hósdagur 8. februar 2007síða 27

27 [ Nr. 28 - 8. februar 2007 ] Flogbóltskvinnurnar hjá KÍF hildu fram við síni sigursrøð, tá tær vunnu tryggan sigur á oddaliðnum, ÍF, í Kollafirði í gjárkvøldið. Við sigrinum hava tær nú vunnið fýra dystir á rað FLOGBÓLTUR Teitur Joensen teitur@sosialurin.fo KÍF hevur havt eitt heldur ójavnt kappingarár í meist­ ara­deildini hjá kvinnum, har tær stóran part av ári­ num hava havt trupulleikar at avgera sínar dystir. Í sein­ astuni hevur tó borið til. Síðstu tríggir dystirnir eru nevniliga endaðir við sigri, og mikukvøldið skuldu tær aftur í dyst, tá tær tóku ímóti oddaliðnum úr Fugla­ firði. KÍF er flúgvandi Nógv fólk vóru komin sam­ an í høllini í Kollafirði hetta kalda vetrarkvøld, tá ið KÍF tók ímóti ÍF. Høvdu tey vænt­að sær ein spennandi dyst, so fóru tey skuffaði heim aftur, tí spenningur kom sum so ongantíð í dyst­ in. Til tess var munurin á lið­unum alt ov stórur henda dagin. Í fyrsta setti fylgdust lið­ ini leingi, men mitt í sett­in­ um dró KÍF frá, og eftir hetta var eingin slingur í vals­inum. Tær vunnu ein trygg­an 25-19 sigur, og so høvdu tær lagt støðið fyri rest­ini av dystinum. Í øðrum setti byrjaðu kvinn­­­urnar úr Kollafirði har, sum tær høvdu slept í fyrsta setti. Tær fóru frá ÍF bein­anvegin, og eitt skifti førdu tær heili 15-3. Móti end­anum kom ÍF tó eitt sind­ur betri við í hetta sett­ ið, men leiðslan hjá KÍF kom tó ongantíð í vanda, og tær vunnu eisini hetta settið trygt, 25-15. Nú mundu flest øll vænta, at KÍF eisini fór at taka sær av triðja setti, og fyrstu løt­ una sá eisini væl út. Mest sum alt fyri eitt løgdu tær seg á odda við seks stigum, men so steðgaði upp. Frá at vera aftanfyri 9-12 megnaði ÍF at vinna seg upp á 19-13, og so var triðja sett í roynd og veru avgjørt. ÍF vann hetta 25-17, og so var spenn­ ingur í aftur dystinum. Spenningurin helt sær tó ikki leingi, tí í fjórða setti var KÍF aftur oman á. Eftir eina javna byrjan, har liðini fulgdust í eina løtu, dró KÍF frá mitt í settinum. Móti end­anum var slett eingin ivi, og KÍF vann fjórða sett 25-16. Harvið tryggjaðu tær sær tann fjórða sigurin á rað, og nú byrja tær veru­ liga at nærkast heiðursmerkj­ unum. Uppiborin sigur Liðið hjá KÍF má sigast at vera nógv broytt síðstu dyst­ ir­nar. Leikararnir eru teir somu, men nú eru tær brád­ liga byrjaðar at vinna sínar dystir. Sigurin ímóti ÍF var eisini fult uppiborin, og sjálvt um ÍF fekk spenning í dystin, tá tær vunnu triðja sett, so var at kalla eingin sum helst ivi um úrslitið. Blokkurin hjá KÍF hevur verið sera góður síðstu dyst­ irnar, og hesin gav eisini álop­­inum hjá ÍF stórar trupul­leikar. Hetta var tó ikki einasti munurin á liðun­ um. KÍF tóktist eisini spæla meir fjøllbroytt í sínum álops­spæli, og hetta gjørdi tað ofta ringt hjá ÍF at lesa av, hvaðani álopini fóru at koma. Sum heild ein fult uppi­borin sigur til KÍF, og megna tær at halda fast um góða spælið, so er ikki óhugs­andi, at tær fara at enda millum trý tey ovastu. Steypakappingin í Bridge skal avgerast leygardagin, og longu nú stendur greitt, at oddaliðið í fyrstu deild ikki fær hond á steypið Bridge tíðindaskriv Leygardagin 10. februar verða hølini hjá Dimma­lætt­ ing á Smyrilsvegi í Havn karmurin um hálvfinalur og finalu í steypakappingini í bridge 2007. Per Kallsberg og hansara menn: Dánjal Pauli Mohr, Jóannes Mourit­ sen og Heðin Mouritsen vunnu á liðnum hjá Boga Simonsen í undan­kapp­ing­ ini, so oddaliðið í fyrstu deild er ikki millum tey fýra, ið kappast um ferða­ steypið frá Trygd. Liðini hjá Áranti Berja­ stein og Allani Dal-Christ­ iansen eru bæði mannað við sterkum spælarum úr fyrstu deild, og bæði kunnu enda sum vinnarar av kapp­ ingini. Árant spælir saman við Símini Lassaberg, með­ an Marner Joensen og Arn­ bjørn Sivertsen manna hitt parið á liðnum. Allan Dal- Christiansen og Robert Lang­­gaard eru á liði saman við Róa á Rógvu Joensen og Jógvani Juel Rasmussen. Danny Danielsen  stendur á odda fyri fjórða liðnum í hálvfinaluni. Hann og makk­arin Jens Pauli G. Nolsøe spæla í aðru deild meðan hitt parið á liðnum: Hanus Bærentsen og Eyðbjartur Dan­ielsen ikki eru við í deild­arkappingi. Tey 32 spøl­ini í hálvfinaluni verða í mótbrekku fyri teir fýra, uttan mun til, hvørt av hin­um liðunum teir skulu spæla í móti. Byrjað verður klokkan 10 og hálvfinalurnar eru liðugt spældar klokkan 14. Sjálv finalan er 40 spøl og byrjar ein tíma seinni. Vinn­ andi liðið fær eisini 8.000 krónur sum fíggjarligt ískoyti til luttøku í Vingsted Bridge Festival í Danmark komandi summar. Flogbóltsstøður Meistaradeild kvinnur v t d v - t sett sett +/- stig 1 ÍF 16 11 - 5 39 28 11 15 2 SÍ 15 10 - 5 35 24 11 14 3 Dráttur 16 10 - 6 37 30 7 13 4 TB 15 8 - 7 30 23 7 10 5 KÍF 16 6 - 10 31 34 -3 10 6 Mjølnir 16 2 - 14 12 45 -33 2 Meistaradeild menn v t d v - t sett sett +/- stig 1 ÍF 13 11 - 2 35 16 19 15 2 Mjølnir 12 9 - 3 30 17 13 12 3 Fram 13 7 - 6 26 26 0 10 4 Fleyr 13 4 - 9 19 31 -12 6 5 SÍ 13 1 - 12 18 38 -20 1 Bridge-finalurnar á skránni KÍF-ÍF 3-1 (25-19, 25-15, 17-25, 25-16): KÍF bukaði oddaliðið KÍF vann ein fult uppibornan sigur á oddaliðnum, ÍF mikukvøldið. Hetta var fjórði sigurin hjá KÍF á rað, og nú byrja tær veruliga at nærkast heiðursmerkjum. Mynd: Álvur Haraldsen Fram-ÍF 3-2 (10-25, 25-20, 27-25, 22-25, 15-13): Fram steðgaði fuglfirðingum Fram steðgaði sigursrøðini hjá ÍF í meistaradeildini hjá monnum í gjárkvøldið, tá teir vunnu ein javnan og spennandi dyst. Nú er dysturin um meistaraheitið aftur púra opin FLOGBÓLTUR Teitur Joensen teitur@sosialurin.fo Lagt var upp til ein spennandi dyst í Hoyvíkshøllini í gjárkvøldið, tá Fram tók ímóti oddaliðnum, ÍF, í meistaradeildini hjá monnum. Í undanfarnu dystunum millum liðini hevði ÍF havt munin, og vunnu teir henda dystin, so kundu teir taka eitt stórt fet ímóti meistara­ heitinum. Fram vildi tó ikki lata sær lynda við enn einum tapi, tí teir vunnu nevniliga dramatiska dystin eftir javnbrótara, og við sigrinum hava teir veruliga blást lív í aftur dystin um meistaraheitið. Í fyrsta setti var annars einki, sum bendi á, at Fram fór at hava nakran møguleika henda dagin. ÍF stutt og greitt blásti heimaliðið av vøllinum. Gestirnir úr Fugla­ firði løgdu seg á odda alt fyri eitt, og Fram fekk slett ikki fótin fyri seg í hesum settinum, sum endaði heili 25-10 til ÍF. Fram fekk gongd á Í øðrum setti vóru spælararnir hjá Fram tó vaknaðir, og nú gekk heldur javnari á. Tað tóktist tó, sum Fram hevði munin í hesum settinum, og móti endanum drógu teir eisini frá ÍF, soleiðis at teir vunnu annað sett 25-20. Triðja sett var enn javnari, og her var at kalla slett eing­in munur á liðunum. Enn einaferð megnaði Fram tó at hála seg fram við ÍF í seinastu bóltunum, og hetta settið vunnu teir eisini. Hesaferð gjørdist úrslitið 27- 25, og nú var tað brádliga Fram, sum lá betur fyri at vinna dystin. Nú sóu fulgfirðingarnir tó, hvønn veg tað bar, og í fjórða setti fingu teir aftur rætta uppá spælið. Teir vóru heldur betri við allan vegin, og ÍF megnaði eisini at vinna hetta settið 25-22, og so skuldi ein javnbrótari til fyri at finna ein vinnara. Hesin javnbrótarin gjørdist sera javnur og spennandi, men í seinastu bóltunum hevði Fram betru nervarnar. Teir vunnu 15-13, og sostatt tryggjaðu teir sær sín fyrsta sigur ímóti oddaliðnum, ÍF, í ár. Við sigrinum hevur Fram eisini blást nýtt lív í odda­ stríðið, har Mjølnir nú hevur ein hampiligan møguleika at finga ÍF aftur.