fríggjadagur 9. februar 2007síða 18

18 Nr. 29 - 9. februar 2007 tíðindi Í gjár bjóðaði KJ- Hydraulik føroyskum alarum og øðrum til móttøku í sambandi við, at tvíkiljan, sum felagið hevur smíðað til Pan Fish í Føroyum, varð latin eigarunum Ídnaður Vilmund Jacobsen vilmund@sosialurin.fo Fólk møttu hjá KJ-Hyd­ raulik um 14-tíðina í gjár til kaffi og køkur. Onkur nýtti høvi at siga nøkur orð, og eitt nú bar borg­ arstjórin í Fuglafjarðar kommunu, Sigurd Sim­ onsen, fram eina heilsan. Borgarstjórin fegnaðist um, at alivinnan nú aftur hevur fingið fótin fyri seg, og hann ynskti Pan Fish tillukku við ný­byg­n­ingi­ num. Hann ynskti eisini KJ tillukku við hesi fyrstu tvíkiljuni í nøkur ár, nú alivinnan annars hevur ligið so tungt í sjónum síðan kreppuna í vinnuni. Stjórin í KJ-Hydraulik, Ólavur A. Olsen, segði eis­ ini nøkur orð. Hann greiddi frá arb­ eiðnum at smíða tvíkiljuna og takkaði teimum, sum høvdu bíliga bátin. Framsýning Tá ið hesin parturin av móttøkuni hjá KJ-Hyd­ raulik var liðugur, fóru fólk oman á bryggjuna, har høvi var at fara umborð og síggja tvíkiljuna. Farið varð eisini ein stuttan stimitúr á fjørði­ num, so fólk sluppu at royna nýggja og snotuliga bátin. Eftir sjálva handanina, har Marnar Dam og hans­ ara fólk tóku ímóti ali­ bátinum, varð lagt útaftur á fjørðin og stevnt norður um Ennið til Oyndarfjarðar, har báturin skal brúkast í alivirkseminum, sum Pan Fish hevur har. Saman við fólki hjá Pan Fish, fóru tveir mans hjá KJ-Hydraulik norður við, og á hesi ferðini gekk alt upp á stás, sum tikið verður til. Tað eru nakrir dagar síðan, at tvíkiljan varð sjósett á Borðoyarvík, har skrokkurin hevur staðið í leigaðum hølum, síðan hann kom úr Letlandi. Hydro-Cat Sjálvur skrokkurin er nevniliga smíðaður í Let­ landi, men eftir sniði og tekningum hjá KJ-Hyd­ raulik, sum soleiðis eigur alt konseptið. KJ hevur sett motorar, gear, krana og spøl í bátin, men felagið hevur havt undirveitarar til eitt nú sandblásing, metalisering og máling, eins og til apeteringsarbeiði, el-út­­ búnaðin og nautisku in­­sta­ latiónirnar. Undirveitarar eru Sp/f Sandblástur, Jón Jacobsen, Eiði, PFJ-El Sp/f, Eiði og Radiobúðin, Saltangará. Tvíkiljan, sum tilsamans er nýbygningur nr. 18 hjá Hydro-Tech og KJ-Hyd­ raulik, er slakar 12 metrar long og 6 metrar breið. Tað var upprunaliga Hydro-Tech á Eiði, sum byrjaði at byggja tvíkiljur til alivinnuna, men tá ið alivinnan fór fyri bakka, gekk hetta eisini útyvir virksemið á Eiði, sum síðan varð lagt undir KJ- Hydraulik. Føroysku alibátarnir, sum Hydro Tech smíðaði, vóru væl umtóktir í ali­ vinnuni, og tí hevur KJ valt at kalla tvikiljurnar Hydro-Cat. Bátarnir eru sterkir, eins og útbúnaðurin umborð er tilsvarandi til dygdar. Skrokkurin er smíðaður úr stáli, og húsið úr alu­mini­ um. Tveir ávegis – Hetta eru arbeiðsbátar burtur av, og vit vita, at teir verða rættiliga hart koyrdir í alivinnuni. Tí má dygdin eisini vera tilsvarandi, bæði skrokkur og útbún­ aður annars. KJ-Hydraulik ásannar, at alivinnan er sera fegin um tvíkiljurnar, og tí eru feløgini komin aftur og hava biðið um fleiri bátar. Tvíkiljan, sum nú er latin Pan Fish í Føroyum, er hin fyrsta av trimum í hesum umfari. – Skrokkur nr. 19 er liðugur, og um stutta tíð verður farið undir skrokkin til nýbygning nr. 20. Tað er Luna í Gøtu, sum skal hava hesar báðar bátarnar, sigur KJ-Hydraulik. Tvíkiljan handað Pan Fish Ólavur A. Olsen, stjóri í KJ- Hydraulik, handar Marnari Dam hjá Pan Fish í Føroyum n‡bygningin, sum er tann átjandi, ið Hydro-Tech og KJ-Hydraulik hava smíðað til alivinnuna Mynd: Sofus Gregersen Eftir móttøkuna hjá KJ-Hydraulik var høvi hjá alarum og ø›rum at síggja snotuliga bátin – og fari› var› eisini ein stimitúr á Fuglafir›i Mynd: Sofus Gregersen Á land og sakk Fyri fjúrtan døgum síðani sigldi norska nótaskipið Herøy á eitt sker við Husvika sunnan fyri Kristiansund. Tað eydnaðist manningini at sleppa av skipinum, men skipið varð standandi. Í gjár staðfesti ein tyrla, sum var á leiðini, at skipið var gliðið av skerinum og sokkið. Dagin eftir at skipið fór á land, kravdu myndugleikarnir, at reiðaríið og tryggingin skuldu beina vrakið burtur, men tað er ikki greitt, um tað kravið stendur við nú.