kasper Hvidt var frá eini heilt aðrari verð, serliga í fyrra hálvleiki, og tá skal ikki so nógv til at steða Fraklandi. Peter Henriksen, Danmark – Eg eri fullkomiliga líka glaður um hálvfinaluna júst nú. Nú hava vit vunnið bronsu, og hetta skal feirast. Lars Rasmussen, Danmark – Teir vóru nógv meir tendraðir enn vit, og tann danski sigurin var ikki eitt mál ov stórur. Serliga verjan kiksaði hjá okkum í dag. Jerome Fernandez, Frakland – Vit spæla okkara besta dyst í dag, og tað er fantastiskt at vinna bronsu eftir allar hesar dystirnar. Nú vil eg virkiliga koma í eina finalu og vísa, at vit eisini kunnu vinna har. Michael V. Knudsen, Danmark – Vit manglaðu orkuna at vinna í dag. Donsku spælararnir vóru nógv meir motiveraðir enn vit, og teirra sigur var fult uppiborin. Nikola Karabatic, Frakland Danmark bukaði Frak­land av í dyst­in­ um um bronsu­heið­ urs­­merkini í HM- enda­spælinum, og so­statt endaði Dan­ mark millum trý tey ovastu fyri fyrstu ferð í 40 ár HONDBÓLTUR Teitur Joensen teitur@sosialurin.fo Seinast Danmark skuldi spæla um heiðursmerki í einum HM-endaspæli var fyri 25 árum síðani, í 1982, tá teir taptu dystin um triðja plássið ímóti Póllandi. So vit skulu heili 40 ár aftur í tíðina, fyri at finna seinasta heiðursmerki hjá dønum í HM-høpi. Ta ferðina vunnu teir silvurheiðursmerki, eftir at teir taptu finaluna ímóti táverandi Tjekkoslovakia. Í vikuskiftinum fekk Dan­ mark so ein møguleika at vinna heiðursmerki í HM fyri fyrstu ferð í 40 ár, tá teir møttu Fraklandi í bronsu­ dystinum. Danmark rann Frakland um koll Tað var eisini týðiligt frá byrj­an av, at donsku leikar­ a­­rnir vildu hava hatta heið­ urs­merki, sum Danmark ikki hevði fingið tey síðstu 40 árini. Fyrstu løtuna gekk javnt á, men so tók Danmark dik á seg. Frá at vera frammanfyri 4-3 eftir góðar fimm minuttir, øktu danir um leiðsluna næstu løtuna. Við kontantum verjuspæli og einum Kasper Hvidt í heimsflokki megnaði Danmark at halda Fraklandi frá fatinum í teirra álopi, og so kundu donsku leikararnir bara økja meir og meir um leiðslun. Við nøkrum sera góðum og skørpum mót­ álopum frá serliga Lars Christi­ansen fór Danmark frá 4-3 uppá 11-4 uppá smáar 10 min­uttir, og nú sá ikki gott út hjá franskmonnum. Eftir knappar 15 minuttir mátti ein av mest eyðsýndu leikarunum hjá Danmark henda dagin, Lars Møller Mad­sen, fara av vøllinum við einum skaða, men hetta vísti seg tó ikki at bila. Aðr­ ir komu á vøllin og tóku ábyrgd, og næstu løtuna helt Danmark fast um sjey mála leiðsluna, sum teir høvdu vunnið sær. Síðstu løtuna av fyrra hálvleiki kom Frakland eitt sindur betri við í dystin, og serliga Jerome Fernandez, sum kom inn á høgra bakk, gav dønum ymsar trupul­leik­ ar. Tá liðini fóru til hálvleiks, vóru tó enn heili seks mál á muni, og hetta mátti sigast at síggja sera gott út hjá dønum. Útvísingar kundu kostað Í seinna hálvleiki gekk javnt á fyrstu løtuna, men nú tóktist Frakland vera nógv betri fyri. Teir spældu skjótan og góðan álopshondbólt, og hevði tað ikki verið fyri ein stór­spælandi Kasper Hvidt í málinum, so er als ikki óhugsandi, at Frakland kundi komið rættiliga tætt eftir fyrstu 10 minuttirnar. Hvidt bjargaði tó í fleiri umførum frá fríum fransk­ monnum, so tá ið knappir 10 minuttir vóru farni, førdi Danmark enn við seks mál­ um, men so kom gongd á Frakland. Næstu løtuna bleiv Dan­ mark rakt av tveimum býttum útvísing upp í slag, og hesa løtuna gjørdi Frakland sær dælt av. Teir vunnu 3-0, og so vísti talvan brádliga 24- 21, og nú var Frakland við at koma inna aftur í dystin. Hetta var tó tað nærmasta, sum Frakland kom einum sigri. Ulrik Wilbek valdi at spæla við tveimum striku­ spælarum síðsta korterið, og hetta gav úrslit. Danska leiðslan bleiv nú aftur bara størri og størri, og tá 10 minuttir restaðu, var dysturin í roynd og veru avgjørdur. Nú høvdu fransarnir givið upp, og í síðstu álopunum slapp Jesper Nøddesbo at seta punktum. Danmark vann við sjey málum, og fyri fyrstu ferð í 40 ár kundu danir erpa sær av at hava vunnið heiðursmerki i mans­hondbólti. Fyri Ulrik Wilbek er hetta tó ikki ókent. Hann hev­ur enn ikki roynt at ver­ ið landsliðsvenjari í einum endaspæli, og ikki enda ímill­ um trý tey ovastu. Wilbek megnaði enn einaferð at føra eitt danskt landslið fram í oddin, og eftir sigurin í dag má sigast, at danir virkiliga høvdu fortjent bronsu­heiðurs­ merkini. Danmark-Frakland 34-27 Wilbek gjørdi tað aftur Ulrik Wilbek er uttan iva størsta venjaranavnið í danskari hondbóltssøgu. Sunnudagin vann hann enn eitt heiðursmserki heim til Danmarkar, tá talan gjørdist um tryggan sigur á Fraklandi Mynd: Scanpix